دمعة لوجين

جزء 59

★عند.لوجين ★
لوجين : المهم ا إيليف انا غدي نقطع شواحد تيدق فالباب 

إيليف : وااخااا اختي شكرااا 

لوجين *مشااات تتجري*: شكون ....؟؟

راكان : غير انا ا لوجين حلي 

لوجين* دغية حلات*: راكان فيناهما واش مجاوش معاااك 

راكان *تيشوف فدنيا مقربلة*: لا لا انا مشفت حد مال هاااد دنيا مقربلة هكاااا

لوجين *سدات الباب *: دخول انا غدي نعاود ليك اش واااقع 

★عند عصمان ★
إيليف دخلات البيت على غفلة لقات عصمان تيبدل حوايجو غير شافها جمع الشوفة وجاي لها مخرج فيها عينو وتيسد فصدايف ديال قميجة

عصمان *بالغوت*: اااش هاااد قلة الأداب شكون لي سمح ليك بدخول سمعي مزيااان مدام نتي فداري خصك تحترمي راااسك بيتي معندك ما ديري فيه

إيليف: غير بشوية عليك لي سمعك يگول انا تنموت باش نشوفك انا دقيت فالباب نتا لي مجاوبتيش اش ندير ليك جيت غير نگول ليك بلي لوجين مغديش تمشي تجيب سابين من المدرسة وگالت ليا نجيبها انا وگلت نگولها ليك قبل ما نمشي 

عصمان *شدها من دراعها*: وقفي كيفاش واش مگالتش ليك علاش

إيليف : مااا نعرف هدشي لي گالت گلتو ليك

خرجات إيليف ومشا عصمان هز تليفون تيصوني لها باش يفهم اش واقع 

★عند خليل ★
دخل خليل عليهم لونو مخطوف وعينيه حمرين بالبكاااا دخل نيشان المكتب كلهم تخلعو عليه لوجين تليفون فيديها تيصوني ومقدراش تجاوب من بعد ما شافت الحالة لي كان فيها خليل عرفات شي موصيبة وااقعة و بالأخص منين رجع بلا ليلى يلاه غدي تدخول تبعو دغية شدها راكان ودخل عندو هو وسد الباب....

راضية مصدومة وهربات لها الهضرة 

راضية : بب بنتي فين هيا الوجين يااااك گلتي غدي يجيبها خوها هااهو رجع وفينها هي هءهءهء فينها بنتي *تطول عنقها جهة الباب* سيري حلي الباب راااه ليلى مزااااال مدخلاتش الوجين نوضي حلي الباااااااااب راااااه بنتي مزاااال مدخلات الوجييين 

تتغوات ربي لي خلقها وتضرب فخادها كانت حاسة شحاجة واقعة لبنتها ..

خليل تيزرب حط قدامو شانطة وتيجمع فيها گااع الوراق راكان تيهضر معاه عقلو مرفوع حتا شد فيه وتيزعزع فين عااد نطق

خليل *دفعو *: الكلاب خطفوها خطفو ليلى

راكان : أشنووو لا لا لا أخليل كيفااااش وقع هدشي غدي نحماق *راكان غادي جاااي* دباااا أشنو غدي نديرو أخليل مستحيل نخليو ليلى بين يديهم حنا مخصناااش نغامرو بحياتها حنااا خصنا ضروري نساااحبو من هااااد القضية ونعطيوهم دكشي لي بغاو اصلا هاااد ناااس مامعهم العب و أنا سبق و حذرتك گلت ليك مدخلش راااسك فهدشي حينت شحال من بوليسي تيلقا مشاكيل وتيهرب ولكن نتا سبحان الله راسك قاسح و عزيز عليك تلعب دور ديال البطل فكلشي