دمعة لوجين

جزء 40

✴️⁩وجهة الأخرى⁦✴️⁩
                                             
لوجين : صباح النور أمي 

فاطمة: صباح النور بنتي فين غادية

لوجين : ااااه نسيت مگلت ليك رااني اليوم غدي نبداااا الخدمة عند واحد سيد عندو بنية غدي نكون مربية ديالها وفنفس الوقت خدامة فدار نطيب لهم و نصبن لهم حوايجهم ناس الله اعمرها دار 

عادل : مربية لبنتو ولا مربية ليه هو 

لوجين *بعصبية*: احترم راااسك شوية 

عادل *وقف*: لا اجي ضربيني نتي گاع والله مااا نزلتي دوك عينين حتا نخشي لموك رااسك فديك البرمة *الحريرة*هااا ني تنگوليك

فاطمة *بالغوات*: براااااااكة براااااااااكة رااني عيت وطااب ليا قلبي بمشاكيل ديالكم لي شافكم يحلف عليكم مااا خوت فين غادين بهدشي انا عيت ياااربي امتى تعفو عليا وتااااخود روحي نرتااااح

عادل ضرب برجليه خرج ولوجين حطات يديها على كثف امها تتصبر فيها مشات تتجري جاابت دواها عطاتو لها 

عزيز : فين غااادية نتي معندك فين تخرجي سي خليل تصلت بيه وهاهو جاااي باش نشوفو هاد الحريرة ديالك ...

عزيز : اهلا اهلا بسي خليل مرحبا بيك 
خليل سد طوموبيل وتسالم معااه ومع فؤاد 

خليل : ياااك كلشي مزيان الحاج

عزيز : منين أولدي منين والله نعااس مطااح فعيني منين جاات ديك الموصيبة ديال لوجين تتگول بغااات طلاق اش وااقع اولدي نتا غير گول ليا أشنو دارت ليك ورجع اللور حنا نتفاهمو معها خليها عندنا غير يومين ترجع الطريق راااه منحوسة بحالها بحال مها ضلعة عوجة غدين غير بالعصااا بحال الحمير 

دخلات لوجين فديك الكلمة الأخيرة حتا صينية ديال أتاي مبقاات قااادرة تحكم فيها تتحس بها مشات وجات كانت غدي طيح مرضااتش تسمع هكاك قدامو 

خليل : هي مدااارت واااالو المشكل فيااا انا يعني الا كان شواحد خاصو العصا هو انا ماشي هي *كلهم شافو فيه دقة وحدة* ونزيدكم حاجة خرى بديك تربية لي مربية بنتك الحاج هاني بها تنتربى وفضل تيرجع الله لي حطها فطريقي وكانت هي سباب فالهداية ديالي الله اجازيها بالخير *شاف فيها* بنتك متحتاج تربية محتاجة العطف والحنان باش متبقاش تقلب عليهم فجوايه خرين 

شافت فيه شوفة قاصحة حينت فهمات اش بغااا إوصل 

عزيز : الحمد لله هدا من فضل الله اسي خليل

خليل : بغات طلق خليوها على خاطرها هي لي عارفة مصلاحتها فين كاينة وحاجة خرى دااك الحمار لي غتصبها منين كانت صغيرة راااه تشد *كلهم شافو فيه*
عزيز : شكوووون هدااا اولدي گول

خليل : طلع الكلب ديال يوسف رجل ختي أو ولد جيراانكم *شدو رااسهم مصدومين *

فاطمة : أويلي ولد رشيدة جارتي اويلي لااااااا