مخابرات خلف الاسوار بقلم / اسماء جمال

توضيح

جالى نقد من واحده بتقول عن التجاوزات اللى بين مالك و حلم ف علاقتهم ..
طيب هقول كلمتين انا قولتلهم ف كومنت ك رد بس حابه يبقى رد ع الكل ..
بصى حبيبتى ..
ممكن اكون لسه منزلتش حاجه كتير تكشفنى قدامك او تعرّفنى ليكى بس لو عرفتى عنى حاجه انى من وقت مارد من اول حلقه خالص و الناس انتقدت مراد اما خطب مها قبل ما يدى علاقته بيها حقه ..
انا ساعتها قولت يا جماعه انا مبجيبش علاقات بيرفيكت و لا شخصيات و نماذج مثاليه .. انا بجيب علاقات فيها شروخ و نماذج بتغلط عشان اوضحلك الصح من الغلط عن طريقهم ..
جيبت مراد خطب مها قبل ما يختبر مشاعره حتى ناحيتها اذا كانت حب و لا مجرد اعجاب هتروح زهوته بمجرد ما علاقتهم تبرد شويه او يشوف غيرها ..
و جيبته بعدها اما حب همسه ..
مها كان بيختبرها رغم انها مكنش مكشوف.قدامه انها حبت غيره انما همسه حتى مشكش فيها لحظه عشان يفكر يختبرها رغم انه كان عارف ان همسه بتحب عاصم و بتعشقه و كانت مراته يعنى بينهم كتير
بس كنت عايزه اوضحلك الفرق بين الحب و الاعجاب
ف جيبت علاقه غلط و علاقه مقابله عشان تعرفى تستنتجى انتى ده
مقولتش بقا ساعتها مينفعش اجيب واحد لمجرد اعجب بواحده يخطبها و الا كنت هوصلك المعلومه ازاى !!

جيت بعدها كنت عايزه اوصلك ان اندفاع الواحد ف مشاعره و سرعة قرارته خاصة اما تبقى مصيريه غلط جدا و الاختيار الغلط مش لازم يبقى للشخص بس ممكن كمام يجى ف الظروف او ف الوقت او ف حاجات كتير
و بناءا عليه جيبتلك اختيار مراد لهمسه اللى كلكوا شوفتوه صح او معظمكوا مع انه.كان.غلط .. كان قرار متسرع و عاطفى اكتر ماهو عقلانى و ان لا الوقت و لا الظروف كانوا يسمحوا بارتباطهم
عشان كنت عايزه اقولك ان الاختيار مش بس بيتوقف على اختيار الشخص ..
هو اختار همسه ف وقت كان خلافه مع عاصم متقفلش و كان عارف انه مش هيسيبهم و هينتقم و مع ذلك اتسرع
و ده بردوا غلط جيبته و جيبتلك النتيجه
زائد انه جيبته حب همسه ف وقت و ظروف مكنتش تسمحلها تدخل ف علاقه جديده .. كانت تايهه و مشروخه و صعب تثثق ف حد تانى و مع ذلك صمم على ارتباطه بيها
و جيبتلك النتيجه انها موثقتش فيه ف اول خلاف بينهم.
ده حتى اما خد ولاده و سافر لابوه معرفتش تثق فيه ..

جيت بعدها جيبتلك وقفة مراد قصد اهله و عناده معاهم ..
هو.ده كان صح ؟
لا غلط و كان المفروض يوصل معاهم لحل غير انه يتصرف من وراهم
بس جيبتلك النتيجه انهم اتقاطعوا سنين و ف الاخر علاقته بيهم اتشرخت زائد ان طلعتلك خلافه مع اهله ده السبب ف فراقه هو و همسه السنين دى كلها اما فهمت انه كان موافق يتجوز عليها ..
كان.ممكن اجيبهم بيتفارقوا لسبب تانى او يحصل خلاف تانى بس انا كنت عايزه اوصلك ان مينفعش يقف قصد اهله و لا يعادى ابوه و يقطع صله الرحم ايا كان السبب
ف كان لازم اجيبلك النتيجه قاسيه زى ما جيبتلك الغلط كان قاسى ..
ف هل معنى كده انى كنت عايزه اقولك انك لو.حبيتى حد روحى عادى و قاطعى اهلك ؟
لاء بدليل جيبتلك النتيجه للغلط ..

بعدها اما جيبتلك مارد و علاقته بغرام و انها بتخرج معاه من ورا اهلها ..
ناس كتير وقتها قالت نفس كلامك ده بس بردوا قولت وقتها انى بجيب الغلط و نتيجته مش عشان اقولك تعمليه انا بجيبهولك و اجيبلك نتيجته عشان اوصلك اخرتها و عقابه بيبقى ايه
و ساعتها جيبت خلاف غرام مع ابوها بسبب مارد و ضرب ابوها لها و حتى امها وقفت قصادها ف الاخر عشان اعرفك انها غلطت ..
بس قولتلك ساعتها ان غرام واحده مفتقده جو العيله و مفتقده دور ابوها ف حياتها ف عوضته مع اول حب قابلها

انا بجيب الغلط و.اجيبلك عواقبه عشان اعرفك اخرة كل حاجه
و بجيبلك الصح ف المقابل مع شخص تانى جوه الاحداث عشان اللة مفهمش نتيجة الغلط من العلاقه الغلط يفهم اكتر من عكسها ..
جيبت علاقة مراد و عاصم و ازاى صاحب واحد غلط
و.جيبتلك علاقة مراد بمهاب و ازاى وقف جنبه و معاه و سنده للاخر
و.جيبتلك علاقه مارد بمصطفى و ازاى كان  معاه ف المره قبل الحلوه
عشان اعلمك ان الصاحب ساحب بيسحبك يا اما تغلطى معاه و زيه يا اما يسحبك لنتيجة غلطه هو و يعكك معاه
جيبتلك علاقة مارد و غرام و ازاى غلطت او تجاوزت
و جيبتلك علاقه مازن و ليليان ازاى حتى مسمحتلهوش يمسك ايديها لدرجة الناس كانت عايزانى اطلع ليليان مش محجبه و مش ملتزمه كده
جيبتلك مالك و حلم تجاوزوا و هجيبلك مع اول مطب هيدفعوا تمن التجاوز ده من الثقه اللى بينهم عشان اعلمك
و جيبتلك ف المقابل فهد و روفيدا و ازاى مسمحتلهوش ب اى تجاوز ..
و هنا دورك انتى تشوفى الغلط و نتيجته و الصح و تركيبته و تختارى طريقك بعد ما انا القيتلك ضوء خفيف على كل علاقه بغلطها و صحها ..
و عشان انا عندى فكره و عايزه اوصّلها جيبتها بالشكل اللى يخدمها و هجييها للاخر بعدها احكمى ..
انا اللى هوصّلك لنقطه اخليكى تقولى بنفسك ان مكنش ينفع بينهم كذا حتى لو كنتى عيله عندك عشر سنين
مالك اما يوصل مع حلم لنقطه معينه هتقوله ف خلافهم انا اديتك ثقه ف وقت كانت كانت كتيره عليك ده انا وثقت فيك ف عز ما بتخون الكل
عارفه هيرد يقولها ايه ؟؟؟
هيقولها وانتى لو ادتينى ثقه كتيره عليا انا اديتك ثقه مكنتش
تنفع اصلا
انا وثقت فيكى ف وقت كنتى بتخونى فيه نفسك مش الكل و ده ابشع .. ده انا اخدتك ف مكان ضلمه و مقطوع و لوحدنا و مع ذلك استسلمتى تحت بند الحب مكنش عندك مبدأ الصح و الغلط معنى كده انى لو كنت ضغطت عليكى شويه كنتى استسلمتيلى ماهو المبدأ موجود بقا و اتجزأ
هتقوله انا معملتش حاجه غلط انت كنت خطيبى
هيقولها و ده معناه انك تبقى بالقرب ده معايا ؟ الحلال بيّن و الحرام بيّن و بينهم مشتبهات
هتقوله و اللى انا عملته ده كان مشتبهات مش اكتر
هيقولها و اللى انا فيه انا دلوقت مشتبهات بالظبط ...
بعيدا عن انه كان عايز يشرحلها وضعه بصوره مبسّطه الا انه فعلا وضحلها ان الللى عملته غلط زائد انى وصلتلك انك لو بتعملى ده ب اسم الحب ف ممكن الحب نفسه هو اللى يجرحك .