دمعة لوجين

جزء 76 و الأخير

حطوها فوق ناموسية وغطاوها بجوج مانطات لوجين حالة فمها تتحس براسها مخنوقة ومقدراش تهضر ولكن الأدعية وبعض الأيات القرآنية ماافرقوهاش تتگولهم فنفسها تتحرك غير شفايفها

اللهم أسألك حسن الخلق وهون الطلق، يا خالق النفس من النفس يا مخلص النفس من النفس يا مخرج النفس من النفس خلصني.
اللهم يا مسهّل الشديد ويا مليّن الحديد ويا منجز الوعيد، يا من هو كل يومٍ في أمر جديد، أخرجني من حلق الضيق إلى أوسع الطريق، بك ادفع مالا أطيق ولا حول ولا قوة إلّا بالله،.. وصلّى الله على سيّدنا محمد وعلى آله وصحبة أجمعين. لا إله إلّا الله العظيم الحليم، لا إله إلّا الله رب العرش العظيم..، لا إله إلّا الله رب السموات ورب الأرض ورب العرش العظيم،

راضية *خرجات *: اوا ابنتي أش تتعاودي مالكم واااقفين جلسو نمشي نرد كويس ديال أتاي راني شحال هداااا مابقيت شفتكم

ليلى : كنت جاية فرحانة حتا خصرتي ليا فرحتي بهدشي اماما غير گولي ليا شكون هدا لي باقي تيبخر رآه دكشي رآه غير سم طلعتيه معاها الله يهديك اماما مالكي مزال قديمة

راضية : سكتي سكتي بلاما تهضري بحال دوك الأطبة هدوك اش تيعرفو هكا شفنا واليدينا وجدودنا تيديرو ماالنا متنا وقع لنا شحاجة هحنا بخير بدكشي باش ولدونا واليدينا ولدناكم بيه و الحمد لله

ليلى: المهم اماما انا جيت غير باش نبشرك راني مشيت اليوم عند طبيبة وراااني حاملة اماما حاملة بتوااااام هههههه

راضية *شرعات عينيها*: اربي اربي ياااا بنيتي وااااش تتهضري بصح

ليلى شافت فركان ورجعات شافت فيهاا تتشوف مها غدي طيح من فرحتها عنقاتها وتتنقز وليلى تضحك حتا تيسمعو الغوات ديال لوجين خارج من البيت تتوجع وفاطمة تتبكي راضية غير سمعات غواتها بدات تتزغرت وتتگول بخورها داااار خدمتو مشا راكان تيجري هزها وخرج بها و هما تبعوه من اللور وهازة فاطمة فيديها صااك فيه حوايجها...

لوجين كسراتهم بغواتها فديك طوموبيل راضية بدات تتصبر فيها و تتمسد تحت كرشها على الله يخف عليها الحريق شوية.... وقفات و خرجات عينيها تتشوف المااا هابط من بين رجليها طرطقات السگية...
ليلى تتصل بخليل ولكن كان خارج فواحد المهمة گاااع متيجاوب بقات ليلى تتحاول و تحاول والو حتا وقفو قدام الكلينيك وجاااو شي فرمليات جارين واحد نقالة حطوها ودخلوها بجرااا سخفانة ومعندها حتا سوفل باش تزحم وتولد ولادة طبيعية غير وصلات الطبيبة ديالها لي كانت متبعة معها من شهورة لولين من حملها قلباتها وبدات تتعبر لها طانسيو وتتراقب دقات القلب وريحة ديال البخور تتعطعط منها دوخاتها هضرات مع الممرضات باش يطلعوها البلوك غدي تولد سيزاريان ولا الجنين غدي يموت فكرشها حينت مخنوق بدااااك قوة دخان عرضو حياتو الخطار كانت الدكتورة معصبة للأخير درجة من هاد الجهل وتخلف ديال هاد ناس بغات تخاصم على لوجين ولكن تتشوف فيها لا حول ولا قوه لها خرجات عند عائلتها مخلات فيهم غير لي نسات حتا رجعو بحال الكلاب تيتناحطو ولاو تيكولو غير الفكاك هدي وتوبة غير تنوض منها لوجين سالمة هي و ولدها خليل غير ساق الخبار جاي تيجري وعينيه فالتين لقاها نازلا البلوك بساعة وحتا واحد مقدر يجبد ليه حس البخور حينت عااارفينو غدي يخليها عليهم هاد ليلة بقاااا غادي جاي فداااك الكولوار شاعلة فيه العافية لوجين العرق و لا يتصبب منها فحالا خويتي عليها سطل ديال الماء من بعد مجهود كبير عاااد خرجو الجنين وعلقو ليه الأكسجين وبقاو مدابزين معاااه لوجين قلبها تيضرب بجهد وعينيها غير معاهم بغات تسمع صوتو حتا فقدات الأمل وسلمات امرها للله وبدات تتبكي بعد عدة دقائق عاد سمعات صوت طفل كيغوت الطبيبة بدات كضحك وتشوف فيه باقي مغطي بدماء
حطاتو لها طبيبة فوق صدرها لوجين داك الحريق كامل اللي كانت كتحس بيه اختفى بمجرد ما سمعات صوتو و دموع بداو كينهامروا بطريقة عجيبة و لكن ماشي دموع الألم و انما دموع الفرح خليل دخل عليهم بحال العجاجة مبقاش فيه مااا يصبر كثر من هكا كان لابس لبسة زرقة وحاط الكمامة على فمو و جاي وتيضحك تيسمع صوت ولدو قلبو كيضارب بسرعة و هو كيشوف قطعة منو خرجات لدنيا بقا غير مصدوم قرب و باس راس ولدو احساس ما يقدرش يتوصف فديك اللحضة