دمعة لوجين

جزء 68

🌆في المساااء 🌆
لوجين تدق فالباب عصمان كاااين فدوش أو إيليف فبيتها تتفرج أما سابين تتوضااا باش تصلي المغرب نزلات إيليف تتجري تحل حتا لقاات لوجين فوجها 

لوجين : سلام عليكم ... 

إيليف : وعليكم السلام بغيتي سابين

لوجين : ااااه الا مكااان عندك حتا مشكل

نزلات تتجري سابين طاااارت عليها وهزاتها لوجين تدور بيها وتبوس 

ساابين : ياااس يااااس خاالتي لوجين جات

لوجين *خاشية راسها فشعرها*: امممم الله وشحال توحشت هاد رويحة *نزلاتها* أشنو واش مزال مااا وجدتي راااسك 

سابين : غير نصلي المغرب ونجي بجرااا العندك 

لوجين : عاااد غدي تصلي المغرب أشنو كنتي تديري واش تتلعبي 

سابين *غطات وجها *: لعبت غير شوية

لوجين : سربي صليها الصلاة ديما تتكون هي أولى يلاه بزربة هاني غدي نتسناااك 

مشات تتجري سابين وبقات لوجين قدام الباب 

إيليف : دخلي ا لوجين دخلي متبقايش فالباب

لوجين : غير خليني غير هنااا بحال بحال

إيليف جراتها من يديها وسدات الباب

إيليف : سمحي ليا ا لوجين على ديك الهضرة لي گلت ليك داك نهار انا ندمت بزاف معرفتش اش وقع ليا حتا هضرت بديك طريقة 

لوجين : الله يسامح و أنا مدرت والو فراسي 

إيليف : شكراااا على دكشي لي تتعلميه لبنتي الله لي غدي يجازيك عليه 

لوجين : هدااا واجب أو سابين عزيزة عليا 

إيليف : حتا نتي عزيزة عليها بزاااف 

نزلات تتجري سابين هازة المصحف ديالها أو العباية وتقاشر أو زيف ونازلا عند لوجين تلبسهم لها إيليف غير. وقفة تتشوف فيهم كيفاش متفاهمين جاااتها الغيرة 

عصمان *نازل *: لوجين كاينة عندنا و أنا أخير من يعلم 

لوجين *هزات راسها*: اهلا عصمان جيت باش ندي سابين لدار القران ونتا خصك ضروري تمشي معانا باش تعرف لبلاصة باش تبقى تديها الا مكنتش انا مسالية 

عصمان : صااافي واااخا 

لوجين لبساتها العباية وقدات لها الفولار على راسها وتدخل لها شعرها الداخل باش مااا يباانش وعطااتها المصحف ديالها تهزو بين يديها 

سابين : خالتي لوجين وااش غدي تبقاي معايا

لوجين *باستها بين عينيها*: اكيد غدي نبقا معااك ولكن غير فنهار لول من بعد غدي توالي تمشي راااسك حينت غدي يعجبك الحال منين تشوفي وليدات بحالك حتا هما تيقراااو القران أو بيناتهم منافسة قوية كل واحد فيهم تيحاول يعطي كل ما عندو فتجويد وراه تيكونو هداية تشجيعية فأخير سنة