مشاااات شدات فيديها تتحس براسها فشلانة ورجليها مبقاوش هازينها كلشي مخلط عليها فرحة وخلعة دخل خوها هزها وخرجها والعيالات موراه تيصليو على نبي وزغاريت مااالية المكان وجيران كلشي مخرج رااسو أو تيطل عليها من سطحان حتاا ركبات فطوموبيل أو مشااااو بها مشات معها غير خالتها وكلشي بقاااا حتا إجي فصباح الفطور مشات وخلات أمها تتبكي من موراها وقلبها تيضرب التسعين أو تليفون فيديها تتسنى مكالمة من عند ختها تبشرها بالي بنتها راااه صبحات وهكااا غدي تگولها لباها وحتا خوتها غدي اشمو الخبار دغية طريق كاملة وهي تتڤيڤري حتا وصلو الدار كانت عامرة بزاف شي داخل شي خارج تعرضو لهم بالحليب أو ثمر دخلوها بتقاليد ديالهم باش تدخل عليهم برزق اوا دخلات البيت هي وخالتها او تنتسنا سي عبد الاله يدخول عليها ...
كانت معها خالتها بقات معمرة عليها حتا خوااات عليها دنيا فالبيت عاد عاوناتها حتا حيدات الطكشيطة لي جااات بها أو لبسات وااحد الكومبليزو شفاف أو عطاتها واااحد المنديل مطروز بالفضي باش الا كمل تمسح بيه داك شوية دم لي غدي يخرج هو لي ضايرة عليه القصة كلها خرجات خالتها وبقات تدور بعينيها بحال موكة كانت رااجلها مزال مقصر مع صحابو فواحد صالون أو ضحك ديالهم تيتسمع من رااااس درب غير شوية تقطع حسهم أو سمعات حس طوموبيلات أو الماتر براااا والهضرة كثيرة عرفات بالي خرجو أو بغاااو يمشيو فحالهم
لوجين شداتها الخلعة عرفات بالي غدي يدخول شوية سمعات دقان فالباب حل ودخل ...
عبد الاله :السلام عليكم
لوجين : وعليكم السلام
جا قرب العندها وتيشوف فيها اول مرة اشوف شعرها مطلوق وعريان ديما تيشوفها بالفولار وعمرو محقق فعينيها ولا عرف حتا اللون ديالهم كيف داير حينت بكل بساطة لوجين تتحشم او ديما مهبطة عينيها الأرض وهدشي لي عجبو فيها وخلاه يتزوج بها
عبد الإله : مشاء الله زوينة بزاااف
تبسم لها وجمع الوقفة دخل الحمام توضا او رجع العندها عطاها العباية لبساتها فوق من داك الكومبليزو لي كانت لابسة أو حطات الفولار على راسها باش إصليو جوج ركعات الجماع وربي يسر ويبارك فزواجهم
لوجين كانت متوترة اول مرة فحياتها تصلي أو متكونش مركزة فصلاتها حينت كان قدامها تيجود القرأن بصوت ديالو العدب خلاها تخربق مبقات عارفة ماااا توخر ولا تسبق اول مرة تركع تنزل او تطلع بلا عقل كملو صلاتهم وبدا فدعاء
بسم الله ..اللهم جنبنا الشيطان وجنب الشيطان ماااا رزقتنا ....
كملو ورجعات البلاصة ديالها غير شفها بقا تيضحك او هو تيقرب لها
عبد الإله: بلاما تخافي مني الا عيانة او مبغيتيش اكون بينتنا والو اليوم حتال من بعد حينت بغيت اول جماع اكون بنا تكوني فيه مرتاحة ماشي هكا كلك تترعدي او خايفة مني
لوجين بغات غير امتى تحيدها وتهنا منها
أنت تقرأ
دمعة لوجين
Romansaقصة أقل ما يقال عنها رووووعة و مؤثرة بشكل كبيييير ، غدي تبقا مترصخة فعقل أي وحد قراااااها 💥 بغيت نشوف هنا غير ناس لي قلبهم قوي نتفاهمو من هنا بلاما نحرق الأحدات وخليوكم تقراااو وتحكمو بنفسكم.. #الأم حماية,حنان,وتدفئة.... #الأب دعامة,قوة,كفاح...
