دمعة لوجين

جزء 43

خليل غادي بسرعة خيالية أو كلمة وحدة تردد فودنيه دارت كسيدة من بعد مسافة، الطريييق لقاتو قدام مستشفى سطاسيونا فلباركينغ ونزل تيجري واتجه داخل للمستشفى مشا ديريكت للممرضة فليغجونس 

خليل* تيرجف *: واحد البنت يلاه دخلات غير شوية هدا الله اخليك

الممرضة : الاسم ديالها اسيدي 

خليل : أريج القاديري

الممرضة: (هزات راسها تتطاابي فالبيسي ) فليتاج الثالث الغرفة 116 

مشاا ناحية سانسوغ لقااه عاامر طلع بجرااا فدروووج تيسرع فخطاويييه وتيضور عينيه شاف الجناح دخل ليه مسح على دقنوو تلف وهو تايضور عينيه فدك تروتوار حتى شاف الغرفة مشا ناحيتها تايزرب غير حل الباب تفاجئ لقااا ممرضااات دايرين بها كانت ناااعسة ومغطين وجها بيزار بيض شرع عينيه وتيحرك راااسو مصدوم جااو الممرضات تيجريو باش اخرجوه سااعاا دفعهم بجهد جاات وحدة طايحة على الخرى موراه وقرب هز ليزار على وجها ممصدقش تكون أريج ماتت غير حيدو شاف شوية فوجها عرفها غوااات وطااح من على وقفتو كانو مضوورين على راسها الفاصمة 

دخلات مروى تتجري وتتنهج غير شافت خليل طاايح على ركابيه وحااط رااسو جنب رااسها فشلات وغوتات جااااااااية تتجري شدها خليل وزيرها بين يديه وتتبكي فوق كثااافو مقدرااتش تصبر على صحبتها.. تتبكي حتا سخفاات هزها بين يديه وخرج تيعيط عليهم جاو دافعين نقاالة هزوها ودخلوها الغرفة خرى علقو لها الأكسجين 

⁦✴️⁩وجهة أخرى ⁦✴️⁩
ليلى : ههه الله اخرج هاد ضحك على خير اوا خليوني نمشي نصلي العشااا الا تبعتكم هكا بقيت 

لوجين : سيري الصلاة هي الأولى حتا انا غدي نوض نصلي جوج ركعات لله ونعس فيا موت نعاس غدي نوض بكري الخدمة

راضية : وخاا ابنتي حتا انا نيت فيا نعاس شفت هاااد خليل تعطل يكما مبغاتش تجي ليه المدام ومضارب معها *كلهم ضحكو* هاهو عمرو طويل يلاه غدي نتصل بيه

راضية: الوووو اولدي فينكم مالك تعطلتي....أشنووو الله واكبر الله واكبر مسكينة انا لله وانا اليه راجعون داااايم الله فينك نتا دبا اااه صافي هاني جاية لا لا هاني جاية غدي إجيبني راكان صافي اولدي الله اصبرك اولدي والله يرحمها ويتبثها على سؤال ...

لوجين : خالتي ماااالكي اش واقع شكون مات

راكان: هضري اخالتي 

راضية: أريج دارت كسيدة خايبة وتوفات 

كلهم شدو راااسهم مصدومين ديك ساعة لبسو جلالبهم ومشاو شادين طريق المستشفى دنيا عاامرة بالعائلة ديالها شي تيگولها شي بنادم تيبكي أو يتناطح مصاابرينش عليها أو جاتهم موتها قاصحة غفلاتهم خليل وااقف غير بزز مزال لحد هاد ساعة ممصدقش بلي أريج مشات ومعمرو مزال غدي اشوفها عاااد صدمة ديال ولدهم لي مزال حتا مجاش لهاد دنيا خرج تصريح بدفن لي غدي اكون غدااا مع 12 عاد اخرجوها ومشااا واقف مع البوليس بغااا يعرف كيفاش حتا وقعات هاد الكسيدة وشكون لي كان منو الغالط واش هي ولا طرف الآخر من خلال الكاميرات عرفو بلي طرف تانية هو لي محترمش القانون أو قطع عليها