عصمان نزل من الموطور وقف قدام الورشة الميكانيك لقااا الحاج كاعد قداااام الباب والخدامة كاملين كاينين الا هو لي جاي معطل بسباب لالة إيليف *تحنى باس يديه *
عصمان : صباح الخير الحاج غير سمح ليا اليوم كنت مبرزط دكشي با......
الحاج تهامي *قطعو* : جيت باش نهضر معاك اولدي عصمااااان
عصمان : اااه الحاج مرحبا الله يسمعنا خبار الخير *جر الكرسي گعد مقابل معاه*
الحاج تهامي : كول خير اولدي كل خير كيف تتعرف صحة قلالت و أنا مااا بقيتش تنعاونك فوالو نتاااا لي هاااز كلشي الله يرضي عليك...
(مد ليه شي ورااق شدهم عصمان تيقراااا فيهم القااه كتب ليه الورشة بسميتو )
عصمان : الحاج اش هدشي *رجع ليه لوراق* هدشي لي تطلب مني مستحيل نوافق عليه هااااد الورشة ديالك و أنا خيرك هو لي ماعمرني نساااه فحياتي كلها يكفيني غير نهار وقفت عليك مسديتيش الباب فوجهي علمتيني هاد الحرفة منها تناكول طرف تالخبز فحلال الله يقدرني باش نوفي ولاو غير شوية من دكشي لي عطيتيني ولكن باش تزيد تغرقني فخيرك و تكتب ليا الورشة حتا هي فسميتي لا هدشي بزااااف
الحاج تهامي *شد يديه*: هداا هو اخير قرار عندي انا ربي حرمني من نعمة لولاد ولكن عوضني بيك و كون گاااع جبتو من لحمي ودمي مكانش غدي يطلع ليا بحالك ولدي الوقت وزمااان هدااا معرفناا شكون سابق اللهم تبقاااا الورشة ليك نتاااا حينت بوحدك لي تستهلها شحال تعدبتي حتا وصلتيها لهدشي لي هي فيه
عصمان : ولكن الحااااج
الحاج تهامي : شش مكاااين ماااا ولكن هدي ماشي غير هضرتي بوحدي حتا الحاجة گالتها مكاااين لي يستاهل ديك الورشة قد ولدها عصمان ، شد اولدي ودكشي لي قسم الله عطيني منو شوية باش نعيشو انا والحاجة حتا يدي مول الأمانة أمانتو
عصمان : الله يطول فعمركم و أنا غدي ندير مااا فجهدي باش نكون قد هاد تيقة لي درتو فيااااا انا تحرمت من واليديا صغير وعوضني الله بيكم ...
جرو الحاج وعنقو بجهد وتيضرب بيديه على ضهرو ودموعهم بزوج هابطين من عينيهم
★وجهة اخرى ★
دخلات إيليف الكوزينة طرفاتها و وجدات الغدا رداتو فوق البوطة و جمعات دنيا و شطبات الصالونات و نفضاتهوم من الغبرة و ضرباتها بتسييقة من الفوق حتا لتحت ، طلقات ريحة المعطر بريحة العوود فالمبيخرة بدلات الديكوور فالدار باش يحس عصمان بتغير هدشي زااااد عطااا رونق خاص المكان غير هزات عينيها فساعة لقات عصمان قريب يرجع الغدا طلعات تتجري البيتها توجهت لدوش دوشات وخرجات لابسة بينوار فالغوز دايرة فوطة فراسها حنيكاتها مزنگين مشات لماريو تقابلت معاه دايرة صبعها في فمها كتفكر اشنو تلبس هزات كسوة قصيرة فاللون الحمر المعري كثر من المغطي ذهنات بكريم مرطب للجسم بنكهة الفريز نشفات شعرها بسوشوار خلاتو مطلوق على راحتو وجمعت غير جوج خصلات بفيليل على شكل فراشة تقابلت مع المراية حطات غوجاليف قريب من اللون شفايفها رشت بارفان مفضل ونزلات تتجري الكوزينة جاب الله الغدااا متحرقش دغية طفات على الفران وخرجات گراتان كان بالكفتة وليباط معلك بالفرماج الحمر عاااد شليضات مزوقة بيهم طبلة و قطيبات لداند بالفلفل الحلو الاخضر والأصفر والاحمر وحاطة قرعة العصير وجوج كيسان لها وليه غير سمعات دقاااان مشااات تتجري تحل الباب
أنت تقرأ
دمعة لوجين
Любовные романыقصة أقل ما يقال عنها رووووعة و مؤثرة بشكل كبيييير ، غدي تبقا مترصخة فعقل أي وحد قراااااها 💥 بغيت نشوف هنا غير ناس لي قلبهم قوي نتفاهمو من هنا بلاما نحرق الأحدات وخليوكم تقراااو وتحكمو بنفسكم.. #الأم حماية,حنان,وتدفئة.... #الأب دعامة,قوة,كفاح...
