دمعة لوجين

جزء 36

⁦✴️⁩وجهة أخرى⁦✴️⁩

راكان : شفتك خليتي مراتك تبع راجل غريب واش مغديش تحرك ودير شحاجة هدي رااه بسالة خايبة

خليل *تيكمي*: لا مغدي ندير والو كل واحد حر فراسو و أنا قررت مغديش مزال ندخل فحياة حتا واحدة فيهم مزال 

راكان : يعني تتأكد ليا بالي لوجين متتعنيكش 

خليل *ناض*: منستهلهاش ا راكان منستهلش ديك الإنسانة وحسن نعطيها براتها ونخليها تكمل حياتها مع شخص لي غدي يحترمها أو يبغيها ويخاف عليها فهاد دنيا كاينة غير فرصة وحدة ويلا مقدرتيش تستغلها صافي تضيع من يديك و أنا كانت لوجين بين يدي وضيعتها بهاد الأنانية ديالي جرحتها أو محترمتهاش ودعست على كرامتها 

راكان : راااك غالط بنادم تيغلط ونتا عارف غلاطك علاش متعطيش فرصة خرى لهاد زواج هي باينة تتبغيك حاول تعطي راسك فرصة معها 

خليل *دعس على گارو برجليه *: هههه ضحكتيني شكون لي گاليك تتبغيني واش نتا مريض 

راكان : راااك نت لي مريض وسيدة باينة تتبغيك خدم عقلك شوية رآه باينة العمى اصحبي و أنا وياااك باش ماااا بغيتي حتا لوجين تتحس بشحاجة من جهتك هههه 

خليل بحال الا صرفقو تفكر داك الموقف لي وقع بينهم فالكوزينة وكيفاش كانت تتشوف فيه دوز يديه على راسو بتوتر تيحاول يستبعد هاد فكرة من راسو بالي لوجين تتبغيه 

راكان : انا غير گلت ليك ونتا ضبر راااسك المهم هاني مشيت 

خرج راكان وخلا خليل تالف دخل ليه شك فراسو مشا رجع البيت لوجين أو نعس فبلاصتها حط يديه تحت المخدة حتا تتبان ليه شحاجة جرها لقاا تصويرة ديالو دغية هزها وبقااا تيشوف مصدوم وهضرة راكان رجعات تلعب براسو .....حتا نعس

🌞'|✿ •أصبح~الصبح~والملك~الله• ✿|'🌞

فاااقت لوجين على منبه ديال تليفون تيفيقها لصلاة الفجر ناضت مفزوعة مع كان بالها مع سابين مشات تتجري تتقلب على عصمان دخلات لبيتو بلا ستأدان وقفات لوهلة وفتحات عينيها على مصرعهما من هول المنضر كان ناعس على كرشو أو عريااان من الفوق شاد نص فناموسية أو دوك العضلات المفتولة غير تحرك دغية قفزات خرجات تتجري وسدات الباب كان عند بالها سابين غدي تكون رجعات معاه تنهداات .. 

⁦✴️⁩مكان آخر ⁦✴️

---: الأنسة أريج تفضلي غير واحد دقيقة غتجي الدكتورة تفحصك 

بالفعل ناضت أريج وهي مزيرة على يديها كان باين من على وجها تعب وتوتر بعد مدة دخلات الطبيبة و الممرضة كتشرحلها حالتها و كيفحصوها يعرفوا مالها  حتى عرات لها كرشها و حطات لها جيل على كرشها
سكتات متبعة الألة لي كدوز على كرشها و كتنزل شوية لمقدمة رحمها .. كانت أريج متبعة فالشاشة لي حداها حتى ابتاسمات و قالت