*حياه بلا حياه 2*🍁

6

((الفصل السادس ))

https://my.w.tt/pgDQNhCB43

عرف خالد انه ارتكب خطأ بإبلاغ اللواء محسن عن اختطاف حياةولكنه يعلم ايضا ان الخطأ الاكبر يكمن فى عدم إبلاغه بالامر
فهو اختار ان يبلغه لانه مهما طال الوقت سيعلم بالامر لامحالة
حاول خالد السيطرة على غضب اللواء محسن وتهدئته فتحدث متجاهلا ذلك الواقف يشتعل غيظا من غباءه:
يافندم .... ايوة هى فعلا اتخطفت لكن يافندم
لم يعطيه اللواء محسن فرصة ليكمل كلامه : لكن إيه ياحضرة الظابط .... كنت مستنى إيه علشان تبلغنى باللى حصل لما تلاقوها مقتولة زى صاحبتها
فادى فين انا مش عارف اوصله
نظر خالد لفادى نظرة معناها لامفر قائلا  بتردد : هو معايا يافندم
اللواء محسن بسخرية : طيب إتعب البيه وخليه يكلمنى لو مش هزعج سيادته
نظر فادى لخالد وهو يسبه فى سره فلقد وضعه الاخير فى موقف لايحسد عليه مع اللواء محسن واخذ منه الهاتف :
تحت امرك يافندم
وكانت جملة فادى كمن نزع فتيل قنبلة انفجرت بوجهه فانفجر اللواء محسن فى وجهه قائلا : هو انت خليت فيها امر ياحضرة الضابط .... لا ضابط إيه بقى انا اروح اقعد فى البيت وجنابك تتصرف فى المهمة المكلف بها على مزاجك ولاكأن فى قائد ليك تبلغه باللى بيحصل
فادى : يافندم ماهو....
اللواء محسن : ماهو إيه .... وزفت إيه المهمة اتلغت ياحضرة الضابط وفى خلال ساعات هيكون عندك الفريق اللي هيمستلم منك القضية دى وسيادتك وفريقك تكونوا عندى بكرة الصبح على مكاتبكم يابشوات
فادى وهو يجاهد للسيطرة على انفعالاته : يافندم أرجوك ... انا محتاج فرصة واحدة بس واوعدك هنرجع بحياة وافراد العصابة .....
يافندم ارجوك المهمة دى اخدت مننا وقت ومجهود كبير وماينفعش حد تانى يمسك القضية  كده على الجاهز
اللواء محسن : مش انت اللي هتقرر إيه اللي ينفع وإيه اللي ماينفعش ياحضرة الضابط ..... الفريق التانى هيوصلكم خلال ساعات نفذ الامر ياحضرة الضابط
فادى : انا اسف يافندم انا مضطر ماانفذش الامر
اللواء محسن بعصبية : إنت إتجننت يافادى .... انت عارف عواقب عصيانك للاوامر هتكون إيه
لا وكمان كده بتعرض حياة الفريق اللي معاك للخطر
نظر فادى لخالد بتحدى قائلا : لا انا ولا الفريق اللي معايا هنرجع يافندم الا وانا جايبلك الكلاب دول معايا وحياة ترجع لاهلها بالسلامة .... ياكده ياتجهز تستلم جثثنا لان لا انا ولا الفريق هنرجع الا فى حالتين  يانجحنا فى مهمتنا وجبناهم على مصر ياهنرجع جثث فى توابيت دى قضيتنا يافندم وانا وفريقي متحملين المسؤلية القانونية كاملة
اللواء محسن بنفاذ صبر فهو يعلم اصرار فادى ونور وخالد فهم لن يستسلموا بهذه السهولة فتحداه قائلا :
اللي هيشفعلكم العصيان ده ترجعوا بالمطلوب وإلا .... وشرفى يافادى لخليكم تتحاكموا محاكمة عسكرية بتهمة الخيانة وعصيان الاوامر ووقتها كل تاريخكم وبطولاتكم لهتتمسح بأستيكة واخليكم عبرة لكل زمايلكم
فادى بتحدى واصرار ظهر فى نبرة صوته ولمسها اللواء محسن : أقسملك يافندم إننا لو مانجحنا فى مهمتنا دى .... إحنا اللي هنضرب نفسنا بالرصاص لاننا ماتعودناش نخسر فى مهمة اتكلفنا بها لو على جثثنا
اللواء محسن : معاك يومين .... يومين إتنين والا انا اللي هقبض عليكم بنفسي
فادى : وانا مش محتاج اكتر من اليومين يافندم وهتسمع اخبار كويسة
اغلق اللواء محسن الهاتف دون ان يرد على فادى وجلس يحاول ان يستعيد هدوءه مرة اخرى ولكن لاتأتى المصائب
إلا مجمعة ف
استأذن مدير مكتبه بالدخول واذن له اللواء محسن
قائلا : انا مش قولت مش عاوز ازعاج دلوقتى لسة على الاجتماع ساعة
مدير مكتبه : اسف يافندم لكن اكرم بيه الصياد برة ومنتظر يقابل حضرتك .... ولما قولتله ان حضرتك مشغول رفض يمشي ومصمم يقابل حضرتك
اللواء محسن بهمس لم يسمعه المدير : هو اليوم باين من اوله  انا مش عارف هقوله ايه بس
مدير المكتب : بتقول حاجة معاليك
انتبه الوزير : لا خليه يتفضل
مدير مكتبه : حاضر يافندم
وخرج مدير المكتب وسمح ل اكرم الصياد بالدخول
وقف اللواء محسن ليرحب به : اهلا ... اهلا يااكرم اتفضل
إيه المفاجأة الحلوة دى اول مرة تزورنى فى الوزارة
اكرم الصياد بابتسامة  : أعمل إيه ماانا مش عارف اوصلك ياسيادة اللواء
اللواء محسن : غصب عنى يااكرم ... ماانت عارف الاوضاع اللى البلد بتمر بها الفترة دى
اكرم : كان الله فى العون .... طول عمرك ادها يامحسن
محسن : تحب تشرب إيه
اكرم : لا يامحسن شكرا انا جايلك فى حاجة مهمة وهمشي على طول عندى اجتماع مهم
محسن : خير يااكرم قلقتنى
اكرم : خير يامحسن .... انا بحاول اتصل بحياة مش عارف اوصلها اكتر من 3ايام ومش عارف اوصلها
وفى حاجة غريبة حصلت هى اللي بسببها جيتلك النهاردة
اللواء محسن : خير يااكرم حاجة ايه دى
اكرم : انا لما اتصلت على تليفون الظابط اللي مع حياة اللي اسمه نور رد عليا فادى ولما سالته على حياة قالى حاجة غريبة جدا
قال لى بالحرف إطمن يافندم هما بخير لكنهم زى ماحضرتك عارف المؤتمر إنتهى وهما مع بعض دلوقتى عرسان جداد بقى
هى دى مش جوازة على الورق ولا ايه الموضوع بالضبط
انا حاسس ان بنتى حصلها حاجة
لعن اللواء محسن فادى فى سره وتوعد له باشد العقاب حين عودتهم
اكرم : يامحسن ساكت ليه بنتى حصلها حاجة
اللواء محسن بهدوء: ابدا يااكرم حياة بخير هما فعلا لما انت اتصلت كانوا بينفذوا مهمة ومش موجودين وطبيعي تليفوناتهم تكون فى الفيلا
انت عارف دى اجراءات امنية لسلامتهم مش اكتر
اكرم بشك فقلبه يحدثه بالعكس  : وانا هصدقك يا محسن وواثق فيك لكن عندك علم المهمة اللي هما فيها هتخلص امته
اللواء محسن: قريب يااكرم ..... قريب اطمن
اكرم : محسن انا مش هطمن الا لما حياة تكلمنى واسمع صوتها
اللواء محسن : ان شاء الله قريب .... وبعدين انت عارف حياة دى بنتى زى ماهى بنتك ولاعندك شك فى كده
اكرم : طبعا يامحسن انا عارف هى غالية عندك اد إيه ولو مش واثق فيك انا لايمكن كنت وافقت انها تبعد عنى لحظة واحدة
محسن : ربنا يحفظهالك وترجع بالسلامة يااكرم
أكرم : اللهم امين ....
ووقف اكرم واغلق جاكيت البدلة قائلا : انا اتاخرت لازم امشي لكن مش هوصيك يامحسن منتظر تطمنى عليها فى اقرب وقت
محسن وهو يصافح صديق عمره : ان شاء الله يااكرم قريب اوى
وخرج اكرم وهو يدعو الله ان يكون إحساسه مخطئ وان يحفظ إبنته وان يردها له
*********
اما على الجانب الاخر فى المانيا بعد انتهاء فادى من مكالمة اللواء محسن او بمعنى اصح بعد غلق الاخير الخط فى وجه فادى تحدث اليه خالد : انت ازاى ترفض تنفيذ الامر يافادى
امسكه فادى من ياقة قميصه : علشان غباءك ياحضرة الظابط .... صريح اوى حضرتك لازم تقوله انها اتخطفت من 3ايام
نفض خالد يد فادى بهدوء فهو مقدر الحالة التى بها : اناوعملت كده لمصلحتنا كلنا .... تفتكر انا لو مقولتش اللواء محسن مكانش هيعرف
فادى : وهيعرف منين.... ها ....هيعرف منين من نور مثلا
خالد : لا مش نور اللي كان هيقول انت ناسي معتز مش هو معانا فى الليلة دى .... اكيد هو اللي كان هيقول
فادى : قصدك إيه .... قصدك انه بينقل اخبارنا للواء محسن
خالد : لا طبعا ... اقصد ان معتز مايعرفش مكر اللواء محسن وكان بسهولة جدا يقع بلسانه فى الكلام مع اللواء محسن
فادى : أهى اتطربقت على دماغنا كلنا ودلوقتى معانا مهلة 48ساعة يافالح
خالد : وهو المطلوب يافادى انت كده كده مسافر مع نديم وانا واثق ان نديم خاطف حياة هناك لان الواضح من كلامك ان نديم هيستقر فى سويسرا فمستحيل حياة هتكون هنا
فادى بتفكير : هو تفكير منطقى وخصوصا ان نديم طريقة تفكيره بتكون مخالفةوللتوقعات التقليدية
خالد : يبقى احنا دلوقتى على امل ان مراقبتنا لنديم توصلنا للى يأكدلنا الاحتمال ده
فادى : لا اطمن انا عملت الاذكى من كده
خالد بتساؤل : عملت ايه يافادى .... ومن ورايا ..... واضح ان المهمة دى فعلا كل واحد فينا بيشتغل لوحده
فادى : لا طبعا لكن نسيت اقولك مش اكتر هى تجربة يانجحت ياروحنا كلنا فى داهية
خالد : وانا عارف تجاربك ربنا يستر
ضحك فادى على كلامه وهو يقول : طيب يالا نروح لنور نشوف اخر الاخبار ايه  ونظبط ترتيباتنا قبل مااسافر لان خلاص السفر بكرة
وتحرك فادى وخالد بسيارة خالد متجهين لفيلا معتز لمقابلة نور
*********
فى فيلا معتز
وصل فادى وخالد للفيلا ودخلوا وسمعوا معتز يجلس بجانب نور ومعتز يتحدث معه بعصبية خوفا عليه : مش معقولةاللى انت بتعمله فى نفسك يانور انت كده بتنتحر
لازم تكون مركز لان حياة مش هترجع باللى انت بتعمله ده