دمعة لوجين

جزء 62

لوجين متوجهة القبلة وتتصلي صلاة عشاء غير كملات بدات تتدعي وهازة كفوفها السما تدعي مع خليل وليلى
"اللهم كن لهم وليا و نصيرا و عونا و معينا اللهم غلبهم على اعدائهم اللهم ارنا في اعداء دينك عجائب قدرتك يا ارحم الراحمين "

تليفون تيصوني جمعات الصلاية ومزال دعااء فمها حتا تتشوف نمرة ديال إيليف دغية دوزات الخط خافت تكون سابين وقعة لها شحاجة اول ليلة تكون ناعسة بعيدة عليها

لوجين : السلام عليكم سابين

إيليف : مكاين لا سلام ولا كلام شوفي نهضر معااااك ديريكت نتي عااارفاني عندي غير گود حسن تبعدي على بنتي و عصمان وتخرجي من حياتهم

لوجين *مصدومة من كلامها*: ولكن انا أشنو درت ليك اختي علاش تتهضري معايا بهاد طريقة

إيليف *معصبة*: واااش نتي حمقة ولا مالكي باغية تخلي بنتي تكون معقدة من صغرها بقات معاك غير سيمانة دغية لعبتي لها بعقلها وخليتيها مجنونة بيك وتتصرف تصروفات كبر منها هدي راااه بنتي انا ماشي بنتك إوا فهميها وخصها تمشي على تربية ديالي انا ماشي تربية ديالك سيري احبيبة حتا تولديهم من كرشك عااااد ربيهم على طبعك

مزال مكملاتش هضرتها حتااا طار تليفون من ودنيها وضرب الحيط وطاح فالأرض گل شقفة فجهة بقات غير تتشوف فديك الكمية ديال غضاااب لي قدااامها فديك اللحضة تيصوت وعينيه حمرين ومزير على يديه

عصمان *بصوت قوي *: هدي الآلة دااااااري انا مااااشي دارك لي جاااية تتحلي كبينتك وتتگولي لسيدة متبقاش تجي شكون لي عطاااك الحق تهضري بسميتي اخير مرة نسمعك تدخلي فشحاجة بعيدة عليك عجبك الحااال مرحبا معجبك راااا الباب تتعرفيه سيري الله يعااونك اصلا حنا عااايشين بيك ولا بلا بيك *تغرغرو عينيها*
لوجين وحدة من هااااد العائلة ومااااشي نتي لي غدي تمنعيها معرفتش إنا نوووع من الأمهات نتيا فبلاصت مااا تشكري سيدة حينت علمات حوااايج زوينة ولها قمة كبيرة لبنتك جاااية تتعايري فيها واش نتي معندك غرام ديال العقل ولا ما تكسبيهش واش عيب بنتك تصلي وااااش عيب بنتك تلبس الحجاب وااااش عيب بنتك تهز كتاب الله عطيني غير شي سبب مقنع لي مخليك ترفضي

إيليف : انا تنشوف بنتي مزالة صغيرة حتا تكبر وديك ساعة دير لي عجبها أما فهاد سن هدا رآه استغلال حينت البنت معرفاااش وهي ستغلات الفرصة

عصمان : هههههه صافي دبا عااد فهمتك اوك انا نجاوبك عرفتي علاش جااااك هدشي فشكل وجاااتك لوجين إنسانية استغلالية حينت نتي مكبراااش فهاد الجو كاابرة غير فوسط الحرااااام زنة شربااات القتيلة أي حاجة محرمها الله معمر شواحد مااا گاليك نوضي تصلي معمر شواحد گاليك هزي كتاااب الله ولاو غير مرة وحدة فحياتك وتمعني فدوك الكليمات لي فيه حينت معمر شوااااحد مااا حل ليك عينيك وفيقك من دااااك سوباااات لي عايشة فيه دكشي علاش تتبان ليك لوجين وحدة متشددة فدين وغدي تعقدها ليك لا راااك نتي لي معقدة نتي لي وحدة مكلخة وجاااهلة هاااد سن لي كاينة فيه بنتك هو سن المناسب باش تبدااا تصلي وتهز القران خصها تكبر فهاااد الجو باش تكون متعودة عليه ماشي حتا تشرف ومايبقااا فيها لي يهز ولا يحط عااااد تبدااا تصلي سمعي نگوليك هاد جوج كلمات و دخليهم مزياااان هنااااا *ضرب بيديه لجبهتها* بنتي #خط_احمر خليها دير الحاجة لي هي بغاتها ولي قلبها رتاح لها ويلا كانت تربية عندك هي تلبس المقزب وشطيح والأغاني والكلام طايح باش تكون تتمتع بديك الحرية شخصية زايدة ديالك لي من بعدها غدي توالي تفرض علينا كلامها ومصاحبة ليا غير مع شمكارات وغارقة ليا فالبيران أو فقهاوي شيشة بناااقص من بوها تربية ...