دمعة لوجين

جزء 51

سابين حركات لها راااسها شدات فيديها ومشاااو لقااو ليلى وراضية توضاو ولبسو العباية

لوجين *بصوت طفولي*: هاااني أمي راضية حتا انا توضيت وغدي نصلي معكم 

راضية : هههه تبارك الله على بنتي سابين

لوجين مشات جابت واحد لعلبة متوسطة الحجم مغلفة بشكل جميل وعطاتو سابين 

سابين *فرحانة *: واااش هدا ديالي اخالتي 

لوجين : ااااه ديالك احبيبة خالتها أشنو مغديش تحليه باش تشوفي الهدية ديالك حينت قدرتي تهزمي شيطان اللعين 

سابين فرحانة دغية حلاتو تفاجئات منين لقات الصلاية صغيورة فلون وردي أو فيها وريدات فلون لبيض مع عباية وزيفها فنفس اللون الصلاية مع تقاااشر ومصحف صغير سابين عنقات لوجين وتتبوس فيها لوجين بغات تشجعها باش تبدا تصلي حينت هدا هو سن مناسب لي خصها تعود على الصلاة 

سابين : عجبوني بزاااااف شكرااا خالتي لوجين

لوجين : بصحتك خليني نعاونك تلبسي العباية 

ليلى : بصارحة انا عجبوني ممكن تخليهم ليا 

سابين بعفوية دغية جمعاتهم مخبياهم عليها خايفة تخدهم لها 

لوجين : لا هدو ديال بنتي سابين هي عندها ماماها تشريهم لها يااااك *سابين ضحكات* ليلى لبسي لها تقاشر نمشي نشوف خليل واش فاق حتا هو كثر من دري صغير 

مشات تتجري لعندو حلات الباب مبانش لها فوق ناموسية تتسمع المااا فدوش عرفاتو فاااق ورجعات تتجري تقوم بيهم بالصلاة ..

سابين : شوفي اخالتي كيف جااتني 

لوجين *تتبوس فيها*: وينو وينو جااتك زوينة

سابين : دبا انا توضيت وكيفاش غدي نصلي 

لوجين : حتا هدي ساهلة احبيبة لمهم 

*من الشروط الصلاة هما *
ستر العورة ... ودخول الوقت... وإستقبال القبلة ..... والنية ..... مفهموم وملي كايأذن الآذان وتيسالي كاتنوض تصلي الصلاة الفجر فيها 2ركعات بدون إقامة يعني كاتجي نيشان تقول الله أكبر وتبدا الصلاة كاتصليها بالفاتحة وسورة الكافرون والركعة الثانية كاتصليها بالفاتحة وسورة الاخلاص ..وملي تسالي كاتنوض وتعمل الإقامة لي هي "الله اكبر الله اكبر أشهد ان لا إله إلا الله واشهد ان محمدا رسول الله حي على الصلاة حي على الفلاح قد قامت الصلاة الله أكبر الله اكبر لا إله إلا الله" ومن بعد منها كتعمل تكبير وكاتصلي 2 ركعات آخرين ليهما الصبح والركعة الاولى كاتصلي فيها بالفاتحة وماتيسر من القرءان والركعة التانية نفس الشيء ..... والوقت ديال هاد الصلاة كيمتد من الآذان حتى لشروق الشمس .. و الله دار لينا كل حاجة فوقتها لحكمة لا يعلمها إلا هو سبحانه.... جميع التكبيرات غير تكبيرة الأحرام 
وقول : سمع الله لمن حمده للإمام والمنفرد 
وقول : ربنا ولك الحمد للكل 
وقول : سبحان ربي العظيم في الركوع 
وقول : سبحان ربي الأعلى في السجود 
وقول : ربي أغفر لي ، بين السجدتين 
واش فهمتي المهم من بعد نهضر ليك على الضهر والعصر والمغرب والعشاء