دمعة لوجين

الجزء 10

فبلاصة اخرى 🔮

الشيخ : لا حول ولا قوة الا بالله ...اش هدشي درتي اولدي 

يوسف : راني حشمان من راسي وهدشي لي درت معدبني بزاف اشيخنا أو معمرني گلتو شواحد حتال ليك 

الشيخ: وهاااااد البنت عمرك شفتيها مزال

يوسف: لا من بعد دكشي لي وقع بشهر رحلو من حدانا حينت باها مخزني أو تيكون عندو إنتقال من عام العام 

الشيخ : هدشي لي درتي حرااااام ضمرتي هاد البنت والحل الوحيد لي عندك الا مبغيتي صداع ومشاكيل حينت قاصحة لالهاا لا لعائلتها مغدي يتقبلو هدشي ومشكلة تزيد تكبر كثر من هكا وتعقد عليها سير دخول من الباب وطلب ضيف الله الا مزال هاد البنت ممزوجة تزوج بها وهكا غدي تكون كفرتي على دنبك ومتنساش تصدق علاش قديتي و تستغفر الله أو صلي صلاتك أو متنساش نوافل وعلى الله غير الله يقبل منك أو يغفر ليك أو طلب الله باش يغفر ليك ويريح قلبك من هاد العداب لي عايش فيه

يوسف: نتزوج بيها وكيفاش غدي ندير مع مراتي مشكلة هدي 

الشيخ : عاود لها المشكل لي عندك الا كانت تتبغيك غدي تفهمك حينت رااااه حراااام هاد البنت تبقى هكااا باااركة غير هاااد البنات لي دبااا خارجين الطريق وسباب بحال هكا اغتصاب ولا شي واحد عطاتو بخطرها فالخر ضحك عليها وخلاها دنوب هاد البنت غدي تبقى فرقبتك حتال أخير يوم فحياتك منين نفسك لامتك أو بغيتي تصلح الغلاط ديالك هدا هو الحل تزوج بها وشرع محلل ليك ربعة فيك تزوج بها وتاخدها مرااا تانية ليك من حقك هدااا هو الحل لي عندك والله المستعان

يوسف : شكرا اشيخنا جزاك الله الف خير

خرج يوسف من عندو مدوخ ومگلوب شلا مطارق تضرب فرااااسو مقسوم بين مراااتو أو بين الماضي محتاااار وتالف شداتو الدوخة طلع فطوموبيل وشد فراسو تيفكر كيفاش غدي يقدر افك هااااد الحصلة لي حاصل فيها.....ركب نمرة ودوز الخط...

.... الو واااا فين أولد رشيدة عااااش من شااافك اش لي فكرك بيا العفريت منين دفنوه مبقاو زاروه

يوسف *تيدوز على لحيتو* :غير مع الوقت اصحبي عدنان بغيتك نسولك على فؤاد لي باه مخزني لي كانو ساكنين حدانا فسيكتور

.....اااه مالو

يوسف: واش عارف فين ساكنين

..... شحال هدا مبقيت مشيت لعندهم ولكن عااارف دار فين ساكنين ولكن واش مزااال ساكنين فيها ولا رحلو الله وعلم ولكن مزال عندي رقم ديال فؤاد اش فكرك فيهم بعدا

يوسف : غير بغيت نسول فيهم وصافي راااه جيران ديالنا القدام هدوك دوز ليا رقم فؤاد دبا

.....واااخ انا نرسلو ليك فمساج اوا دوز نشوفك راااه شحال من مرة تتجي حتال دوار يحساب ليك متنجيب ليك الخبار منين تجي هاد المرة تشوف الواليدة دوز نشوفك فسبيل الله راااه توحشتك بزاااف