دمعة لوجين

جزء 61

✴️⁩ البلاصة لمحبوسة فيها ليلى ⁦✴️⁩
كانووو الرجااال ديال البوص مجمعين و كيهضرو

الرجل1 : معرفتيش شنوو غنديرو مع هاد خيتي لي الداخل 

الرجل2 : سي هارون گالي غير كرمها عصااا مگاليش قتلهااا

الرجل1: اوا الا كانت غدي تموت غدي تموت كون غير طلقها لنا نستافدو منها بعدا حتا يوصل أجلها هههه البنت راااهاا زوينة عاااطيااا العين اصحبي غدي دير فينا خير

الرجل 4 : ههههه والله حتا انا مكرهت نيت 

الرجل 1: وا ترجلو معانا الخوت البنت مغدي يوصلها  حتا حد نهضرو مع سي هارون الا عطاني الأوكي باش نقتلها ديك ساعة بصحتكم دبا خليوني نعطيها ما تحنجر

ليلى مزال مربوطة أو شعرها مغطي وجها أو غير أنينها لي تيتسمع تحل لباب ودخول شوية ديال ضو تمااا وتتسمع غير الخطوات ديال رجلين تتقرب لها شد يديها فكها وحط لها الماكلة فوق حجرها

ليلى *بالغوت*: اااااااانا مبغيت منكم والووو بعدوو مني اش بغيتو عندي خليني نمشي فحالي هءهءهء حرام عليكم 

الراجل: هييه سكتينااا شنوو كيحسابليك راسك لهلا يوكلو ليك من جهتي 

رجع ربطها تاني هز البلاطو خرج وسد لباب كلسات ليلى تتبكي

ليلى : اكيد خويا غدي يعتقني خليل اكيد مغديش يخليني 

سدات عنيها كتبكي حتى حساات بيد على الخد ديالها كتمسح ليها دموع حلات عنيها وهي تشوفو بتاسمات فعز دموعها

ليلى : خليل كنت عارفاااك غتجي اخويا 

عنقاتووو مزيرة عليه وتتبكي فحضنو حتا فيقاتها وااااحد طرشة شرعات عينيها على حدها بانو لها رجال ملثمين شدوها من شعرها وجروهاااا

ليلى : بعد مني عافاااك خليوني نمشي فحالي لله يخليكوم 

الراجل 1: يلاه تحركي 

بدات كتبكي وترجاااهم جروهاا وهي كتنتر مخرجينها .....

★في السجن ★
يوسف هاااز المشروب فيدو وتيلعب القمر مع البوص ...فرحانين حتا وقف على راسهم هارون بوجه ما تيتفسرش 

البوص *هز راسو *: مالك ااااش كاااين 

رجع كمل العب وتيضحك وتيتسناااا هارون يهضر 

هارون : شاااف جايب ليك خبااااار ما تتبشرش بالخير 

البوص *طيح الكاس من يديه وقف*: تكلم ا هارون ااااش كاااين 

هارون : العملية فشلات أو قدرو البوليس افكوها فأخير اللحضة تم الحجز على قناطير من مخدرات الكوكايين وسلاح 

البوص تعصب وضرب برجليه ديك طبلة ديال زااااج حتا تشتتات فالأرض وجااااي بحاااال شي الثور شنق على هااااارون