يوسف : ليلى سمحي ليا ولكن خصنا نتفااارقو
ليلى طاحت من على وقفتها فوق الفوتوي أو عينيها مغرغرين بدموع
ليلى *بصوت مبحوح* لا تضحك معايا لا مستحيل هدشي لي تنسمع كيفاش بغيتي نتفارقو او حبنا أو العشرة لي بينا واش هدشي كامل غدي ضربو فزيرو
قربات ليه وشدات وجهو بين يديها وبااااستو فمو بوسة طويلة لي نساجم معها حينت حتا هو تيبغيها ولكن تراااجع فاخير اللحضة مبغااااش يستسلم أو يضعاف دفعها
يوسف: عفااااااك بلاما تصعبيها عليا ولا عليك الفراااق هو الحل انت بغيتي لولاد ونااا عقيم ا ليلى تتفهميها انا ماااا تنولدش ومعمرني غدي نولد ومن احسن تكملي حياتك مع شي انسان اخور تولدي معاااااه قد ما بغيتي من حقك
ليلى *بالغوات* شكووون لي گاليك انا غدي نكمل مع شواااحد من غيرك انا تنبغيييييك واااش عااارف اشناهيا تنبغيك ونااا مبغيت ولاد بغيتك غير انت يوسف عفاااك انساااا والله ماااا بااقي غدي نجبد معاااك شي سيرة ديال شي ولاد مزاااال عفاااااك غير متخلينيش انا تنبغيك هءهءهء ععفاااااك منقدرش نعيش بلا بيك *طااااحت تحت رجليه وشداااه بزوج يدين أو حاطة رااااسها عليه ودموعها شلال*
يوسف *وقفها* نوضي بلاما ديري هاااااد الحالة فراااسك بقاي قوية وفهميني انا منقدرش نكمل معاااااااك
ليلى *مسحات دموعها* گوووول مبقيتيش تتبغيني ياااااااااااك سير الله ياااااخود فيك الحق الغداااااار كاينة شواحدة فحيااااتك هااااه هدشي علاش تبدلتي عليا هااااد الأيام كلها تنحس بيك مغير من جهتي كانت كيف الحمقة تنگول غير عياااان مع الخدمة سااااع انت كاينة شواحدة خرى متلفاااااك
يوسف : بركة من الحماق ا ليلى مكااااين والو من هاد تخربيق لي تتگولي وزااايدون معنديش علاش نبقا نشرح ليك هدشي تيبقى تيخصني انا بوحدي معندك فيه دااخل مزال أو حاجة خرى إجراءات طلاقك غدي نبدااا فيهم من الغداااا أو حقوقك كااملين غدي إوصلووك
ليلى *بالغوات * مااااااااااا بغييييييت وااالو من عندك الكللللللللب خرج فحاااااااالك خرج خررررررر رج *تضرب فصدرو *يلاااااااه سيييييير الله ينتااااقم منك
خرج يوسف تيزرب أو ردخ الباب من موراااه ليلى دخلات فهستيرية ديال البكاااا لي جااا قدامها تتهرسو وتغوات على حر جهدها بحال شي حمقة حتاااا طااااحت سخفانة
طلع يوسف فطوموبيل أو تيمسح عينيه وتيحاول يتحكم فراااااااسو كاان عااااااارف نتيجة ديال هدشي وعااااارف غدي احطمها ولكن مكان عندو حتا خيااااار اخور من غير هداااا باش يتزوج الإنسانة لي خرج عليها وضمر . حياتها خاصو ينهي العلاقة ديالو بمراتو حينت عرف ليلى مستحيل تقبل مراااا تانية تشاركها فيه فرحة لوجين غدي تكتامل ولكن على تعاست ليلى..
خليل كمل خدمتو ومشاااا معهم
راضية : لعجب تنصوني لختك اولدي گاع متتجاوب على تليفونها بغيت غير نگول لها فين كاينة باش متهولش عليا مع عرضت عليها تجي هي ورجلها تغداااا معانا ساااع خرج لنا بلان اخور......
خليل حتا هو بدا يصوني عليها حتا واااحد مبغا اجاوب قطع وشااف فساعة لي فيديه بقاات ساعتين أو يمشي إجيب أريج ...
خليل : على الله غير مااا نتعطلوش راااك عارفة مزال خصني نمشي نجيب اريج
راضية : مغدي نتعطلو شااااي دغية رجعو ان شاء الله
لوجين : حبس غير هناااا اخويا هاهي دارنا فهاااد سيكتور
راضية : يااا بسم الله يلاه ابنتي نزلي
نزلات معهم أو هي كلها تترعد وعينيها تيدورو فقاع راسها أو جميع القطااات تيدوزو قداااام عينيها فديك اللحضة راااضية تدق حتااا خرجو شي ناس
....وعليكم السلام علامن تتسولو
لوجين : ختي شي نااااس كانو هنااا
......اااه اااه رااه رحلو اختي منها حنا يلاه سكنا غير البارح...
راضية : ااااه ابنتي شكراااا والله ادخلها عليكم بزايد رزق
....امين الحاجة شكرا
خليل : دباااا اش غدي نديرو
لوجين : انا حافضة راقم ديال أمي نتصلو بها وتگولي العنوان
خليل عطاها تليفون ديالو ودوزات الخط
✴️جهة أخرى✴️
فاطمة : بالغوات ونتا ااااش داك دوز من قدام المحال ديالو ياااا هاد المسخوط
منير* اخ لوجين* : أشنو زعمة غادي يحبس علينا طريق عرفتي الواليدة غير جات حشومة أما والله حتا نشتت لمو رااااسو باش نعلمو مزال يهضر على ختي ديك طريقة
فاطمة: الله يخود فيه الحق ان شاء الله ترجع لوجين أو غادي طلق منو يحساب ليه هي غير معشوقة فيه وباغية تلصق فيه
منير : ولد الكلبة عرگني خلاني كولي تنرعد الكيدار لخور
فاطمة : نسا اولدي مديرش فيه عقلك خليه ربي لي غادي ينتاقم منو الحية شيطان
منير: سيري امي راااه تليفونك تيصوني
مشات تتجري هزاتو بان لها رقم غريب
فاطمة: الو شكون معايا .....
لوجين : أمي أمي انااا لوجين
فاطمة: بنتي لوجين في فينك ابنتي فينك راني كانت غادي نحماق بتقلاب عليك
لوجين : أمي بلاما تخافي عليا انا مزيانة وجاية لعندك دبا مشيت الدار فين كنا لقيتكم رحلتو منها
فاطمة: ااااه رحلنا منها انت عارفة باااك من داكشي لي وقع مبقا قادر يخرج لوجين بلاما تجي ابنتي انا نجي عندك فينما كنتي
لوجين : غير عطيني امي العنوان وبلاما تخافي عليا انا اصلا جاية باش نهضر مع بابا وخوتي فشي حاجة مهمة ولازم تعرفوها
فاطمة: اش كاين ابنتي هولتيني
لوجين : ماما ماشي فتليفون حتا نجي گولي العنوان دغية .....
فاطمة : وااااخ ابنتي ...
راضية: أمضراااا واش عطاتو ليك
لوجين : ااااه گالتو ليا رااه قريب ماشي بعيد
خليل : وخااا يلاه طلعو فطوموبيل خليونا نمشيو ...
أنت تقرأ
دمعة لوجين
عاطفيةقصة أقل ما يقال عنها رووووعة و مؤثرة بشكل كبيييير ، غدي تبقا مترصخة فعقل أي وحد قراااااها 💥 بغيت نشوف هنا غير ناس لي قلبهم قوي نتفاهمو من هنا بلاما نحرق الأحدات وخليوكم تقراااو وتحكمو بنفسكم.. #الأم حماية,حنان,وتدفئة.... #الأب دعامة,قوة,كفاح...
