دمعة لوجين

جزء 65

بقااات لوجين واااقفة وهازة داااك تيست فيديها وكلها تترعد بقات كتقرا طريقة الإستعمال و تعليمات لي فيه وهي كلها تترعد بالخوف غير قضاات الغرااد بقاات حطاه قدامها وتتشوف فيه وتتمنى تخرج بخبااار زوين تفرحهم وفنفس الوقت تفرح رااسها هدااا حلم أي وحدة فهاد الدنيااا غير يرزقها الله بوليدات وتسمع كلمة ماما بقا طاالع وقلبها كيطلع وينزل معاااه حتى بان الخط وااحد ملامح الحزن بانو على وجها دكشي لي كااانت تتسنااه وتمناااه مكاااانش بلاما تشعر هبطو دموع من عينيها دغية مسحاااتهم أو تتحاول تقوي رااسها وتخرج العندهم تگول لهم الخبر وخاااا عرفاتهم تيتسناو البشارة غير حلات الباب بزوج جاااو بجرااا العندها وهي مصدومة وتتبلع ريقها مقدراااش حتااا تگولها

راضية : هضري ابنتي يااااك حاملة حاملة

ليلى *تتشلشل فيها *: سربي اصحبتي طلقينا الفراجة 

لوجين *بصوت مخنوق *: للأسف طلعات تحليلة بوزيتيف *ليلى تصدمات*

راضية : اش تكون هاد بونيتيف تاني 

ليلى : لوجين محملاش اماما 

راضية *شدات فراسها *: اللهم لا نسألك رد القضاء بل نسألك اللطف فيه 

ليلى : بلاما تقلقي اختي لوجين دبا ربي يفرحك مرة خرى 

لوجين تحنات وباست راااس راضية وحطات راااسها على حضنها تتبكي 

لوجين : سمحي ليا اخالتي مكرهتش نفرحك ولكن ربي مزااال مكتااااب 

رااضية : ماااشي مشكل ابنتي دبااا ربي يشوف من الحااال ...

★عند خليل ★
خليل كان غااادي فطوموبيل أو تليفون فودنيه تيهضر مع راكان لي مصدعو باش يجي كلشي كان تيتسناه غير هو باش يبدااا داك الحفل فواحد الملهى ليلي رااقي وقفات طوموبيل ديال خليل قدام الباب جاااو البوديكارد حتا حلو ليه الباب خرج خليل وخلا طوموبيل لهم باش ينزلوها لباركينگ دخل كيتمشى بين الناس بانظار قاسية جاااي غير بزز وجميع البنات كيتبعوه بغزل بعينهم وصل لدروج و بدا كيتمشى بخطوات سريعة فتح العقدة ديال القميحة حس بسخونية طالعة معاه شحال هدي مبقا حط رجليه فهاد لبلايص تيحس بتأنيب ضمير كانت الموسيقى العالية الراقصات على الحديد كيرقصو غير بدو بياس و بكعب عالي وكدالك النادلات حتى هما كيدوزو على زبائن و كيشبعو فيهم تلماس وبوسان و عاد القنينات ديال الخمر والمخدرات بمختلف الأنواع والأشكال 

طاالع حتا تيشوف فيهم حاجزين وااحد لجناااح غير لهم خصيصا غير شااافوه بدااو تيشيرو ليه بيديهم فرحانين كان كل واحد جايب عشيرتو معاااه الا رااكان وسجود لي كانت محلقة على الحالة لابسة كسوة قصييرة بزاف فالبيض مفتوحة من جهة صدر وكعب عااالي فالأسود و ميكااب صاروخي ركزاات على شنايفها بغوجاليف حمر ماط شعرها خلاتو مطلووق خليل تلاح فوق واحد الفوتوي وتيشوف فيهم بدااا تيهضر معاااه راكان بجهد باش يسمعو