.......: فينو عميد خليل شفتو مكاينش فالمكتب ديالو گالي نجيب ليه القهوة تنقلب ملقيتوش
راكان *صديق خليل* :عطيني هاد القهوة وسير
....... :ولكن هدي ديال سي خليل اسي راكان انا نمشي نوجد ليك ديالك بزربة
راكان*معصب* :باااااارااكا اصحبي من كثرت الهضرة راااك تتشوف مكاااينش فالبيرو يعني خرج طلق القهوة وتزعزع من قدامي
راكان هز القهوة حطها فوق المكتب وبدااا خدام فخدمتو ومغطي على صاااحبو بين مااا يرجع ....
أريج مزال غااااادية بسرعة كبيرة تتفانتي طوموبيلات بطريقة احترافية ودموع فعينيها وتتنخصص وتشهق بالبكا حتا تيصوني تليفون ديالها شافت راااقم ديال خليل ممصدقااش ديك ساعة هزاتو ودوزات الخط
أريج *بصوت مبحوح* :خخ خليل حياتي انا كانت متأكدة غدي تصل بيا انت مستحيل تخلي حبيبتك
خليل : أرييييج جي لبلاصة فين تلقينا اول مرة هاني تنتسنااااك متعطليش ....
أريج : ووااااخ *قطع * ههههه الحمد لله ياربي الحمد لله رجعتيه ليا يلاه أ أريج طلقي راااسك هههههه مخصكش تعطلي عليه كثر من هكااااا *ديمارات طوموبيل ومشات *...
وقفات طوموبيل خليل قدااام واااحد الكافي راااقي ديال جاي فموقع زوين تيطل على البحر كيف دخل ديريكت جااا النادل العندو طلب قهوة كحلة بلا سكر ومشاااا لاطيراس بخطوات تقال خدا سيجار والقداحة شعلو ونتر منو زوج نترات وخرج دخان من شفاهو وعينيه مع طريق شوية تتبان ليه طوموبيل ديال أريج لي بلاصاتها وطلعات عندو تتجري
أريج *عنقاتو من لور* :حياتي كون تشوف قدااااش انا فرحانة فهاد ساعة
خليل دار وتكلم بصوت رجولي . . . . . .
أريج : عندي ليك شي كلام وكانتمنى تفهميني وتسمعيني حتال لأخير وبلاما تقطعيني
أريج : "دقات قلبها تسارعو " كانسمع
خليل : نتي عارفة بلي كانبغيك وكانقدرك والا ماكنتش غدي نبقى معااااك حتال هاد الوقيتة ونفكر نتزوج بيك ست سنين وحنا مع بعضياتنا حفضك وشاااربك ما تنحماق عليك وتنعشقك بالحوايج زوينين و الخايبين حتا هما *أريج بلاما تشعر نزلو دموعها بحال شلال وشادة فقلبها قرب لها ومسح دموعها بصبعو وباااس عينيها بزوج وكمل هضرتو* هدشي لي واااقع لنا ماشي ذنبك ولا ذنبي أ أريج هدشي فوق من طاقتي ولكن أنا متأكد بالي غدي إجي واحد نهار لي كلشي يتقااااد أو غدي نحقق ليك گاع دوك الأحلام لي بنيناهم بزوج "شاف فيها "هدشي لي غاندير ماغايزعزعش مكانك فقلبي وماغانعلنو لحتى مخلوق
أريج :"بخوف ورهبة " أش وااقع أخليل !
خليل : غدي نتزوج أ أريج
أنت تقرأ
دمعة لوجين
Romanceقصة أقل ما يقال عنها رووووعة و مؤثرة بشكل كبيييير ، غدي تبقا مترصخة فعقل أي وحد قراااااها 💥 بغيت نشوف هنا غير ناس لي قلبهم قوي نتفاهمو من هنا بلاما نحرق الأحدات وخليوكم تقراااو وتحكمو بنفسكم.. #الأم حماية,حنان,وتدفئة.... #الأب دعامة,قوة,كفاح...
