Just Be Mine [Completed]

Chapter 3

Leave comments and votes after reading! Thank you. :]

Dedicated to: Ate KimkimCamu :)

Comment for more Dedications.

DiamondAlpha 
---------------------------

CHAPTER 3
Chloe's PoV

May kasama si Lucas na iba. Masaya siya. Tumatawa. Nakikipagharutan sa iba.

Mas ikinagulat ko nang nakawan niya yung babae ng halik sa labi.

Parang dinudurog ang puso ko sa nakikita ko. Pa'no niya nagawa sa'kin 'to? Kanina lang nung kasama niya 'ko ang cold ng pakikitungo niya. Tapos ngayong makikita ko siya kasama ang ibang babae ang saya saya niya. Ito na ba ang tinatawag nilang panloloko? Ang sakit pala talaga.

Agad ko silang nilapitan at sinampal ko kaagad si Lucas.

"Manloloko ka!"

Napiyok pa ako habang sinabi 'yan. Ang sakit sakit naiiyak ko.

Nakita 'kong nagulat silang dalawa. Lalo na si Lucas.

"Hey! Why did you slap my boyfriend!" sigaw ng babae sa'kin.

"Boyfriend mo? Boyfriend ko siya! Bitch!"

Hinablot ko 'yung buhok ng babae. Hinigpitan ko ang hawak at sinabunutan siya. Walang tao dito na nakakakita sa'min. Nasa likod kasi kami at wala masyadong tao dito sa parking lot.

"A-ah! Bitawan mo'ko masakit!"

Sumisigaw siya pero hindi ko siya pinansin.

"A-Aray! Ang sak-kit!!" impit na tugon ng babaeng sinasabunutan ko.

Napatigil na lang ako bigla. Nagulat ako ng may sumampal sa'kin. Nabitawan ko yung babae at nilingon si Lucas. Sinampal niya ako. Sinampal ako ni Lucas.

"Tigilan mo ang pagsabunot sa kan'ya Chloe at baka makalimutan 'kong babae ka."

Dobleng sakit. Hindi ako makapaniwala sa nakikita at naririnig ko. Kung panaginip lang 'to please gisingin niyo na'ko. Pinagtatanggol niya pa 'tong babaeng 'to.

"Hon sino ba 'tong babaeng 'to?"

Tinanong ng babae si Lucas habang inaayos ang buhok niya.

"Ex ko."

Triple sakit. Ex niya? Wala 'kong naalalang nakipagbreak siya sa'kin. Lucas ano bang nangyayari sa'yo.

Hindi ko nakayanan ang sakit. Pumatak na ang luha ko.

"L-Lucas.. a-ano bang sinasabi mo. Girlfriend mo'ko d-diba?"

"Wala na tayo. Umalis ka na."

Napapikit ako at  tuloy tuloy na ang agos ng luha ko. Niloko niya 'ko. Wala na kami. Break na kami. Pinagtutulakan niya na ako ngayon. Humihikbi na ako dahil sa luha ko.

"Hindi totoo 'yan!" sigaw ko.

Lumapit ako at pinagpapalo sa braso si Lucas.

"Lucas sabi mo mahal mo 'ko! Sabi mo hindi ka titigil na mahalin ako! Nangako ka!"

Papiyok piyok akong nagsasalita. Ayaw tumigil ng luha ko sa pag-agos. Naninikip ang dibdib ko sa sobrang sakit na nararamdaman ko.

"Hindi na nga kita mahal! Si Bea n'ang mahal ko! Umalis ka na!"

Tinulak tulak niya pa ako. Ang sama niya! Ang sama sama niya! Hindi man lang siya nakipagbreak ng maayos! Kailangan niya pa 'kong lokohin. Kailangan ko pa siyang makita kasama 'yang Bea'ng 'yan! Bakit!