مخابرات خلف الاسوار بقلم / اسماء جمال

مناقشه

عندى كلمتين يمكن اكون قولتهم ع الفيس بس عشان كنت حابه اقولهم ف الاخر لانى بحب دايما الحكم ع الامور عموما يبقى ف الاخر ف سيبتهم هما للاخر ..
انا اول ما ابتديت النشر ناس كتير منكم شبهت الروايه بخطوط حمرا و بغض النظر عن انى و الله و حياة كريم كنت لحد ما نشرت معرفهاش ف انا قولت هوقف النشر و ادخل اتفرج عليها و اشوف و اذا فعلا بتحمل نفس فكرتى اللى نفسى اوصّلها ف فعلا هوقف النشر خالص بكل حرف كتبته فيها و احتفظ بيها لنفسى بكل احداثها الجايه و اللى فاتت ..

و فعلا دخلت و فتحتها اتفرج عليها ..
لحظه بس كده ..
انتوا بجد شايفين #مالك زى حسام ؟؟؟
انا مش هقول انتوا شايفين الاحداث هى هى ! لانى كنت متوقعه ان فى حاجه اسمها توارد افكار و خواطر لكن مفيش احداث..
بمعنى ان ممكن تلاقى شخصين متشابهين ف شخصياتهم و.مبادئهم و اخلاقهم خاصة لو ف نفس الوظيفه الحساسه اللى بتحطهم ف قالب محدد و تطبّعهم بمبادئ معينه ف طبيعى بطلعوا بشخصيات متشابهه ..
ممكن تلاقى شخصين متشابهين مثلا ف ردود افعالهم تحت بند الضغط او الظلم او الظروف
لكن مفيش شخصين متشابهين ف احداث حياتهم !!

و يمكن ده اللى خلى ناس كتير ف #مارد_المخابرات شبهت مراد فالبدايه ب العنيد رغم ان اوعوا حد ينكر ان دى روايه و.دى روايه و كل واحده و لها افكارها و احداثها ..
بس الناس شافت الشخصيه المخلصه اللى بتحب و.توفى و تدى بلا حدود فالاتنين ف شبهتهم لمجرد الشخصيات مش الاحداث و انتوا شوفتوا الاحداث خدتكوا لفين و خلصت على ايه ف كل روايه فيهم ..
و.حتى الناس اما شافتها شبه عشق الزين ! ف شبهتها بالعنيد و رجعت شبهتها بعشق الزين ف هل معنى كده ان العنيد شبه عشق الزين ؟؟
بس بردوا هما شبههوا الشخصيات بملامحها .. يعنى واحد عشق مراته و اخلص لها و قعد على ذكراها سنين زى التانى فقالوا تشابه لمجرد ان الاتنين حبوا قوى .. بس الاحداث دى كانت غير دى بدليل ان ف عشق الزين الاحداث ابتدت بعد ما مراته رجعتله اما مع مارد الاحداث كلها كانت ف ازاى مراته هترجعله و مغامرات طريقهم لبعض ..

عشان كده كنت داخله اتفرج علي خطوط حمرا و انا متوقعه انى ممكن المس تشابه ف ملامح شخصياتهم من المبادئ و الاخلاق او تشابه ف الضغوط او حتى تشابه ف ردود الافعال
لكن اللى كان هيفرق معايا هو تشابه الاحداث ..  اللى هو مشهد زى مشهد .. جمله زى جمله ... موقف زى موقف .. حدوته نفس الحدوته
و الاقى حسام خاطب مثلا و بتتخلى عنه .. او اخوه وقف ضده من الاول .. او مفيش جنبه حد .. او لجأه للصح الف مره قبل ما يروح للغلط .. او مثلا يقع ف حب واحده زى حلم و يبقى مشتت بينها و بين طريقه و هى تصمم تساعده و تشده و تبقى جنبه ..

انما انا دخلت لقيت مهزله ...
لحظه بس ..
انتوا بتشبهوا مالك بحسام ؟؟
ده.و لا حتى ف شخصياتهم مش هقول ف الاحداث اللى الحمد لله انى شوفتها بعيده و الا كنت هوقف الليله كلها. .