Why Can't I hold you

နာကျင်စေခဲ့ရင်တောင် ချစ်လွန်းလို့ သူ့ကိုပဲတောင့်တနေမိတာမျိုး 🚫

Merry ကုတင်ပေါ်တွင် တစ်ညလုံးငိုထားရျ် ခေါင်းအုံးတစ်ခုလုံး မျက်ရည်များဖြင့်စိုရွှဲနေသည်။ ရေချိုးခန်းထဲ ငိုရသွားပြီး ရေချိုးလိုက်မှသာ ဖောင်းအစ်နေတဲ့ မျက်လုံးတွေ အယောင်လျော့သလိုဖြစ်လာပြီး လူလည်းနေလို့ကောင်းလာသည်။

အခန်းထဲမှ ထွက်လာခဲ့ပြီး... Alex အခန်းဘက်ကို သွားကာ အခန်းပေါက်ဝရှေ့ရပ်ရင်း ဝင်သင့် မဝင်သင့်တွေဝေနေရင်းနဲ့ပဲ အခန်းတံခါးကို သူမလှည့်ဖွင့်လိုက်သည်။

" ဟင် မနေ့က ပြန်မလာဘူးလား??"

Merry အိမ်အောက်ထပ်ကို ဆင်းလာခဲ့ပြီး အိမ်ထဲကို လှည့်ပတ်ရှာကြည့်မိသည်။ မီးဖိုချောင်တွင် အလုပ်လုပ်နေသော အန်တီတစ်ယောက်နှင့် အိမ်ရှေ့ ဧည့်ခန်းတွင် ဖုန်သုတ်နေသော အမတစ်ယောက်သာ ရှိနေပြီး အိမ်က တိတ်ဆိက်နေသည်။ Merry လှေကားမှ ရပ်ပြီး ကြည့်နေသည်ကို ဧည့်ခန်းမှ သန့်ရှင်းရေးလုပ်နေသည့် အမက မြင်လိုက်သည့်အတွက် အနားရောက်လာကာ

" မမလေး နိုးပြီလား ရှင့် ဆရာကတော်ကတော့ အဘိဓမ္မာသင်တန်း သွားပါတယ်ရှင့် ဥက္ကငှ ကတော့ ခြံထဲမှာ ရှိနေပါတယ်..."

" အော် ဟုတ်ကဲ့ ဒါနဲ့ ဟို ဟိုလေ အမကော မနေ့က ပြန်မလာဘူးလား??"

" ဟုတ်ကဲ့ ပြန်လာသံတော့မကြားပါဘူးရှင့် Director က တိတ်ဆိတ်နေတတ်တော့ သူ့အကြောင်းတွေကို ဆရာကတော်တို့မှ သိမှာဆိုတော့လေ "

" ဟုတ် ရပါပြီ လုပ်စရာရှိတာ ဆက်လုပ်ပါ Merry ခြံထဲသွားလိုက်မယ်"

" ဟာ သမီး Merry နိုးပြီလား ကော်ဖီသောက်အုန်းမလား?? လာလေ လာ ရတယ် သူက ပြန်တော့မှာ "

Merry ခြံထဲ ရောက်သွားချိန်တွင် သူမ အဖေသည် လူတစ်ယောက်နဲ့ ထိုင်ကာ စကားပြောနေသည်ကို တွေ့လိုက်ရသည့်အတွက် Merry ပြန်လှည့်ဖို့လုပ်လိုက်သည်။ သူမကိုတွေ့သွားသည့် ဖေဖေက လှမ်းခေါ်သည့်အတွက် Merry စကားပြောနေသည့် နေရာကို လျှောက်သွားလိုက်သည်။ ဖေဖေနဲ့ စကားပြောရျ် ပြီးဆုံးသွားပုံရသော လူသည် ထိုင်ရာမှ ထပြီး ပြန်ဖို့ ပြင်လိုက်သည်။ ထိုသူကို မြင်တော့.... Merry မယုံနိုင်အောင်ပင်