دمعة لوجين

جزء 48

★عند سجود ★
سجود عرفات بلي خليل ماشي شواحد لي ساااهل وصعيب تفرض شخصيتها عليه تتبقا هي مفتشة يلاه فالبداية وماشي من صالحها تقسح راااسها خصها تصبر ليه وهي عنيدة كثر منو حينت هي مصرة تخدم فهاد القسم بضبط حينت معروفة عليها صاحبة مهمات صعبة وحتا حاجة متتخلعها 

خليل خدام على القضية وغاارق فالوراق وهي كعدة قدامو حتا هي خدامة معاااه ولكن مرة مرة تتسرق شوفة فيه عجبها بديك تقالة ديالو هدشي زااااد خلاها تعجب بشخصيتو كثر وبلأخص منين شااافت صبعو مكاين فيه حتا خاتم يعني سيد ممرتبطش كسر صمت بصوتو روجولي 

خليل : تنضن كلشي واااضح مكاااين لاش نضيعو الوقت حنااا طحنا على جوج مستودعات ديالهم واكيد غدي اكون وااحد فيهم عااامر بسلعة حنا دباااا غدي نتقسمو على جوج مجموعات مجموعة غدي تكون معاك ومجموعة غدي تكون معايا غدي نمشي نعلم رجاال باش يستعدو بغينا نغفلوهم

سجود حركات ليه راسها وخرج تيزرب 

لوجين دخلات الكوميسارية تتجري مشات ديريكت االبيرو ديال خليل لقاااتو خاااوي 

لوجين : فين غادي تكون دباااا أخليل

خرجات تليفون من صااااك شدات الخط لعندو بقات كتصوني عليه وهي كتستنى الاجابة على احر من الجمر 

سجود يلاه غدي تخرج حتا تتسمع تليفون ديالو تيصوني مشااات تتزرب هزات تليفون لقااااات اسم مراااتي طالع تعصبات ودوزات الخط 

سجود (تكلمت معاها بنرفزة ): شكون نتي لي مبرزطانة 

لوجين بعدات تليفون من ودنيها حتا تأكدات من رقم ورجعاتو تاني

لوجين : هدااا تليفون خليل وشكوون نتي بسلامة ( تعصبت من وقاحتها )

سجود : سمحي ليا احبيبة هو ميقدرش إجاوبك دبا من بعد ورجعي تصلي بيه

سجود ( قطعات فوجهاا ): بنادم كيف داير ...

لوجين بقات مسمرة ومفقوصة عاودات كتصوني عليه وهي معصبة ساع لقات تليفون طافي ...

خليل : وااش علمتي رجال 

راكان : غير كون هاني كلشي واااجد

خليل *دوز يديه على راسو *: مزياان دبااا خلينا نتحركو *تيقلب فجيابو *

راكان : مالك علاش تتقلب 

خليل : تليفون خليتو فالبيرو نمشي نجيبو ونجي ..

سجود *نزلات من دروج *: هااهو رااه جبتو ليك معايا نسيتيه فوق البيرو 

خليل : اااه شكرااا يلاه خليونا نمشيو 

كلهم طلعو فطوموبيلات كل وااحد شد طريق 

★مستودع ★
إيليف مدااابزة مع يديها بغااات تفكها وعصمان تيشوف فيها كانو معلقينو من رجليه ومخلين ليه راااسو التحت إيليف غير فكاات يديها نااضت بزربة بغااات تفك عصمان سااعاا سمعات الباب شواحد جاااي دغية رجعات بلاصتها ورجعات يديها اللور وقف واحد لگارد تيتفقد االأوضاع تمااا داااز من حداااهم بزوج غير لقاااا كلشي هو هداااك خرج تاني مقصر مع رجاال إيليف غير شااافتو مشااا ناضت تتجري تااني ومشاااات عند عصمااان بركات على واحد بوطون وبدااا تينزل عصمان بشوي بشوي خايفة إسمعوها بقاااات هكاك تتنزل فيه حتا وصل الأرض حلات ليه يديه ودفعها بجهد بقات غير تتشوف فيه