لوجين تتجري أو تتبكي أو راضية تتجري تبعاها أو تتغوات بسميتها حتاااا تتسمع لوجين روااايض ديال شي طوموبيل تحكو بجهد وصوت راضية مبقااااش تيتسمع ضاااااارت لقااتها طااايحة واحد مول طوموبيل خاااارج غادي عند راااضية لوجين شرعااات عينيها وحطات يديها على فمها مصدومة مشااااات بجراااا تتعيط خااالتي طااحت عليها وتتبكي
الشخص:بلا متخافي رااااه طوموبيل ديالي مقستهاش الحمد لله شفتها و فراااانيت كااانت غادية تتجري وخرجات فطريقي
راضية : فين كنتي غاااادية شحااال تنعيط عليك علاش مبغيتيش توقفي واش مسمعتينيش
لوجين *تضحك بحال الحمقة*: هههههه الحمد لله موقع ليك وااالو ههههه ناري قيسي قلبي تخلعت منين شفتك طااايحة نوضي اخالتي
تتنوض فيها وتتسوس فحوايجها من تراب
الشخص: الحمد لله على سلامتك الحاجة ربي لطف ولكن مرة خرى عودي ردي البال الطريق أو متقطعي شانطي حتا تشوفي مزيااااان فجواايه كلهم عاد قطعي
راضية : واااخ اولدي وااااخ سير الله اعرضك سلامة
لوجين :خالتي اخير مرة تقطعي شانطي بجرا وخا اكون لي بغا اكون صحتك هي لولا
راضية: صافي صافي فهمت يلاه محدك لابسة حوايجك خلينا نمشيو رااااه كانت جااية عندك باش نگوليك توجدي رااسك نخرجو ساااعة لقيتك مشيتي جااب الله سمعت الباب تسد
لوجين: خالتي عفاك خليني نمشي نعتمد على راااسي انا راااه هكااا كنت ديما معولا غير على دارنا فكلشي أو فالحضة لقيت راااسي فزنقة أو ما معايا حتا واااحد من غير الله هدي هي الفرصة باش نعول على راااسي وشكرا بزاف على كلشي وتنواعدك منين نحصل نجي ديريكت عندك صافي
راضية: لا لا مغديش نخليك انتي غدي تبقاي معايا نتي محتجاني وأنا محتاجاك هههه يلاه زيدي قدامي
لوجين : فين بعد غدي نمشيو اخالتي
راضية: عند طبيبة هي لي غدي تجاوبك على گاع دوك الأسئلة لي فراااسك يلاه نمشيو ونشوفو
لوجين : انا خايفة بزاف
راضية : لا معندك مناش تخافي غدي نمشيو عند واحد طبيبة صحبت بنتي ضريفة غدي تفهمنا وتشرح لنا مزيان اش كااااين
لوجين : وااااخ اخالتي نمشيو ..
✴️مكان أخر✴️
تليفون يوسف تيصوني شااافو لقااا نمرة ليلى
ليلى *بالغوات* :فينك انت من صباااح وأنا نتصل علاش متتجاوبش ايوسف
يوسف *خرج الزنقة*: انا خداااام دبا مالكي اش كاين
ليلى : بغيت غير نگول ليك ماما عرضات علينا الغدااا الا كنتي مسالي جي نمشيو عندها
يوسف : دبا ممساليش عندي الخدمة كثيرة ا ليلى غير خودي طاكسي أو سيري أو فالعشية نخلط عليك نجيبك
أنت تقرأ
دمعة لوجين
Romantizmقصة أقل ما يقال عنها رووووعة و مؤثرة بشكل كبيييير ، غدي تبقا مترصخة فعقل أي وحد قراااااها 💥 بغيت نشوف هنا غير ناس لي قلبهم قوي نتفاهمو من هنا بلاما نحرق الأحدات وخليوكم تقراااو وتحكمو بنفسكم.. #الأم حماية,حنان,وتدفئة.... #الأب دعامة,قوة,كفاح...
