العلاقات الحلوه هي اللي بتمشي لوحدها .. بتفاهم ..
اللي قدامك مش محتاج تبررله اي فعل .. مفروض إنه عارفك و فاهمك و قريب منك ..يوم ما يفهمك غلط يبقي ميقولش إنه يعرفك ..
العلاقات الحلوه مش محتاجه مناهده .. و لا زق .. و لا إنك تنهج و انت ماشي فيها .. كل...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مراد بص ف عيونها قوى .. بيحاول يقرا فيهم الكلام اللى متقالش يمكن يعرف يترجم الكلام اللى إتقال .. بس لأول مره يحس بالفشل .. همسه دوّرت وشها بضيق بمجرد ما فهمت نظراته .. مراد انسحب بهدوء راح فتح و وقف و إداها ضهره .. بيحاول يتنفس بس النَفس بياخده بالعافيه و مش عارف عشان إتخنق من عينيها اللى هربت بعيد و كإنها عارفه جواهم حاجه مش عايزاه يشوفها و لا مش عارف يتنفس عشان لسه بتخطف انفاسه و مبيعرفش يهدى ف وجودها ! همسه خدت نَفس بصوت حاولت يكون هادى بس هو قدر يسمعه ف غمض عينيه و خد نفس النَفس .. راحت عليه و لسه بتمسك إيده مراد سحب إيده بهدوء : معلش عايز ابقى لوحدى شويه همسه سكتت كتير قوى و هو مكنش باصصلها بس مستنى الكلمه اللى هتطلع بترقّب .. همسه صوتها إتهز : مكنش قصدى بس انت اللى غلطت يا مراد .. ف الحكايه كلها انت الغلطان .. لك مبرراتك و اعذارك و اسبابك بس ده ميمنعش إنك غلطت و لو مكنتش انا اللى هصلّحلك الغلط ده او ع الاقل انوّرلك ضوء عليه عشان تاخد بالك يبقى مليش لازمه جنبك مراد من غير ما يبصلها : انا بس محتاج ابقى لوحدى عشان مضغوط شويه مش اكتر .. ضغط شغل و ضغط مشاكل الولاد و همسه مسكت وشه و هو لسه بيتكلم و هو حاول يدوّر وشه بس هى رجّعت وشه تانى لها و ثبتته و قصدت تقابل عيونهم ...طول عمرهم بيتفاهموا بلغة العيون و هنا بيتقابلوا .. مراد نزّل إيديها و إتحرك يخرج : انا خارج شويه .. همسه لسه هتتكلم هو إفتكر جملتها و عادهالها : قولتلك محتاج ابقى لوحدى شويه .. هحاول الاقى نفسى يا همسه .. اعيد حساباتى زى ما قولتى
✋✋✋✋✋✋
انا بعد ما كتبت المشهد ده وقفت كده تلات ثوانى و.عملت كدهوو 🤨🤨🤨🤨🤨🤨🤨🤨👇 عايز تبقى مع نفسك شويه ايه يا مراد ؟ 🙄 و نفسك ايه اللى عايز تلاقيها يا مراد ؟ 🙆 يا مراد ده انا كنت ماشيه بلمّ فيك من الجروبات بتعمل حملات استغفار بنية الست همسه ترجعلك 🙈🙈 يا مراد ده انت كنت بتنام قدام القبر و اقولك قوم الفانز هيجى يعمل مظاهره قدام القبور تقولى لاء 🙈🙈🙈 يا مراد ده انت كنت بتفضل تدعى على نفسك بالموت عشان تروحلها و الفانز يسح و ينح عليك 🙄🙄 يا مراد ده انت كل شويه كنت تقول معرفش ليه بدعى على نفسى و كل ما اقول هموت خلاص و اجيلك مبموتش 🙈 و الفانز يصوّوووت و يقولك افهم يا حمار ده عشان هى عايشه 🙆🙆🙆🙆 يا مراد ده انت لقيتها و عرفت انها كانت متجوزه و العيال يقولولك سيبها و انت تقول بحبه يا بابا 🙈🙈🙈
اتلم يا مراد و خلى ليلتك تعدى و خلى الجزء ده يعدى على خير عشان لو متلمتش انا هجيلك و انا لو قربت منك تانى عارفه الجروب كله ممكن يقيم عليا الحد و الاتنين و التلات و لاخر الاسبوع و الاسبوع اللى بعده 🙈🙈🙈
