★مكان اخر ★
راضية : بلاتي هاااني جااية *حلات الباب * مريم
مريم : سلام خالتي راضية تتعرض عليك ماما لسبوووع اليوم من مورا ضهر
راضية: الله هي عروستكم ولداات ايوا على سلامتها اااش ولدات بعدا
مريم : ولدات وليد سميناه صفوان
راضية : تبااااارك الله يكبر فعزكم
مريم : امين اخالتي يلاه خليتك على خير
راضية سدات الباب ومشااات عند لوجين لي كااانت تتغسل الماااعن وتتشعبط طلعهم فالبلاكار الفوق ...
راضية : ولدات عروست زوبيدة ولد
تقرصات لوجين ولات معقدة من سيرة لولاد والحمل مكاانت گااع تتسوق ولكن دبااا اي كلمة على حس لولاد تحسس منها
ليلى : اوا هنينااا عليهم
راضية : عرضات عليا الغدااا غدي نصيفط غير لوجين بلاصتي تمشي تاكول تريد ديال ناافسة على الله إجيب تيسير وتفرحنا بشي وليد ولا بنية لي قسم الله
لوجين : ولكن اخالتي انا متنعرف حد تماا عفااك غير سيري
راضية : معندي فين نمشي نتي لي غدي تمشي دي فيديك 50 درهم زرريها أو گولي لها انا عروسة مي راضية راااه دغية يعرفوك كولي دكشي لي قسم الله ويلا حطو المساااخن فطبسيل هزيه أو دردريه قدااامك كان شي البيض البلدي حتا هو كوليه ويلا شفتي البلول شربيه راااه حتا هو مزيان هداااك راااه شحال من وحدة غير تتجي وتتنعس مع رجلها دقة بطلة تتهز
ليلى : ماما عفاااااك بركة ويلا كانو هما لي مبغاوش هاد لولاد الله يهديك خلي كلشي فيد الله
* لوجين مهبطة راسها *
راضية : راااه كلشي فيد الله مالنا غدي ندابزو معاه ولكن بنادم تيدير سباب الأعمار تدوز بحال طرشة بنادم يجري ويجااااري محدو مزال فيه ما يجري وزايدون مكاااينش شواااحد فهاد دنياااا متيبغيش لولاد گاااع رجاال تيبغيو دراري وخااا ولدي يگوليك مزاال مابغيتهم رااااه حدو عااام عااامين يبقااا يحشي ليك فالهضرة أو يبدااا يقلب على لي تجيب ليه لولاد وحنا ما بغينا نبقاو حتا نوصلو لهاد لماااصل بغيت وليدات ولدي يكونو منك
لوجين تتغسل الماعن و معصبة وتتبرد عصابها فواحد الكاس كان فيديها بقات مزيرة عليه حتااا تهرس عاااااد قفزاات ...
___________________
راكان : مستحيل كاس ديال شرااب يدير فيا هدشي كامل فكرت وفكرت ولقيت اخير حاجة شربتها هو كاس ديال العصير من بعدو مبقيت عاااقل على والو اصحبي
خليل عقلو خدام ومفيكسي عينيه فراكان أو تيسترجع الأحدات فعقلو قبل ماااا يخرج من الباااار كان تيسمع سجود تتغوات على دراري على شي كااااس تما شربتيه لا مشربتوش والهضرة كثيرة بيناتهم هدشي لي جاابت ليه ودنيه غير وقف عليهم سكتو
أنت تقرأ
دمعة لوجين
Romanceقصة أقل ما يقال عنها رووووعة و مؤثرة بشكل كبيييير ، غدي تبقا مترصخة فعقل أي وحد قراااااها 💥 بغيت نشوف هنا غير ناس لي قلبهم قوي نتفاهمو من هنا بلاما نحرق الأحدات وخليوكم تقراااو وتحكمو بنفسكم.. #الأم حماية,حنان,وتدفئة.... #الأب دعامة,قوة,كفاح...
