JB4: The Lost Doctor [BXB] [√]

35

WARNING!

This chapter may contain content of an adult nature. If you are easily offended or are under the age of 18, please exit now. This chapter are intended for adults only and may include scenes of sexual content, suggestive pictures, or graphic violence. Reader discretion is advised.

If you feel uncomfortable, please do not report me immediately. You can message me privately po about your troubles with my stories. Thank you!

Philip Yoshieke Magnao

"Ian..."

"Tumayo ka diyan, Philip."

Nanghihina ang tuhod ko. Hindi ko magawang tumayo. Natatakot ako sa kung anong gagawin at sasabihin ni Ian. Galit kaya siya sa akin?

Lumapit si Ian sa akin at saka ako hinila patayo at palayo kay kuya Jakjak. Nakatayo ako ngayon sa likuran niya habang nakakapit sa kanyang braso. Pinipigilan ko si Ian na huwag sugurin si kuya Jakjak. Pansin ko kasi ang paglalabasan ng mga ugat sa kanyang braso habang nakakuyom ito.

"I-Ian...uwi na lang tayo, please?" Ang kinakabahan kong pakiusap sa kanya.

"You're not going to take him away from me, Lopez. I warned you not to get close pero masyado ka yatang bobo para hindi maintindihan 'yon." Ang sabi ni Ian kay kuya Jakjak na masama rin ang tingin kay Ian. Parang handa na rin itong makipag-suntukan kay Ian ano mang oras. "Hindi mo gugustuhing makabangga ako, Lopez."

Tumayo si kuya Jakjak at pinantayan ang tindig ni Ian. Parang may kuryenteng lumalabas sa mga mata nila. Parehong nakatiim ang kanilang mga bagang. Parehong nakakuyom ang mga kamao nila.

"Bobo? Ikaw ang bobo, Juariz. You feed and fatten him with your sweet lies until he's ready for your lab to gobble up. Wala kang puso, tarantado! He trusts you more than anyone, but you're a selfish idiot who uses and discards people like a piece of trash!" Dinuro-duro pa ni kuya Jakjak ang dibdib ni Ian habang sinasabi iyon.

Ngumise si Ian sa kanya pero matalim pa rin ang tinging ipinupukol niya kay kuya Jakjak. Ano ba kasing pinag-uusapan nila? Ba't ingles nang ingles silang dalawa? Hindi ba pwedeng mag-tagalog sila para maintindihan ko?

"Selfish? Maybe I am. Ayaw na ayaw ko kasing nakikihati sa atensyon ng mapapangasawa ko. And before you accused me of something else, make sure to bring your evidences with you next time, Lopez."

Shellfish? Shellfish si Ian? Parang hindi naman shellfish si Ian. Hindi nga siya nagagalit kapag sinusuot ko ang mga damit niya palagi. Tapos palagi niya ring binibigay sa akin ang balat ng praydsheken. Tapos pinapalaro niya rin ako sa selpon niya kahit may selpon naman ako. Saka hindi naman siya nakikihati ng atensyon ng mapapangas-

"Mapapangasawa?" Ang narinig kong tanong ni kuya Jakjak na dapat sana'y itatanong ko rin.

"We're going home." Ang sa halip ay anunsyo ni Ian. Hindi niya pinansin ang tanong ni kuya Jakjak.

Tinalikuran ni Ian si kuya Jakjak saka ako hinila papalayo doon.Ipinagsiklop niya ang aming mga kamay saka iyon itinaas. Lutang akong nagpatianod kay Ian papunta sa kung saan. Wala kaming imikan dalawa hanggang sa marating namin ang paradahan. Tumigil kaming dalawa sa kanyang mamahaling itim na sasakyan.

Binitiwan niya saglit ang kamay ko para pagbuksan ako ng pintuan. Sa tabi niya ako palaging umuupo.

"Sakay." Ang matigas niyang utos sa akin pero hindi ako sumunod dito. Nanatili lang akong nakatayo doon habang nakayuko. "Ano pang hinihintay mo, Piyo?"