JB4: The Lost Doctor [BXB] [√]

32

Philip Yoshieke Magnao

"I-Ian..."

Gusto kong tumayo at lumapit kay Ian pero hindi ko mabuhat ang katawan ko. Hindi ko na maintindihan ang nangyayari sa katawan ko. Naiiyak akong napakapit sa lamesa sa gitna para suportahan ang sarili ko.

"Philip!"

Dinaanan lang ni Ian ang lola niya at saka nagmamadaling lumapit sa akin. Maingat niya akong binuhat sa mga bisig niya. Kumapit ako ng mahigpit sa leeg ni Ian at sumiksik doon.

"Ian.." Tumingala ako sa gwapong mukha ni Ian pero seryoso lang itong nakatingin kay lola niya.

Binuhat ba ako ni Ian para ihulog sa sahig? Tapos hahampasin nitong maliit na lamesa na gawa sa salamin? Tapos magpapahukay si Ian sa labas tapos ililibing niya ako.

Bakit ko ba ginawa 'yon? Sana hinayaan ko nalang si madam.

"Nate, you talk to her. I might lose my patience at makalimutan ko pang lola natin 'yan," ang sabi ni Ian sa kapatid niya na tinutulungan sa pagtayo si madam.

Nahabag ang puso ko nang makitang umiiyak si madam. Bakas ang hiya, galit at pagkabigla sa kanyang makulubot na mukha. "M-Madam sor—"

"Shut up!" Napa-urong ang dila ko sa matinis niyang sigaw.

"Dahil ba diyan, Ian!? Dahil ba sa huthuterong baklang 'yan kaya ka nagkakaganyan?! Sigurado akong ginagamit ka lang niyan pero heto at nagpapa-uto ka." Nakaturo si madam sa akin habang tinatanong iyon kay Ian. "At ikaw, Nathan?! Hindi ka ba nahihiya diyan sa pinakasalan mo? Napaka-walang modo! Hindi man lang marunong rumespeto sa akin."

Nakatayo lang si Nathan sa tabi ni Tine na nakayakap sa kanya at nakasubsob ang mukha sa kanyang dibdib.

"Gusto niyo ba talaga akong patayin sa galit?!" Ang dagdag niyang sigaw.

"You wouldn't be here if we want you dead, mamita. Sa pintuan pa lang nakabulagta ka na dapat habang naliligo sa sarili mong dugo. O sa kwarto mo habang mahimbing na natutulog. Mahal ka namin, but we won't tolerate this kind of behaviour inside our house even if you're my grandmother. Matuto kayong lumugar." Ang seryosong banggit ni Ian. "Bakit mamita? Hinuthutan niyo din ba si lolo dati? More than anyone, ikaw dapat ang unang nakakaintindi at nakakasundo niya dahil minsan ka ring napunta sa sitwasyon niya. You used to live a poor life before grandpa killed his first wife and took you in."

"Ian!" Gulat na napasigaw si Lee kay Ian pagkatapos niyang sabihin iyon. Pati ako din naman. Pero hindi ako sumigaw kasi baka mapano ang drumstick ni Ian. "Lola mo si mamita!"

"Outsiders shouldn't meddle with family matters, Leigh." Ang ma-awtoridad niyang sabi habang ang mga mata ay na kay Leigh.

"Ian...tama na, ples." Ang mahina ko ring pakiusap sa kanya.

Yumuko si Ian at saka sinalubong ang paningin ko. Napaiwas ako ng tingin nang makita ko ang mukha niya. Nakakatakot ang mukha ni Ian. Para siyang mangangain ng tao.

"Nate, bahala ka na."

Nagtanguan silang dalawa ni Nathan bago sila tinalikuran ni Ian habang buha-buhat ako. Tahimik kaming pumanhik sa itaas papunta sa kwarto namin ni Ian. Maingat niya akong inilapag sa higaan. Naupo siya sa tabi ko at yumakap mula sa gilid.

Humilig ako sa katawan ni Ian at saka ko ipinikit ang mga mata. Pagod na pagod pa rin ang katawan ko.

"Sunshine..."