JB4: The Lost Doctor [BXB] [√]

1

Magkasalubong ang kilay ni Ian habang binabaybay ang daan patungo sa Bario Esmeralda. Kahit na tinakbuhan siya ni Melisa sa kanilang kasal ay determinado pa rin siyang mahanap ito at itanong kung ano pa ang kulang sa kanya.

Hindi niya matanto kung bakit umayaw si Melisa sa kasal nila. He gave her everything. Isinakaturapan niya lahat ng mga pangarap at luho nito. He spoiled her to the point of almost giving up his position as the CEO of Rillieto Juariz Memorial Medical Center. She asked for a simple life in the mountains and he was ready to stay with her even if that means losing his other dream.

He can give up everything for that girl pero hindi siya sinipot nito sa kanilang kasal kaninang umaga. His friends and family gave him sad glances and shoulder pats but he just stood there shock and broken. Mabuti na nga lang at hiniling niya sa  kanyang  mga magulang ang isang private wedding kaya walang media ang nandoon. His pride, his heart and his dream were shattered all at once but he chose to remain positive. Baka may dahilan ito kung bakit hindi siya nakasipot. He badly wants to hear her reasons kaya nga pupuntahan niya ito ngayon sa probinsya niya.

Suot-suot pa niya ang puting Canali tuxedo na para sana sa kasal niya. Matapos niyang makarecover kaunti sa gulat ay mabilis siyang umalis sa lugar na 'yon. He wanted to get away from there in find his fiancee.

Napatingin siya sa paulit-ulit na nagri-ring niyang telepono at napagdesisyonang sagutin iyon. He connected it first to his car's speaker and swiped it green.

Bumungad kaagad sa tenga niya ang boses ng kapatid niyang si Jonas.

"Ian, where are you? Kanina pa nag-aalala si mama." Kahit malamig ang boses nito may bahid pa rin itong pag-aalala.

"I'm fine, Kuya. Hahanapin ko muna si  Melisa. I want to ask her why she did that." Ang pagod nitong sagot dito.

"Nagdala ka ba ng mga bodyguard?"

"No. But I know nakabuntot na sa akin si Revo. He's enough to keep me safe. Kaya ko rin namang protektahan ang sarili ko." Sagot niya dito. He watched Revo from his side view mirror following him from behind riding on his black Ducati bike.

"Just call us kung nak—" Hindi na niya narinig ang sunod na sinabi ni Jonas dahil may biglang nag overtake na dalawang motor sa bawat gilid niya. Pinaputukan kaagad ng dalawa ang bawat gilid niya mabuti na lang at gawa sa ballistic glass-clad ang mga bintana ng sasakyan.

Nakita pa niya mula sa side mirror ang pagtapon ni Revo sa gilid ng daan. Hindi siya gaanong nabahala dahil alam niyang mau makakatagpo dito. Noong tumabi kasi siya kanina para sana magpahinga nakita niyang may mga kalat-kalat na kabahayan sa ibaba. Padausdos rin ang daanan doon.

Tumigil ang dalawang motor sa harapan niya ngunit hindi siya tumigi at mas binilisan pa ang pagpapatakbo ng sasakyan.  Patuloy pa rin sila sa pagpapaputok sa kanya. Dumagdag na rin ang apat na nakasunod na motor. Ito ang nagtulungan para barilin si Revo. May lumusot na bala sa harapan niya at tinamaan siya sa balikat pero patuloy pa rin ito sa pagda-drive. Parang hindi ito natamaan ng bala.  He turned right at binangga ang isa sa dalawang bumaril sa kanya.

Dire-diretso lang ang sasakyan niya pababa. Nawalan na rin ito ng break. Napapamura na lang siya hanggang sa bumangga ang sasakyan sa malaking kahoy.

Philip Yoshieke Magnao

Pasipol-sipol pa ako habang binabaybay ang mabato at masukal na daan papunta sa aking mumunting mansyon ng madaanan ko ang isang umuusok na itim na sasakyan. Natupi pa ang harapan nito dahil sa pagkakabangga sa malaking puno ng balete.