★وجهة أخرى ★
....:صافي بركة من البكا ها هو باباك جااي الحمد لله جيت فالوقت وسمعت غواتك يعلم الله هاد الكلب اش دار فيك
دفل عليه على وجهو وعطاااه ركلة فكرشو كان رااابطو بقنبة غليضة مع واااحد شجرة فاش كان مغيب تحكم فيه مزيان حينت كان صحيح عليه مجاااا فين يفيق لقااا رااسو مزير مع ديك شجرة نيت لي كااان غدي يغتصبها تحت منها تيتركل بغاااا يفك راااسو والو
سابين تتشوف فيه وتتخنزر فيه حتا هي دفلات عليه بحال داك رااجل وضرباتو برجليها ومشات مع دااااك رجل العجوز تيجمعو فنعيجات حينت كانو هاابطين ليه الشانطي وسابين كانت تتبكي غير شافت واااحد معزة صغيورة طالعة فواحد شجرة تتاكل بقات تتشوف فيها عجباتها غير نزلات بقات تبعاها وتضحك مبغاااتش تشد لها ...
-------------------
لوجين فالكوزينة لابسة تخميلة ومكفضة على كمامها وتتسنااا راضية تجي من سوق غير جاات مشات تتجري هزات عليها داااك شاااريو كااان ثقيل
راضية : اليوم الخضرة تتشوي الدجاج اللحم الحوت ديسير مكاين غير الله يعطيك الصحة زعمة المسكين فهاد البلاد سعيدة غير يموت
لوجين بدات تتخرج من شااريو او تحط فطبلة جاااات لالة فاطمة ودخلات الكوزينة
فاطمة : عطيوني نعاونكم
لوجين : غير سيري أ أمي هاني خدامة
فاطمة : واااش غدي ديري هدشي كااامل بوحدك بغيتي تعدبي ليا حفيدي
لوجين : اوا صاااافي أمي بركة غير هاد الفشوش سيمانة على قدها و أنااا متنتحركش من فوق ناموسية
فاطمة : الله يخلف على لالة راضية
راضية : ههههه اوا شنو والله الا غير بزز باش خليتها تنوووض دكشي لي بغات انا نجيبو لها غير تهلا ليا فولدي
لوجين : والله ماااا كدبتي امي راضية الا كلتي ولدك ولدك نيت هههه راك نتب لي بغيتيه
جاية ليلى حاطة مسك ديال البربا مع الجيلاتين وجها حمر بحال الا شوااااحد مفرشخ لها راسها بشي جنوي تخلعو كاااملين
ليلى : ويلي بلاما تخلعو بلاما تخلعو هداااا غير مسك
راضية *بالغوات*: الله يخليك بالخلا مشيتي تسكتي ليا القلب فخطرة اش هدشي دايرة فراسك ما لقيتي غير هدشي فهاد اللون ديال دم
ليلى : معندي ما ندير اماما خصني نقي وجهي باش يبان منور متنسايش اليوم الخطبة ديالي اليوم غدي يجيب راكان عائلتو يطلبو يدي ناااري يااا ماما وشحال فرحانة قلبي غدي يطير بالفرحة قيسي قيسي
راضية : بلاما نقيس رااااه كلشي باين غير من وجهك سيري ابنتي الله يفرحك
فاطمة : الله يعطيك الهنااا الله ابنتي يا ليلى تستهلي كل خير
أنت تقرأ
دمعة لوجين
Roman d'amourقصة أقل ما يقال عنها رووووعة و مؤثرة بشكل كبيييير ، غدي تبقا مترصخة فعقل أي وحد قراااااها 💥 بغيت نشوف هنا غير ناس لي قلبهم قوي نتفاهمو من هنا بلاما نحرق الأحدات وخليوكم تقراااو وتحكمو بنفسكم.. #الأم حماية,حنان,وتدفئة.... #الأب دعامة,قوة,كفاح...
