اليوم الموالي .........
كانو كاااملين قداااام المحكمة الأسرة عبد الإله مع ختو أو لوجين مع الأب ديالها كل واااحد واااقف فركنة أو تيتسنااااو إعيطو لهم ...
لوجين متتشوفش جهتهم شوية بدات تتسمع الهضرة كانت ختو تتهضر فتليفون وتتحاول تسمع لوجين دكشي لي بغاتها تسمعو
...: ههههه ايه وياااااه دار ليه ربي تاويل ديال خير وغادي يتفارق مع هااااد بنت زنقة هههه ويااااه اليوم مرحبا بيك انت والبنات كاملين اااه غدي تمشيو معنا نخطبوها ااااه اليوم يااااك گالتها ليك الحاجة اااه امين امين العقبة لبنياتك اخالتي وغير دعي معاااه عبد الإله رااااه مرضي وديما ربي تينجيه يلااااه نخليك اخالتي حتا نخرجو من المحكمة ونتصل بيك على الله غير مااا يبقااااو إجرجرو فيه شهورة معندنا وقت نضيعوه
....لازم من تجرجير فالمحكمة ابنتي حينت تتعطيهم فرصة على الله اكون شي صلح
هي : لا لا اخالتي مكاين حتا صلح مع هاد جلاخة تريكة المستعملة ربي فكو منها
....اوا الله ادير لكم شي تاويل ديال خير يلاه بسلامة ابنتي *قطعات*
لوجين دايرة بحال الا متتسمعش هضرتها واقفة جنب بااااها شوية تتسمع صوت من بعيد تيعيط اريج دااارت تتقلب حتا شااافت راااضية جاية تتجري أو تابعها خليل من لور
لوجين *فرحات * : خالتي جيتي
راضية : ايه جيت علاه انا نخليك فهاد الوقت واش مزال مدخلوكم
لوجين : مزال اخالتي
طلعات وجها وعينيها مشاو لعندو نيشاان لي كان لابس سروال كلاص فالأسود مع شوميز فالبلوغوا أحح ودوك الصديفات فاتحهوم من الفوق كيبان منو شوية صدرو سيدة تخربق لها مشاعر و بدات تسيح .. عاقت براسها ونزلات عينيها
مشاا تيهضر مع باها بلي غير اكون هانيا قاد الأمور أو من الجلسة الأولى غادي اكون الفراق مغاديش اعطلوهم فرح باها وشكرو
عزيز : الله يرضي عليك اولدي وسمعت شي حاجة معرفتش واش صحيحة ولا لا انت عارف العيالات سوقهم خاوي
خليل: لا دكشي لي سمعتي اعمي هو لي كاين الا بغا الله راأه ناوي نتناسب معاااك ويلا بغا الله هاد الليلة غدي نجيو نخطبوها من عندك
عزيز *غير تأكد*: مرحبا بيك اولدي فأي وقت
شوية خرج شاوش تيعيط بسمية لوجين وعبد الإله دخلو المحكمة كاملين مكاملة حتا نص ساعة كانو سالاوو أو خرجات لهم ورقة طلاق تصدم عبد الإله من هاد زربة أو عقلو بغا يخرج من بلاصتو بغا يعرف شكون هدااااك لي وااقف معهم واااااش من علاقة عندو معهم
عبد الإله *تيصوت* : العجب هدشي دغية درك اجي واااش فالعرس عمرك شفتي ديك المرا مع داااك خونا
أنت تقرأ
دمعة لوجين
Romanceقصة أقل ما يقال عنها رووووعة و مؤثرة بشكل كبيييير ، غدي تبقا مترصخة فعقل أي وحد قراااااها 💥 بغيت نشوف هنا غير ناس لي قلبهم قوي نتفاهمو من هنا بلاما نحرق الأحدات وخليوكم تقراااو وتحكمو بنفسكم.. #الأم حماية,حنان,وتدفئة.... #الأب دعامة,قوة,كفاح...
