مخابرات خلف الاسوار بقلم / اسماء جمال

اقتباس

اقتباس من حلقة #السبت .. ❤
#رواية_مخابرات_خلف_الاسوار
بقلم / اسماء جمال ( Soma Ahmed )
**********•

فهد كان طاير بعربيته بهيستريا لحد ما ركن .. خرّج مسدسه و حطه ف جيبه و نزل ..
نزل و حلم نزلت وراه وقف مكانه ثوانى بجمود بعدها رجع لعربيته تانى ..
حلم كانت نزلت وراه و اما رجع ركب عربيته بصتله بإستغراب : انت رايح فين ؟
فهد مردش على كلامها و رجع ركب عربيته و خد بيها خطوات لورا و قدّم بسرعه خبط عربية مالك ..
وقف بعربيته و رجع لورا بيها و قدّم بسرعه خبط عربية مالك تانى .. كرر الحركه مره ورا مره وراه مره لحد ما كسّر العربيه بجمود و ضمن إنها مش هتتحرك او بمعنى اصح مالك هو اللى مش هيعرف يتحرك او هو ظن كده ..
بعدها ركن عربيته قريب من المدخل و نزل ..
حلم بصّتله بذهول من اللى شافته : انت إتجننت ؟ ايه اللى عملته ده ؟
فهد بجمود و هو بيطلّع مسدسه : مالك هرب و لا لسه مش واخده بالك .. و انا مش هغلط مرتين
حلم مسكته وقّفته بوش جامد ملامحها زى المتربّطه : لازم اسمعه الاول .. لازم ..
فهد زقها و مشى .. إتلفّت حواليه بجنون .. لمح الراجل بيرجع بسرعه لورا ف   إتحدف ناحيته بجنون و بمجرد ما وصل عنده ضربه بوكس ف وشه : انت مين يا حيوان ؟
الراجل فهم إنه تبع مالك : انا مليش دعوه .. مالك باشا اللى

فهد الجنان ركبه بمجرد ما جاب سيرة مالك : اه يا حيوان و الله ما هسيبك لا انت و لا زفت بتاعك
فهد مسكه من رقبته و بيخنق فيه و حلم بعد ما خدت طريقها بسرعه لجوه بتتلفت على اى حاجه ممكن توصّلها لمالك بس للحظه دى مش عارفه لو وصلت لمالك ممكن تعمل ايه .. كإنها ما صدقت حاجه تتلكك عليها ترجّعها .. رجعت لفهد بقلق اما لقته إشتبك مع الراجل اللى وقع تحت إيده ..

فهد بيخنق ف الراجل و الراجل مش عارف يفلفص منه .. حلم قرّبت منه بتحاول تفك إيديه من حوالين رقبة الراجل مش عارفه و فهد بيشدد بزياده عليه ..
حلم راحت على رجل فهد بتضرب فيها برجلها يمكن تزحزحه عن الراجل و فهد فعلا اختل ف وقفته ف خرّج مسدسه و بيوجهه ناحية الراجل ..
حلم الموقف ده كان كفيل يرعبها و عقلها ورّالها صوره واحده رسمها قدام عينيها و عماله تروح و تيجى بس للإسف وقتها معرفتش تعمل حاجه و كان التمن غالى لكن دلوقت لازم تعمل ..
قربت من فهد و فصلت بينه و بين الراجل : بلاش يا فهد .. انت كده بتضيّع نفسك .. بتعمل زى ما مالك عمل .. هتضيّع نفسك و شغلك زيه ..
فهد كلامها لجّمه للحظات من مجرد إنه بقى زى مالك او عمل زيه و زاد جنونه اكتر من جملتها دى و مش عارف من إنه بقا زيه و لا من إنه لدلوقت بس إبتدى يحطله اعذار !!

حلم بتحاول معاه و هى مصممه تِرجعه و هو بيزق فيها بعنف و بيحاول يوصل للراجل اللى مش واخد فرصه يتكلم حتى ..

ف وسط الدربكه دى فهد ضرب رصاصه من مسدسه من غير ما يبص رايحه لفين اصلا و الرصاصه خدت طريقها لصاحب نصيبها اللى هيقلب كيانه كله و فجأه _______

بسسسسس
لحد هنا و نقول #فوتكم_بعافيه
و نكمل السبت
نياهياهياهياهييييياااااه 😂😂😂😂

بردوا زى ما اتعودنا ع السؤال 👇
مالك هرب ؟ هيعمل ايه ؟ هيلحق نفسه و لا هو خلاص كده وقع ؟ حلم موقفها هيبقى ايه بعد المشهد ده ؟ فهد هيحصل معاه ايه ؟ الرصاصه راحت لمين بالظبط ؟

معلش عندى ريبورتات ع الاكونت و محظوره كومنتات و مش عارفه ارد على حد ..
عايزه شيير كتير و كومنتات ع البوست ده فكولى الحظر و على بوست الالبوم الاصلى للروايه ❤
لينك الالبوم اهو كومنتات كتير معلش عليه و شير اللهى تنستروا 👇
https://www.facebook.com/media/set/?set=a.2460142557447350&type=3