دمعة لوجين

الجزء 16

📍في المستشفى 📍

فاطمة بدااات تتحل عويناتها لقاااات لوجين فجنبها تتقرااا القران حدا راسها 

لوجين *فرحات* :أمي الحمد لله وشكر لله فقتي الحمد لله على سلامتك *باست راسها* شششش متگولي والو طبيب گاليك خصك راحة ومتعبيش راااسك بزاف 

فاطمة *تتحرك راسها*: ف فينو باااااك و وخخوتك خوتك فينهم 

لوجين : بابا بقا فدار وخوتي مشاو لخدمتهم بقا غير فؤاد يلاه خرج غدي اكون غير هنا دبااا يرجع دبا متفكري فوالو أمي راااتاحي 

فاطمة : بب بغييييت المااا مااااا

لوجين : المااا واااااخ وااااخ 

شوية دخلات لا راضية هازة قفيفة 

راضية : السلام عليكم ورحمته الله 

لوجين *خرجات عينيها*: وعليكم السلام اخالتي 

راضية : الحمد لله الحمد لله الآلة فاطمة اليوم حنا شوية على البارح بعد ههههه

لوجين : خالتي علاش جيتي واش شافك خويا عفاك سيري من هنا 

راضية : اويلي مالكي حماقيتي خليني نگعد رااااه سخفوني دروج بالكشيفة باش طلعت صبري غير ناخود نفس

لوجين : خالتي خويا فؤاد محلف عليك عفاك سيري انا الا لقيت شي وقيتة نجي عندك

راضية: ويلي ستغفرت الله مالو خوك تيقطع ريوس سيري سيري الا قدر إگول ليا شحاجة غير إگولها لما نقيت ليه ودنو مزيان

*حلات صاك* شدي شربي هاد شوية الحريرة ديال إيلان راااه زوينة لها وهاااد شوية الحليب محدو دافئ فيه شوية زعيترة ونافع البلدي وزرارع وجبت لها شوية خبز شعير بالفوة الا قدات عليه راااه زوين دغية تنوض بحال العودة ما فيها والو أما إلا بقات فهاد سبيطار گاع امراااض دنيا اطيحو عليها .جمعي راااسك الآلة فاطمة راااه مزال بغيناك خصك توقفي مع بنتك حتا توصليها ان شاء الله لدار رجلها ههه

لوجين *حلات فمها*: اش تتگولي اخالتي
 
راضية : كيف تتسمعي ولدي خليل بغاااك 

لوجين *تصدمات* كيفاش بغاني اخالتي 

راضية : زعمة معرفتيش ولا تديري راااسك معرفاش ههههه احيانا عليك اشويطينااا بغاااك باش إعلقك فالڤيترينا بغااا الزواج على سنة الله ورسوله 

لوجين *فرحات*: واش تتهضري بصح اخالتي بغاني وخااا انا هكاااااا 

راضية *وقفات*: وماااالكي حاگرة راااسك ولا كيفاش تاني بغاك وخا هكااااك مالكي كيف شاهدة تبارك الله الف واحد يتمناك 

لوجين :ههه شكرا اخالتي غير گلت زعمة انا وحدة فايت فيا زواج وهو مزال عزري غدي يبغيها عزبة بحالو وعاد هو عندو حبيبتو كيفااااااااش بغا يتزوج بيا انا رآه مبقيت فاهمة والو