*حياه بلا حياه 2*🍁

7

((الفصل السابع ))

https://my.w.tt/pgDQNhCB43

انتبه خالد للاب توب قائلا : هششششش استنوا ياجماعة
انتبهه نور وفادى لما يحدق به خالد
وجدوا نديم وصل بسيارته لمكان مقطوع ونزل من السيارة واخرج الهاتف واجرى مكالمة منه وصدموا لما سمعوا
كان نديم يتحدث مع الشخص المكلف بحراسة حياة وتأكد ثلاثتهم ان نديم هو من خطف حياة
هتف خالد : مش قولتلك يافادى ان نديم خطف حياة وهى فى سويسرا
فادى : هشششش خلينا نسمع ياخالد
وساد صمت بينهم يسمعوا لمكالمةنديم مع هذا الشخص المجهول
نديم :إيه الاخبار عندك ....
الشخص المجهول : .........
نديم : المهم تأكلها ولو غصب انا خلاص بكرة هكون عندك لكن لو جيت لاقيت اى غلطة حياتك هتكون التمن
الشخص المجهول : ..........
نديم : مش محتاج افكرك اوعى حياة تشوف وشك إنت فاهم
الشخص المجهول : ..........
نديم : لا انا جاى سويسرا بكرة هسلم الشحنة وبعدها هكون عندك ولحد ما أجيلك ممنوع اى غلطة سلام....
انتهى نديم من المكالمة وقام بإغلاق الهاتف وخبأه فى السيارة مرة اخرى
تحدث نور : مش ممكن ده شيطان الظاهر إنى استخفيت به
فادى : للاسف نديم شخص ذكى جدا قدر فى وقت صغير يكسب ثقة ايزاك ويكون دراعه اليمين
صدقنى يانور لازم ماتستهترش بنديم ده مدوخنا وراه سنتين مش عارفين نمسك عليه دليل واحد
نور : علشان كده إضطريتوا تسستعينوا بحياة هنا فى المانيا كطعم
فادى : بالضبط ... لكن للاسف هو كان اسرع مننا وخطفها
لكن اللي مطمنى ان حياة متدربة كويس جدا وهتقدر تتعامل مع نديم لحد مانوصلها
خالد لنور : دى حقيقة يانور فعلا حياة متقلش عن اى واحد فينا فى مواجهة اللي زى نديم وامثاله
ونظر لفادى : كده يافادى الخطة هتتغير انا لازم اسافر سويسرا معاك
فادى : فعلا نديم غير ترتيباتنا كلها وكده مضطرين نقبض عليه فى سويسرا بدل المانيا
خالد : وايزاك هنعمل فيه إيه
فادى وهو ينظر لنور : ايزاك انت اللى هتتعامل معاه يانور
نور بصدمة : نعمممم ده اللى هو ازاى مش فاهم ..... مراتى فى سويسرا مخطوفة والله اعلم نديم الكلب ده هيعمل فيها إيه وتقولى استنى هنا .... لأ طبعاً يافادى انا هسافر على سويسرا النهاردة قبل بكرة
فادى يحاول ان يتمالك اعصابه فالان ليس وقت الانفعالات او التوتر فمجهود عامين فى هذه القضية بات على المحك وهو يحاول الحفاظ على هذا المجهود فمسح على وجهه بكفيه فى محاولة للسيطرة على اعصابه
قائلا : يانور ارجوك دهذمش وقت عواطف خالص .... انا كده كده مسافر مع نديم وخالد هيسافر معايا لازم انت اللي تفضل هنا لان لازم نتحرك فى كل الاتجاهات مرة واحدة علشان محدش يقدر يهرب او ياخد حذره خلينا نخلص من القضية المعقدة دى بقى ونرجع مصر
احنا رقبتنا كلنا مرهونة على الكلاب دول لازم نمسكهم
نور : يافادى قدر موقفى انا ماعرفش ايزاك ده ولو حتى اعرفه فأنا اللي هلحق مراتى واخلصها من  الكلاب اللى خطفوها وخالد ياسيدى يستنى هنا زى ماكنتوا مرتبين
وبكده نكون اتحركنا فى كل الاتجاهات فى وقت واحد