دخلو الخدامات وفيديهم الماكلة ، سعدية وسجود كانو منبهرين بالمؤكولات بأنواعها والمشروبات لي تحطو فطبلة يلاه غدي تمد يديها سعدية شداتها
سجود : بااركة اماما صبري حتا تجي سيدة
سعدية *بعدات يديها وتتأكول*: لاش حطوه باش نتصورو معااااه مثلا خليني الا مبغيتيش نتي سوقك هداااك انا بغيييت الله اممم شحال هدشي بنين
سجود راجعة اللور حاطة رجل على رجل وسعدية خارجين عينيها تتنقب من هنا ولهيه وتمص صباااعها وتبنن سجود غير تتشوف وهازة قنانفها السما غير سمعات حس الهضرة طولات عنقها تطل حتا تصدمات
زهرة : مريم فييييينك
مريم *الخدامة*: نعام الآلة
زهرة : طلعي الناس البيوت ضيافة وأي حاجة بغاااوها جيبيها لهم وهضري مع العساس يطلع لهم حوايجهم يلاه طلقي راااسك
مريم : وخاااا الآلة زهرة هي لولى تبعوني
سعدية هزات راسها لقات بنتها فااالتين عينيها وطالقة ودنيها تتسمع
سعدية: اويلي نتي مالكي معلقة راااسك اش كاين تماااا حيدي بلاكي نشوف
يلاه غدي طل حتا جراتها سجود ورجعو بزوج بلاصتهم حينت شافت زهرة جاية
سعدية : فينك ازهرة راااه غير اليد ليسرية لي تتسناك
زهرة : غير بصحة محطو بنادم غير يتكال قربي ابنتي سجود من طبلة يكما بعيدة عليك
سجود : لا لا اخالتي الله يعطيك الخير
زهرة : بصحة وراحة نهار كبير هدااا
سجود *فمها تياكولها *: خالتي زهرة ياك لباس مال عااائلة خليل جاو عندك
زهرة *هزات راسها*: واش تتعرفيهم
سجود *بلعات ريقها*: اااه اه تنعرفهم الله يعمرها دار غير منين شفتهم طاح ليا العجب
زهرة : ااااه ابنتي انا اول مرة نشوفهم مساكن محروقين على بنتهم خت خليل تخطفات
سجود *شرعات عينيها ومثلات بلي هي متألمة من هاد الخبار *: مسكينة ومعرفتيش اخالتي زهرة شكون هدو لي خطفوها ..
🍁عند خليل🍁
خليل دخل الحمام لي فالمكتب تقاابل مع المراية بقاا كيشوووف فراسو مطول ودار راسو تحت روبيني كيتخوا عليه الما بااارد كيفكر ويفكر فهااد الخطة لي رسم بغااا يلعب بأخير ورقة فيدو يااا ربحة يااا دبحة ولكن ضارب الف حساب وحساب لكل خطوة حينت ختو بين يديهم وأي غلاط بسيط غدي يكلفو ثمن حياة ليلى .هز رااسو وهو كيرجع شعرو لور بيديه وقطرات الما كينزلو ليه على كتافو شي لي خلا تيشوورت يسرد بالما هز الفوطة دوزها على وجهو وشعرو وخرج القاهم كاملين واااقفين مصافين ومعهم راكان قدام البيسيات كبار ربعة ملاصقين مع بعضياتهم عامرين غير كودات شعل العميد البيسيات ورجع اللور
أنت تقرأ
دمعة لوجين
Romanceقصة أقل ما يقال عنها رووووعة و مؤثرة بشكل كبيييير ، غدي تبقا مترصخة فعقل أي وحد قراااااها 💥 بغيت نشوف هنا غير ناس لي قلبهم قوي نتفاهمو من هنا بلاما نحرق الأحدات وخليوكم تقراااو وتحكمو بنفسكم.. #الأم حماية,حنان,وتدفئة.... #الأب دعامة,قوة,كفاح...
