دمعة لوجين

الجزء 21

نزلات من سيارة وقلبها ورجليها كايرجفو من الخلعة دخلوا المكتب العدول جلس خليل وهي جلسات ف الكرسي لي قدامو كان كلشي جاهز خاص غير توقيعهم سألها العدول سؤال وطولات على ما ترد 

العدول : بنتي غانكرر السؤال واش موافقة تزوجي خليل بن محمد العمراني على سنة الله ورسوله بدون اي ضغط أو إجبار ؟؟

لوجين :(شافت ف عينين باها لي ريقو نشف خاف تحشمو وهو مخلا حتا واحد ما گاليه على زواجها أو يتفايش بيه قدام العديان وگاع هدوك لي قللو منو من زواجها لول بلي دبا جاب لها الله انسبيكتور فين إبان قدام راجلها لول ) موافقة 

العدول : رفعي صوتك ابنتي ما سمعتكش 

لوجين :موااااااااافقة 

العدول : مزيان سي خليل العمراني واش موافق بالانسة لوجين بنت عزيز العلالي زوجة ليك على سنة الله ورسوله 

خليل : ( بملامح ما كاتفسرش نطق بصوت خشن ) موافق 

العدول طلب من لوجين توقع بعد ما وقعات طلب توقيع خليل وقعوا بزوجهم وولاو زوج وزوجة 

العدول : الله يجعل كلشي مبارك ومسعود برفاه والبنين ان شاء الله

كلشي وقف وبداو تيتسالمو ويهنيوهم غير كملو مشاو ديريكت لدار عند راضية اكملو الإحتفال لي كانت هي فرحانة وطالقة شعبي مكاين غير الحاج مغيت مع حاجيب مع طاهور مع داودية ستاتية دكشي منوع تيتسمع داك الغنى من رااااس درب وسي راكان عاطيها الشطيح مع راضية 

راضية : هههههههه الله يعطيك الخلا سخفتيني

راكان مزال تيشطح أو تيهز البوط وراضية مفرشخة عليه بضحك حتا سمعو دقان مشا احل تصدم لقا وحدة لابسة لكحل أو معها واحد الملتحي *فؤاد*

فاطمة: سلام وعليكم ورحمة الله

راكان : وعليكم سلام شكون 

راضية دغية سكتات المسجلة وجات تتجري

راضية : مرحبا مرحبا بلالة فاطمة دخلي لاش معدبة راسك 

شدات من عندها طباسل الحلوة عطاتهم راكان دخلهم الكوزينة 

فاطمة: مكاين حتا عداب انت مولات الخير 

*دخلو الصالون *: فينهم هاد ناس مزال مجاو انا گلت غدي نكونو سبقناهم 

راضية : لا مزال مجاو ولكن هدي هي رجليهم دبا ادخلو 

شوية تدق نقاشة جات بدوزان ديالها ديال تنگافت وتتقاد لبلاصة لعروسة غير كملات توجاد عااونتها فاطمة وراضية حتا تيسمعو الكلاكسون أو ليلى حامياها تزغريت حتا جمعات عليهم جيران دخلات لوجين أو تيباركو لها راضية بالفرحة بكات

راضية : بسم الله ما شاء الله (باستها فجبيينها وجبدات علبة صغيرة وسطها سنسلة ديال الذهب (عقد ) ولبساتها ليها