دمعة لوجين

الجزء 2

وصل ليل فوزية قالتها راجلها قال ليها اوا منين فؤاد بغاه او تيgول ليك ولد مزيان صافي مبقات هدرة قوليه اجي نشوفهم بعدا

فعلا من بعد يومين جا هو او باه او مو او ختو الكبيرة دخلو مع الباب لوجين تتموت بل فرحة دغية لبسات واحد العباية عريضة او فولار من الفوق اول مرة دير فوندوتان فوجها عطتو لها صحبتها او دخلت البيت عندهم هزا صينية شفوها عائلتو خلاتهم بلا عقل صافي تفقو على كلشي بالي من دبا سيمانة غدي اجيها دفوع فيه كلشي البوس الخاتم او دهاز ديالها
ديك سيمانة كلها او لوجين فيها الخوف مخلط بالفرحة معرفات واش تفرح ولا تبكي حينت غدي تخلي امها وصل نهار ديال دفوع جابو دكشي فواحد طموبيل كان دكشي زوين ناس كلهم بداو اطالو عليهم او حلو فمهم فداكشي لي جها كان الهبال صافي اوا العروسة كانت گاعدة فصالون او فجنبها العائلة او صحباتها دخل لبسها الخاتم او هضر مع خوها باش غدا اجيو عند لعدول باش اكتبو لعقد كان دكشي مزروب بزاف عبد الالة مبغاش داكشي اطوال بزاف لغد ليه مشاو اطيحو لعقد كان مع عبد الاله واحد ختو

بشرى : بقا انت هنا

عبد الاله ' فين غادية

بشرى : ندي لوجين عند طبيبة دير شهدة طبية قبل ما طيحو لعقد راه ضروري

يلاه وصلات لوجين مع خوها حتى بشرى شدات فيديها بغات ديها ساع عبد الاله حبسها قال ليها مكاين لاش لوجين راه كبرات قدام عيني او عرفها مزيان او عرف تربية ديالها كيف دايرة

اييواا لوجين عجبها الحال منين سمعاتو قال هكاك هدشي زاد خلاه يكبر فعينيها او فنفس الوقت معجبهاش تصرف ديال ختو معها جاتها بحال الا تتقلل منها بحال الا جابوها من زنقة ...

اوا دخلو عند العدول او تكتب العقد ديالهم او ديك ساعة مشات لدار رجلها كانت خايفة حينت بغات حتى تقول لها امها اش دير معرفة والو أو تتحشم معمرها هضراات معها فهدشي من قبل أو عااارفة بلي مها مغدي تگول لها والو حتا تزوج وتعرف ديك ساعة راااسها وغاالبا غدي اكون رااجل عااارف وهو اعلمها باش يعرف بالي البنت ما فايت عليها شااي وغير رمانة مغمضة ولكن هيهااات هيهاااات القدر أشنو مخبي لها
طريق كاملة او هي تترعد شوية بدات تضحك عليها لوستها او قالت لها فودنيها مالكي بغيتي تموتي بالخلعة راه غير ماما قالت لنا جيبوها معكم دبا تشوفي اش ماما موجدا ليك راه مغديش يدخل بيك خويا اليوم كوني هانية ههههه

عاد لوجين رجع فيها روح وصلو دخلو الدار حتى تتشوف عكوزتها معرضة لها حليب او ثمر قدام الباب او الصلاة او السلام على النبي العدنان فرحات لوجين بزاااف وشحااال تمنات تعيش هاد اللحضة شوية النقاشة جات او قعدات او بدات تتنقش لها لوجين عينيها مدمعين بدموع الفرحة شوية تتشوف رجلها عبد الإله دخل البيت زعمة بيتها نزلات عينيها حشمانة غير شوية نزل او حط لبياض فصنية او خرج اوا منين نشفات لها الحنة صافي رجعات لدارهم بغات حتا دير شي گعيدة بين اهلها و حبابها عاد تمشي فمرة
الأيام تدوز بحااال رمشة عين داازت سيمانة بحال طرشة دازت غير فتوجاد ديال الحلاوي أو توجاااد ديال حوايجها أو العراضة ديال الناس ونتما راااكم عااارفين كيفاش تدوز اجواء الاعراس المغربية الأصيلة اوا وصل اليوم الموعود لي هو اليوم دار كاانت عامرة بالعائلة دار العرس حسن من دارنا كيف تيقولو الأب لوجين دار لبنتو گعيدة فيها المدحات ونقاشة نقشاات لها بين عاىلتها وصحابتها وحبابها المدحات اوا غير وصل ليل كانو رجال دار لهم باااها طلبة كاانو رجاال فدار التحت والعيالات فدااار ديالنا الفوق مكاينش الإختلاط غير رجال لي تيتخطرو التحت وخوتها دراري أو صحابهم همااا لي تيسخرو عليهم لوجين عندها ربعة خوتها دراري هي بوحدها لي بنت وسطهم فؤاد هو لكبير فعمرو 33. عاد خوها خالد .. جواد ... أو منير عااااد لوجين اوا غير وصلات.12 ديال الليل بدات امها تتجمع لها حوايجها لي غدي تديهم معها ولي بقاااا غدي تجيبو لها مع الفطور ديال العروسة هما والكدوات ديالها إدوز دكشي قدااام عينين نااااس وهي هازة رااااسها وسط ناااس بالي بنتها حمرااات لها وجها وهزات براس بااها أما خوتها خلااااص شرااافهم هو هدااااك وحنا كاملين وخاااا نتقفو أو نواعيو راااسنا حتا نعيااو تتبقى ديك الحاجة لها دور كبير خااااص أي وحدة تحتافض عليه حتال داك نهاااار لي كل بنت تتسناااه وخااايفة تگول غدي دوز الباااك
لوجين فهاد الاثناء كانت متوجها القبلة و راافعة كفوفها السماااا

الحمد لله الّذي بعزّته وجلاله تتمّ الصالحات، يا ربّ لك الحمد كما ينبغي لجلال وجهك ولعظيم سلطانك، اللهمّ اغفر لنا وارحمنا وارض عنّا، وتقبّل منّا وأدخانا الجنّة ونجّنا من النّار، وأصلح لنا شأننا كلّه، اللهمّ أحسن عاقبتنا في الأمور كلّها، وأجرنا من خزي الدّنيا وعذاب الآخرة، اللهمّ يا من أظهر الجميل وستر القبيح، يا واسع المغفرة، يا باسط اليدين بالرّحمة، يا صاحب كلّ نجوى، يا منتهى كلّ شكوى، يا كريم الصّفح يا عظيم المنّ يا مبتدئ النعم قبل استحقاقها، يا ربّنا ويا سيّدنا، ويا مولانا ويا غاية رغبتنا، اللهمّ إنّي أسألك الثّبات في الأمر، و أسألك عزيمة الرّشد، وأسألك شكر نعمتك وحسن عبادتك، وأسألك لسانًا صادقًا، وقلبًا سليمًا، وأعوذ بك من شرّ ما تعلم، وأسألك من خير ما تعلم، وأستغفرك ممّا تعلم، إنّك أنت علّام الغيوب، اللهمّ زدنا ولا تَنقصنا، وأكرمنا ولا تهنّا، وأعطنا ولا تحرمنا، وآثرنا ولا تؤثر علينا، وأرضِنا وارض عنّا، اللهمّ أعنّا على ذكرك وشكرك وحسن عبادتك، فسبحانك يا ربّ الأرض والسماء. يلاه كملات دعاااء وقفااات امها على راسها ...

الأم : يلاه ابنتي طلقي راااسك راااه لوستك أو لوسك هاهما يلاه وقفو بطوموبيل ديالهم قدام الباب وتيكلاكسونيو علينا

لوستها *دفعات الباب* يلاه واااااش واجدة

الأم *تلفات* ايه ايه وااااجدة يلااااه ابنتي نوضي
_________________________
كيما العااادة متنساوش تديرو فوووط و تحطو ليا un petit commentaire حيت كنفرح بزاااف ملي تنشوف تعليقات ديالكم الجميييييلة .
Je vous aime 💞💞💋