*حياه بلا حياه 2*🍁

19

(( الفصل التاسع عشر ))
وصلت حياة ونور وفادى وعبد الرحمن وروجيدا الى القاهرة
وكان هناك اجتماع مع اللواء محسن فتوجهوا الى مكان الاجتماع
وفى الاجتماع
بدأ اللواء محسن الاجتماع بالاطمئنان عليهم
حمدالله على سلامتكم ياابطال طبعا التعديل اللي حصل فى الخطة فى اخر لحظة كان لحماية حياة
ونظر لحياة : أنا اسف يابنتى على كل اللي حصلك بسببى انا مكانش لازم ابعتك تانى على المانيا لكن للاسف مكانش فى طريقة تانية غير وجودك هناك
تحدثت حياة بلطف وهدوء : ماتتأسفش يافندم ده واجبى وشغلى وكان لازم أخلصه
واللى حصل هناك ده قدرى 
شعر اللواء محسن بارتياح بعد كلام حياة فنظر لروجيدا : مبروك يادكتورة نفذت وعدى ليكي واخدتى بتار أختك
روجيدا : الحمد لله يافندم اختى كده هترتاح 
نظراللواء محسن لعبد الرحمن : وطبعا ياعبد الرحمن انت فاجأتنى بأدائك فى المهمة دى وذكاءك لولاك فكرتك العبقرية كان نديم وابراهيم هربوا لكن زرع شريحة Gps فى دراع ابراهيم كانت فكرة هايلة
ابتسم عبد الرحمن : شكرا ياسيادة اللواء لكن انا معملتش اكتر من واجبى والحمد لله الكابوس انتهى
فادى : للاسف لسة ماإنتهاش
اللواء محسن : فعلا فادى معاه حق ولازم يافادى تسافر تانى المانيا دلوقتى نديم ومايكل وايفان ماتوا فأكيد المنظمة دى هتبعت حد تانى من رجالتها ولازم نعرف هو مين ومين المنظمة دى
طبعا المهمة كانت حماية حياة وتأمينها فى المانيا لانها نقطة ضعف نديم الوحيدة وكمان كانت المهمة انكم تكشفوا المنظمة دى وتعرفوا مين وراها
فادى : تمام يافندم لكن مش هقدر اسافر قبل نهاية التحقيق مع نديم وسعيد
اللواء محسن : مفهوم ... مفهوم ....يبقى استعد للسفر وبمجرد التحقيق ماينتهى تسافر فورا
فادى : تمام يافندم
ووجه كلامه لنور : وانت ياحضرة الضابط قومت بواجبك على اكمل وجه .... دلوقتى تقدر تطلق حياة
كانت هذه الكلمة كالصاعقة التى نزلت على نور وحياة
وكالصدمة بالنسبة للبقية
فتحدث نور : طلاق إيه يافندم ...
اللواء محسن : احنا كان اتفاقنا ياحضرة الضابط انك هتتجوزها على الورق علشان تقدروا تسافروا مع بعض وانكم بمجرد ماترجعوا مصر هتطلق حياة ولا نسيت
وقف نور وتحدث بصلابة : الكلام ده كان فى الاول يافندم
لكن حياة دلوقتى مراتى شرعا وامام الله مراتى ومش هطلقها ولا هفرط فيها .... ونظر لحياة التى كانت تتابع الموقف بصدمة
ولا إيه يامدام ..... عندك رأى تانى
تحدثت حياة بمنتهى الهدوء فهى تعلم ان نور بلغ قمة عصبيته : يافندم الكلام ده كام فى اول المهمة ...
لكن دلوقتى الوضع اتغير انا فعلا زوجة لنور والجواز اصبح حقيقي مش حبر على ورق 
ابتسم اللواء محسن فهذا مااراد ان يتأكد منه حبهم لبعضهم البعض  فافتعل هذا الموقف ليرى رد فعلهم ولكن ابتسامته كانت تخفى حزنه على قصة حب حكم عليها بالموت فى بدايتها  فابتسم : مبروك ياحياة ربنا يسعدكم
ابتسمت حياة ونور
اللواء محسن : كده تمام تقدروا تتفضلوا علشان ترتاحوا
لكن فادى هينتظر معايا شوية
فادى : تحت امرك يافندم
ذهب عبد الرحمن وروجيدا معا وكذلك نور وحياة وانتظر فادى حتى خرج الجميع والتفت للواء محسن : اوامرك يافندم
اللواء محسن : طبعا زى مااتفقنا هتسافر بمجرد ماتخلص التحقيق وطبعا لحد باقى المهمة ماهتكمل هنأجل الاعلان عن المنظمة دى على الاقل لفترة
فادى : تمام يافندم
اللواء محسن : وبالنسبة لأنس الرئيس مضا قرار العفو الرئاسي عنه يقدر يعيش زى اى مواطن مصرى
فادى : تمام يافندم اى اوامر تانية
اللواء محسن : للاسف جواز حياة ونور لازم ينتهى والدها بيهدد هيأذى نور اذا اتمسك بحياة ورفض يطلقها
تفاجئ فادى مما قاله اللواء محسن : نعم يافندم يعنى إيه يأذى نور هى سايبة ولا إيه
اللواء محسن : علشان كده محتاج مساعدتك يافادى لازم نور يطلق حياة والا حياته هو هتكون فى خطر
للاسف الامور خرجت عن السيطرة
فادى : والحل ايه يافندم دلوقتى
اللواء محسن : انا طلبت مساعدتك لان نور صاحب عمرك وعارف اد إيه هو عنيد وهيرفض يطلق بسهولة
فادى : حضرتك بتطلب منى المستحيل يافندم انا لايمكن اخون صاحب عمرى .... يافندم أكيد فى حل تانى ....
اللواء محسن : معاك مهلة لحد ماتنتهى من التحقيقات وقبل ماتسافر تكون نهيت الموضوع ده يافادى
فادى بقلة حيلة وحزن على صديقه : حاضر يافندم
اللواء محسن: تقدر تمشي دلوقتى ياحضرة الضابط
انصرف فادى فهو استطاع السيطرة على ثباته الانفعالى امام اللواء محسن ولكن بمجرد خروجه من الاجتماع ركب سيارته  وضرب على مقود السيارة بغضب وقاد سيارته بسرعة جنونية فى محاولة بائسة فى التنفيث عن غضبه
كان يفكر فى نور وحياة وحبهما لماذا الحياة دائما تخالف حياة وتتلاعب بقدرها
ونور صديقه ورفيق دربه بعد ان دق قلبه بالحب لاول مرة يحكم على هذا الحب بالموت ولماذا لكبرياء وغرور اب
وكان يسأل نفسه : ليه هو اكرم الصياد ده مفكر نفسه مين علشان يتحكم فى مصير حياة ونور
ووصل فادى لمكان التحقيق ليتابع سير التحقيقات مع ابراهيم وسعيد
*************
وصل نور وحياة الى منزل نور
لاحظ نور صمت  وشرود حياة منذ خروجهم من الاجتماع وحتى وصولهم للمنزل
: حياة مالك ياحبيبتى بتفكرى فى إيه من بعد ماخلصنا الاجتماع وانتى شاردة بتفكرى فى إيه
حياة بهدوء وكأنها امرأة  اخرى لايعرفها نور ولم يلتقى بها من قبل :
نور انا محتاجة اروح الفيلا محتاجة ارتاح شوية
اقترب نور منها وبحب ومشاعر صادقة : تفتكرى راحتك ياحياة هتكون بعيد عنى لأ ياحياة راحتك معايا انا فى بيتى انا انا نور حبيبك ياحياة انا مااقدرش ابعد عنك لحظة واحدة ياحياة .... لما كنتى بعيد عنى كنت بموت فى اللحظة الف مرة ..... ليه عاوزة تحرمينى منك تانى ولو للحظة
وضمها اليه يستنشق عبيرها بقوة : انا مااقدرش ابعد عنك ياحياة انا حياتى فى وجودك ياحياة وعذابى فى بعدك
انا عارف اللي مرينا بيه مش سهل ياحياة .... لكن تعالى ننسا اللي فات ونحاول نبدأ من جديد نبدأ حياتنا ياحياة مع بعض
ارجوكى ياحياة انا محتاج فرصة واحدة بس تعالى نبدأ من جديد
كانت حياة تستمع لكلماته وشعرت بصدق احساسه كانت كل كلمة يقولها لها نور تجعل قلبها ينزف الما لهذا الحب  ولكنها لاتستطيع ان تتخطى ماحدث لها بسهولة فسيظل مافعله نديم حاجزا بينهم
خرجت من احضانه : ارجوك يانور انا محتاجة فرصة اقعد فيها مع نفسي .... محتاجة ابعد شوية ..... محتاجة افكر من غير اى ضغوط منك او من اى حد .... ارجوك عاوزة اروح بيت بابا
سقطت دمعه من عين نور حزنا على ماحدث لحبيبته :
مسحها وابتسم بحزن : حاضر ياحياة هنفذلك طلبك وهوصلك لبيتكم لكن قبل كل ده عاوزك توعديني انك هترجعيلي تانى ياحياة
وانا مش هضغط عليكي خدى الوقت اللي انتى عاوزاه لكن ارجعيلي بسرعة ياحياة ارجعيلي بسرعة ياحياتى
تنهدت حياة بيأس : حاضر يانور ... اوعدك
واخذ نور حقيبتها وخرجوا من المنزل متجهين لفيلا اكرم الصياد
*******
وصل نور وحياة الي فيلا الصياد
دخلت حياة الفيلا ودخل نور خلفها  راتها والدتها جرت عليها وضمتها لاحضانها : حياة ياحبيبتى حمدالله على سلامتك يابنتى .... كده ياحياة كل ده مافيش مكالمة تليفون واحدة تطمنى قلبي
حياة وهى فى احضان والدتها : سامحينى ياماما غصب عنى ياحبيبتى وبعدين ياست الكل ماانا قدامك اهو
هناء : حبيبتى حمدالله على سلامتك ياحياة  وانتبهت لوجود نور
فاعتذرت له : اسفة يابنى اتفضل ياحبيبي حمدالله على سلامتكم ياابنى اعذرنى حياة كانت وحشانى اوى
ابتسم نور لطيبة حماته : الله يسلمك ياطنط
هناء بترحاب : اتفضل يانور واقف ليه
نور : اعذرينى ياطنط احنا لسة واصلين من السفر ونظر لحياة حتى لاتقول عكس ذلك
واكمل حديثه:  وكنتم واحشين حياة واصرت تيجي تقعد معاكم كام يوم لانى عندى شغل مهم ونظر لحياة نظرة فهمت معناها وهو انه لايريد ان يعرف احد بماحدث فبادلته النظرات مؤكدة له انه لن يعرف احد ماحدث
هناء بسعادة : ياحبيبتى هتنورينى
وقف نور واستأذن للذهاب بحجة انه ذاهب لعمله
كان اكرم الصياد وصل للفيلا بعد انتهاء عمله واثناء دخوله رأى نور يقف مستأذنا للرحيل فقال بجمود : لسة بدرى ياحضرة الضابط
التفت نور على الصوت ليجده اكرم الصياد والذى كانت ملامحه لاتبشر بالخير
اهلا ياعمى ازى حضرتك .... معلش مضطر استأذن لان عندى شغل مهم وحياة هتفضل معاكم يومين لحد مااخلص شغلى
نظر اكرم لابنته نظرة قاسية لم تلاحظها هناء  ورحب بها امام زوجته
والتفت لنور : لا معلش ياحضؤة الضابط انا عايز اتكلم معاك شوية
هناء : هتتكلموا فى ايه يااكرم نور عنده شغل ياحبيبي وكده هتعطله عنه
نور : لا ياطنط ماتقلقيش لسة معايا وقت
اكرم الصياد : ماتقلقيش ياهناء هما خمس دقايق هتكلم فيهم مع نور على ماتجهزوا الغدا
هناء : اوك يااكرم
التفت اكرم لنور : اتفضل يانور على اوضة المكتب هناك هنقدر نتكلم براحتنا
نور : اتفضل يااكرم بيه
وذهب الاثنان للمكتب تحت انظار حياة التى شردت فيما سيدور بينهم بعدما شعرت بجفاء والدها معها
*******
دخل اكرم ونور المكتب
جلس اكرم ونور
نور : افندم ياعمى خير
اكرم : اظن احنا لوحدنا فبلاش ياعمى دى وخلينا فى المهم
نور : اللي هو إيه المهم ده
اكرم : طلق حياة يانور
وقف نور بصدمة جديدة فليست المرة الاولى التى يسمع فيها هذه الكلمة اليوم فقال بذهول : أطلق حياة
اكرم : أيوة تطلق حياة واظن ده كان اتفاقنا من الاول
نور : أيوة يافندم لكن حياة دلوقتى مراتى فعلا يعنى جوازنا مش مجرد حبر على ورق
وبعدين انا بحب حياة وحياة بتحبنى يبقى ليه نتطلق
اكرم : هى كلمة واحدة يانور طلق حياة
نور : أسف يااكرم بيه مش هطلق حياة .... حياة هتفضل مراتى لاخر يوم فى عمرى
وخرج من المكتب مسرعا متوجها لخارج الفيلا
حاولت حياة اللحاق به فنادت عليه : نور .... نور .... استنى يانور
لم يسمع نور ندائها وخرج بسيارته مسرعا من الفيلا كلها
دخلت حياة مسرعة لمكتب والدها : بابا ايه اللي حصل نور مشي بسرعة وشكله مايطمنش .... عاوزة اعرف ايه اللي حصل
اكرم الصياد بحدة : قولتله يطلقك .... وهيطلقك ......
*********
بعتذر عن التأخير لسة مخلصة  كتابة حالا تصبحوا على الف خير