★وجهة أخرى★
جالسة ليلى و راكان مقابلين مع البيروا ديال الطبيبة لي حانية راسها كتقرا فالتحاليل بهدووء عكس دقات قلب ليلى لي غاديين و كيتزاادوا شوية بالشوية و الخووف لاعب عليها تاااانية تدوز عندها ساعااااات طويلة راكان حس بيها متوثرة حط يديه فوق يديها و مزير عليها بقووة تا شافت فيه و غمض عينيه و رجع فتحهم كأنوا كيقولها أنا معااك و كلشي غيكوون بخيير
الطبيبة:( هزات راسها ) تفضلي معايا ا مدام لغرفة الفحص
ليلى :( وقفات ) واخا
دخلوا بجوج وخلاو راكان كيتسنى على أحر من الجمر حتى هو ، تكات فالبياص و طلعات حوايجها مخلياها كتفحصها و مرة مرة تسولها أسئلة روتينية .. تا كملات معاها عطاتها كلينيكس تمسح جيل نزلات حوايجها و رجعات تبعاتها للمكتب يالاه جلسات قالت
الطبيبة: مبروووك رااااكي حاملة مدام ليلى
بقات مصدومة غير تتشوف وساكتة راكان ضحك وهوا ممصدقش
راكان :_دابا نتي غتولي ام وانا اب ااح تلفت (ضحك على راسوو) غنولي اب يااااك
ليلى كتومي ليييه بالااااا وهوااا تخلطووو عليييه الأحاسيس والمشاعر ناض من حداهاا ممصدقش ورجع كلس ورجع ناض كيحااول يستوعب وكلس قدامهااا حط يدوو على كرشهااا
راكان : دابا هنا كاين ولدي
ليلى نترات يديه من فوق كرشها وتتبكي وغوتات بجهد
ليلى : هدشي مكاااااين منوو واالو كدوووب كدوب اناااا عقيمة متنولدش علاش مبغيتيش تفهمها *هزات صاكها حتاا شدها *
راكان : ليلى بااااركة من لهبال سيدة بفمها گالت ليك حاملة علاش مزال تتعاندي
ليلى *بصوت باكي *: حينت مبغيتكش تحلم وفالأخير تصدم مكاااين والو فكرشي
الطبيبة *وقفات *: انا معرفتش أشنو المشكيل لي عندك اختي ولكن لي متأكدة أنا منو هو نتي رااك حاملة وماشي غير فشهورة ديالك لولين رااك حاااملة ب 3 شهور هدي غير تقبليها حينت قريب غدي ترزقي بتوينز ....
ليلى تخربقات مبقات عرفات شكون لي تصدق واش هاد طبيبة ولا طبيب لي گال لها بلي معمرها مغدي تولد عااااد الأعراض ديال الحمل مجاوهاش بحال گاع الحملات لي تتعرف من غير مرة مرة تتحس بالألم تحت كرشها وعاااد لغگيل تتجيها كل شهر ماشي بنفس الكمية لي كانت تتجيها فالأيام العادية حسااات بدوخة الدموع تغرغروا فعينيها بقات واقفة وراكان تيهضر مع طبيبة وصفات ليه الفيتامينات لي خصها تاخودهم فهاد الفترة وراحة تامة وتجنب العلاقات الحميمية فهاد الفترة حينت تتكون حالة جنين ماشي مستقرة هي تتشرح لهم بزوج ولكن لي مركز معها غير راكان بوحدو غير كمل شكر طبيبة وشد فيد ليلى فرحان وخرجو ..
أنت تقرأ
دمعة لوجين
Romansaقصة أقل ما يقال عنها رووووعة و مؤثرة بشكل كبيييير ، غدي تبقا مترصخة فعقل أي وحد قراااااها 💥 بغيت نشوف هنا غير ناس لي قلبهم قوي نتفاهمو من هنا بلاما نحرق الأحدات وخليوكم تقراااو وتحكمو بنفسكم.. #الأم حماية,حنان,وتدفئة.... #الأب دعامة,قوة,كفاح...
