مخابرات خلف الاسوار بقلم / اسماء جمال

اقتباس

هامر وشه ضلّم بغضب : عشان غبى
صفوت بصّله قوى و خايف من اللى هيسمعه او معندوش استعداد يقبله ..
هامر زعّق : و انت اغبى منه .. فاكر نفسه هيعرف يضحك عليا .. يضحك عليك انت ماشى .. لكن انا لاء .. يبقى ميعرفنيش
صفوت قعد و بصّله بيستفهم بقلق و قال كلام زى اخر مسكه لأى حبل و هو بيتقطع : بس مالك مضحكش عليك
هامر حدف السيجاره جات ف وشه : تبقى انت اللى اغبى منه .. مالك ضحك عليك ف موضوع الهجره .. و معنى إنه ضحك عليك مره يبقى ضحك عليك الف مره قبلها و ده اللى خلاه يضحك عليك و هو متطمن
صفوت بلع ريقه بالعافيه : ايش عرّفك ؟ هو قال غرقت و إحنا بعتنا رجالتنا المكان و إتأكدنا فعلا إنها غرقت و الغواصين طلّعوا اجزاء من الباخره ف المايه و إتأكدوا منها بس مكملناش طلوعها عشان مش هتفيدنا بحاجه ده غير هتشد العين علينا و ابسط حاجه هنتسأل ليه مبلغناش و مين اللى كان عليها و مسافرين ازاى اصلا ؟
هامر مش مقتنع اصلا : و مش يمكن ده اللى شككنى فيه ؟
ليه متحققش ف الموضوع ؟ و عادل اما ظهر إختفى فين ؟ كان طالع ورا الواد الظابط اخوه اللى كان قبض عليه قبل كده و رجالتنا هناك شافوه .. إختفى فين بقا ؟ اكيد وقع تحت إيد واحد من الاتنين يا هو يا اخوه
صفوت : ما يمكن وقع تحت إيد مالك و خلّص عليه عشان ميكشفهوش
هامر : طيب و اذا كان هو اصلا مشافش مالك و لا عرف إنه هو اللى هرّبه يبقى مالك هيخاف من وجوده ليه ؟
صفوت سكت بقلق : يمكن اخوه فهد ؟
هامر ولّع سيجاره تانيه : و ودّاه على فين إذا كان مش موجود ف القسم و لا بيتحقق معاه ؟
صفوت مش فاهم : عايز تقول ايه ؟ انت تقصد ايه بالظبط ؟
هامر : عايز اقولك ان مالك يا بيلعبها عليك يا هو اللى بيتلعب عليه من أخوه .. مالك يا ظابط مخابرات محترف قوى يا بطلجى عشوائى قوى .. يعنى يا اما هو ظابط ذكى جدا و عارف بيعمل ايه كويس قوى يا إما بلطجى مش عارف بيعمل ايه و الظروف بتخبّطه ..
يا هو ظابط محترف و بيرتب الظروف جنب بعضها بالشكل اللى يقنعك بيه إنه شمال معاك ف سكتك و بيخبّط ف اخوه عشان بس يقنعك إنه معاك و متفق معاه لحد ما يوصل للى عايزُه و متفق مع مراته

بسسسسسسسس ✋✋✋✋✋
انا اخد شنطة هدومى قصدى حلقاتى و روايتى و اروح عند امى 😂😂 و لا حد يقولى ظابط و لا حد يقولى بتنجان 😂

هامر باشا صلى ع النبى كده و اهدى و قول هديت ..
مالك ايه اللى ظابط ؟ 🙄🙄
هااا ؟ّ 😠
انت عارف انا جاوبت ع السؤال ده للمتابعين كام الف مره ؟ 👊👊👊
متعرفيش يبقى اخرس بقا 👊
و اتنيل
ده لو مالك قدامك كان قالك إتوكس انا بعد المرمطه اللى متمرمطها من اول الروايه دى عدت انفع ف حاجه ؟ و لا حتى بلطجى 😂😂

هامر : يا اما فعلا شمال بس مش عارف بيعمل ايه و عمال يخبّط ف اللى حواليه مره و ف الظروف مره ..
صفوت بيحاول يخلق امل لمجرد إنه مش قادر يتقبّل فكرة إنه يخسر مالك اكتر من عدم تقبّله لفكرة إن الاحتمال ده لو صح يبقى هو كده بيقع : طب و هتعرف هو انهى فيهم ازاى ؟
هامر بجمود : انا اللى هثبتلك .. عادل لازم يظهر
صفوت إستغرب : ما انت لسه بتقول إختفى
هامر : هو وقع تحت إيد واحد من الاتنين يا هو يا اخوه .. و لو الاتنين مش سكه واحده و قصد بعض يبقى بمجرد ظهور عادل هيخبّطوا ف بعض .. لكن لو الاتنين متفقين هيبان من رد فعلهم و ساعتها هتتأكد ان مالك ف سكة اخوه و أخوه سكته قانونيه
صفوت : و هيظهر ازاى بس ؟
هامر : هقولك و هقولك بعد ما تخرّجه تعمل ايه بالظبط

يخربيييييييتك يا بعيد 🙄🙄🙄🙄
هتعمل ايه ؟ هتعمل ايه ؟ هتعمل ايه ؟ 👊👊👊

اول مشهد اكتبه من اول ما كتبت خالص و احس انى عايزه ادخل جوه الاحداث و اجيب حد من شعره 😂😂😂

يلا ولاد حلال و يستهلواا 💃💃💃💃

استنووونى ف حلقه انهارده فحت ردم خد و هات فوق و تحت 💃💃😂😂