دمعة لوجين

الجزء 11

راضية : يلاه ابنتي سربي دغية قبل ماا يخرج يتغدا هدي هي وقيتو ...

لوجين تتزرب وداخلة الكوميسارية وتترعد اول مرة تدخول لها أما راضية مشاء الله عليها غااادية ديريكت لمكتب ولدها حفضااااه

زكارياء *بوليسي* : وطلق اصحبي رجليك نص ساااعة لي عندنا هااا انت ضيعتي نصها

البوليسي 2: وااااش شفتي اااش شفت 

البوليسي 1 : اش شفتي 

البوليسي 2: هااااد البنت لي داازت من حدانا وجها مغريبش عليا اصحبي بحال الا سبق ليا شفتها فشي بلاصة...فين ياربي فين 

البوليسي 1: مشكيلة هادي معاااك باقي غدي نتسناااك حتا تستعقل فين شاااايفها ونتا طلقني خلينا نمشيو نتغدااااو 

راااضية : صافي حبسي هدا هو مكتب ولدي 

دقااات الباب ودخلات وجرااات لوجين خليل هز راااسو لقااااهم فوجهو خرج عينيه ونااايض زاااعف

خليل : الواليدة الوااااليدة اش هدشي تديري لاش جاااية حتال عندي هناااا واش تتقلبي تخرجي عليا 

راضية متسوقاتش ليه جراات لوجين أو گعدات فالكرسي مقااابلة مع البيرو عندو

راضية : جيت لعندك اولدي خليل حينت الأمر مستعجل أو مايحتاااج تأجيل و الحالة خطيرة وبزاااف گاع عاااد عطيني شوية من وقتك ودوز برك و سمع ليا اش بغيت نگول 

خليل شاااد فرااسو وتيحاول يتحكم فاعصابو مو نزلات ليه ضغط 

راضية : ولدي مالك صفر كيف القيح يكما مريض اولدي حنيني *تدوز يديها على وجهو*

خليل : واالو الواليدة والو يلاه گولي اش بغيتي تگولي أو سيرو هدي بلاصة الخدمة ماشي لعب *معصب وعروقو خارجين*

راضية : مالك اولدي بغيتي تفرگع غير برد راااه كون مكانت المسألة خطيرة أو ضروري ما اكون فيها المخزن والله متشوف وجهي

رجع البيرو ديالو جر الكرسي جلس ودفع گاع دوك لوراق لي كان خدام فيهم الجنب أو ربع يديه وتيشوف فيهم 

خليل *بصوت قوي* : يااااك هدشي لي بغيتي نخلي خدمتي ونسمع ليك يلاه تكلمي هاااااااني تنسمع
* تيهضر من تحت سنيه *

راضية : الله يارضي عليك اولدي غير لي بغيت نگول ليك هو مسكينة لوجين 

غوااااااات وضرب بيديه البيرو حتا قفزو بزوج ...

خليل *بالغوات* : وااااااااااش جاااية فوقت خدمتي مضيعة ليا وقتي غير باش نسمع هاد خزعبيلات ديال بنتك لوجين تاني ااااش وااااقع ليك اااااااامي لا لا هدشي بزاااف 

ناضت لوجين ورجعات گعداتها 

راضية : انت لي ماااالك مع هاد البنت سمع بعدا غير أش بغيت نگول الله يرضي عليك ....