*حياه بلا حياه 2*🍁

2

الجزء الثانى
الفصل ((2))

https://my.w.tt/pgDQNhCB43

كان مايكل يحاول الوصول لمستر إيزاك ليخبره بآخر الاخبار ويبلغه بما حدث من نديم فهو يعلم جيدا مدى تعلق إيزاك ب ديفيد وأخيه فبعد وفاة اخيه لديفيد اصبح ديفيد هو الوريث الوحيد للامبراطورية ولكن القدر خالف ترتيبات ايزاك وقُتِلَ ديفيد وبهذاستكون العواقب وخيمة وسيحرق غضب إيزاك الاخضر واليابس فعليه أن يأمن شره ويبلغه والا سيكون فى عداد الاموات فقد اخبره أحد رجال إيزاك بوصوله الى المانيا فتوجه الاخير فورا الي قصره للقائه واخباره بما حدث وماينتوى نديم ان يفعله
وصل مايكل الى القصر وطلب مقابلة ايزاك واوصله احد الخدم الى مكتب ايزاك
إيزاك  وهو يقرأ إحدى الملفات بين يديه : اهلا يامايكل  طلبت تقابلنى ...
اتمنى يكون فى سبب مقنع رجالتى بلغتنى إنك طلبت تقابلنى كتير
مايكل : فعلا مستر ايزاك انا حاولت اوصلك اليومين اللى فاتوا لامر مهم جدا
رمى  إيزاك الملف على المكتب ونظر لمايكل من تحت نظارته الطبية نظرات أربكت مايكل وجعلته ينكمش فى مقعده وتحدث بحزم : إتكلم يامايكل ..... فى إيه
مايكل : للاسف فى اخبار وصلت من كايرو مش تطمن خالص
انتبه إيزاك لكلام مايكل 
مايكل : للاسف مستر إيزاك ديفيد إتقتل
صدمة جديدة تلقاها إيزاك فهاهو وريثه الوحيد قد قتل
مايكل اراد استغلال الموقف لصالحه والاطاحة بنديم فتحدث بخبث
للاسف مستر إيزاك نديم عنده علم بالاخبار دى وهددنى بالقتل لانه للاسف كان عاوز يخبى عليك الخبر ده لحد ما يأمن نفسه
كور إيزاك قبضة يده وضرب بها على المكتب بغضب شديد من تصرفات نديم فتكلم بغضب وهو يجز علي أسنانه
نديم ..... نديم ...... نديم
نديم كده خاين والخيانة تمنها الموت
ولم ينتبه لتلك الابتسامة الشيطانية التى ارتسمت على وجه مايكل فهاهو نجح فى التخلص من منافسه
فاكمل قائلا :
للاسف مستر إيزاك انا مقدرتش اعرف هو بيخطط لإيه
إيزاك : حياة .... بيخطط يحميها
مايكل بعدم فهم : يحميها .... ليه
إيزاك : مش مهم .... المهم نديم فين دلوقتى
مايكل : نديم فى الفيلا بيتابع الصفقة الجديدة
إيزاك : وحياة ..فين دلوقتى
مايكل : للاسف اتخطفت من يومين
إيزاك: مايكل انت اكيد بتهزر .... إتخطفت
مايكل : ايوة .... اتخطفت من يومين
إيزاك : عملتها يانديم انت كده كتبت نهايتك .....
مايكل : مستر ايزاك انا متأكد إن نديم مش هو اللي خطفها
نديم تحت عيني من يوم خطفها .... بيتصرف عادى جدا
ومتابع شغله بتركيز
إيزاك بسخرية : هو ده نديم مكار وذكى جدا .... لازم يتصرف كده علشان يأمن نفسه ويأمن حياة
مايكل لنفسه : مش ممكن انا مراقبه كويس جدا ومافيش اى تغير فى تصرفاته
إيزاك: خلاص مايكل روح شوف شغلك. ... إنت بلغتنى ودورك إنتهى لحد كده
وخليك مستعد لانك قريب هتاخد مكان نديم
مايكل بسعادة نجح فى إخفاؤها : اوك مستر إيزاك
وخرج مايكل من قصر إيزاك ليبدأ يستعد لاخذ مكان نديم ولكن مالم يكن يعلمه ان نديم وضع من يراقبه ليكون دائما سابقا لهم بخطوات
****************
فى فيلا نديم كان جالس فى مكتبه بمنتهى الثقة والغرور فهو الان يرى نتيجة ماخطط له
فلقد نجح نديم فى وقت سابق فى إحدى إجتماعاته مع إيزاك بزرع اجهزة تجسس  فى  مكتبه حتى يستطيع من خلالها ان يتجسس على إيزاك فهو لم يأمن غدره فى يوم
فهى قوانين المافيا من أمن غدرهم فهو ميت
فعلم ماينتوى إيزاك فعله
ولكنه يجب عليه التخلص من ايزاك وسيصبح هو وقتها الرجل الاول فى هذه المنظمه
وهو حلم أوشك ان يتحقق