مخابرات خلف الاسوار بقلم / اسماء جمال

حلقه خاصه 1 بمناسبه عيد الام

حلقه خاصه من #رواية_ربع_دستة_ظباط
بمناسبة #عيد_الام
بقلم / اسماء جمال ( Soma Ahmed )
**********
مراد مع همسه ف بيته اللى بقا بالنسباله وطن بمجرد ما يخرج منه بيحس بالغربه بتخنقه ..
مراد إبتسم بشغف : قوليلى يا همستى
همسه : عيونى
مراد غمزلها : هو انا قولتلك كل سنه و انتى طيبه و لا لسه ؟
همسه ضحكت قوى : و ربنا بقيت قايلهالى لحد دلوقت 365 مره بعدد ايام السنه
مراد كشر : طيب قولتلك إنك وحشتينى ؟
همسه ضحكت اكتر ضحكه مجنونه : و ربنا قولت
مراد بمكر : طب انتى قولتيلى انا وحشتك اد ايه و لا لسه ؟
همسه إبتسمت بصفا : يالهووى عليك يا مرادى كل ده لسه مقولتش ؟
مراد قرّب بخبث و هى بترجع لورا بضحك : تؤتؤ لسه مقولتليش على وحشتى ليكى كلها .. قولتيلى على حته صغننه
همسه و هى لسه بترجع بضحك : لالالاء قولتلك على كله كله
مراد و هو لسه بيقرّب : كله كله ؟
همسه ضحكت بدلع : كله كله
مراد بخبث : خلاص هقولك انا بقا
همسه بخضه : يالهووى انت لسه هتقول ؟
مراد بخبث حدف قميصه وراه و بيقرّب : طبعا .. ده انا لسه هقول و هقول و هقول .. انا لسه قولت حاجه
همسه ضحكت وهى لسه بترجع لورا : بس
و قطعت كلمتها اما وقعت ع الكنبه وراها و بتتنطط
مراد ضحك بمكر : استعنا ع الشقا بالله .. قولتيلى انتى على وحشتى كلها لكن انا بقا لسه عندى حته مقولتلكيش عليها .. تعالى بقا يا عشق المراد
و بعد فتره طووووويله
مراد نايم و همسه راسها على قلبه كأنها بتقيس درجة حبه ليها و مبتسمه
مراد : مالك بقا ؟ حاسّك طول الوقت متوتره .. او ملخبطه .. او نقول تايهه
همسه بتتويه و ضحكه حسّها هو انها مصطنعه : انت مدينى فرصه اركز فى حاجه عشان مكنش تايهه ؟
مراد متكلمش بس بصّلها و سكت و فضل يقلّب ف شعرها بعشوائيه يلغبطه و يرجع يساويه
سكتوا الاتنين كتير و بعدها مراد اتنهد بقلق : ندمانه ؟
همسه انتبهت : على ايه يا مراد ؟

مراد سكت و هى فهمت و ده خلّاها نوعا ما انجرحت ف دوّرت وشها و سكتت بس دموعها نزلت بصمت
مراد : على اى حاجه .. نزولك مصر .. او رجوعك ل هنا .. بيتنا .. او ..
قاطعته همسه بدموع : او ايه ؟ او ايه يا مراد ؟! او خروجى من عند عاصم صح ؟ قول او من قبلها و انى سيبته و هربت
مراد سكت و ده ف حد ذاته وجعها
همسه بوجع : ليه طول الوقت محسسنى انى سيبتك بمزاجى و انى سيبته هو غصب عنى ؟ مع ان اللى حصل العكس .. ليه حاسس انى ندمانه ؟
مراد اتنهد : انا مقولتش
قاطعته همسه : كونك سألت يبقا حاسس و ده حاجه مش محتاجه تقولها .. امتى انا وصّلتلك الاحساس ده ؟ امتى حسستك انى مش عايزاك ؟
مراد انا وقعت فيك بمزاجى .. قبل ما اعرفك و افهم كل حاجه .. قبل ما اعرف انى كنت مراتك ..
يوم ما اتقابلنا ف النادى .. لاء من قبلها و لحظة ما وقعت عينى عليك ف القسم و انا من وقتها توهت معاك و لو مكنش حصل بينا المشكله هناك و انت اتسرّعت ف رد فعلك كنت بردوا هفضل معاك حتى لو مكنتش طلعت انا همستك و كان مجرد شبه مش اكتر ..
معرفش كنت هعمل ده ازاى .. بس اللى اعرفه انى مكنتش هسيبك
مراد حاول يهزر عشان يراضيها و يفك الجو : ااه اللى هو نظام عريس يا مااى .. واد حليوه و مْز و مراته مرحومه .. اشقطه انا بقا .. ده كان بُعدك
همسه ضحكت من بين دموعها : تنكر انى كنت هعرف ؟
مراد بهزار و ايده بتتحرك بمكر على جسمها :
تؤتؤ مش هتعرفى .. اه انكر .. انا ل همستى و بس
همسه بتبويزه : المفروض انا بقا اتبسط من الكلام ده و لا اتقمص ؟ ازعل انى مكنتش هعرف اخطفك و لا افرح انك كنت شايلى نفسك السنين دى كلها ؟
مراد بحب : و مين قالك انك معرفتيش ؟ انتى وقّعتينى اصلا قبل حتى ما اعرف اى حاجه عنك .. سواء انتى همسه او غيرها ..
بمجرد بس ما لمحت صورتك قلبى دق .. و اما شوفتك فى القسم قبل حتى ما كنت لسه اعرف عنك حاجه قلبى راحلك
و اما عرفت عنك انك كنتى متجوزه الكلب ده اتجننت .. حتى قبل بردوا ما اتأكد انك همستى .. سواء طلعتى همسه  او لاء كنت متغاظ انك كنتى للكلب ده
همسه ابتسمت برقّه : طب لو مكنتش طلعت هى ؟ و مجرد شبه .. هتتجنن ليه بقا ؟
مراد : مش عارف .. بس حسّيتك ليا .. و كفايه انك هتكونى ساعتها عرفتى تقتحمى حصون مراد العصامى اللى مفيش ست قبلك من 20 سنه عرفت تقتحمها او حتى تهوّب ناحيتها .. و ده لوحده شئ يخلينى مكنتش هقدر اسيبك