★وجهة أخرى★
يلاه لوجين خشات سوارت فالباب تحل وجراتها ليلى الداخل
ليلى *بالغوات*: فين كنتي هااااد الوقت كامل اصحبتي وعلاش مكنتيش تتجاوبي على تليفون ديالك
لوجين *خرجاتو من صاك *: كاان طافي والله ماااارديت ليه البال مالكي يااااك لباس
ليلى : لوجين طلقي راااسك خويا غدي ينفااااجر كثر من ساعتين وهو تيتسناااك المهم دااااير ليك مفاجئة سااااعااا مع هاد تعطاال مفيها شك غدي يدكدگ صيگانك هههه
لوجين : هههههه بصح داااير ليا مفاجئة
ليلى : ااااه ولكن شششش ديري راااسك مفراسك والو عنداكي تحطيني بوجهي يااا هاد المخلوقة
لوجين *حركات راسها بلا *: غير كوني هانيا
دخلو بزوج تيجريو دغية دوشات لوجين وحيدات عليها العيااا لقات ليلى مخرجة لها واااحد لبيسية أنيقة أو محتاشمة فنفس الوقت وألوانها مبهجة زاادتها نووور على وجها دغية لبسات وقدات الفولار كتفات فقط بمرطب شفاااه رشااات البرفان ديالها وخرجات تتجري شادة طريق لعندو ..
نزلات لوجين من طاكسي وتتشوف فدنياا خضرة والهواااا نقي أو صوت البحر قمة روعة والإسترخاء وموسيقة هادئة تتسمع من بعيد
رمااات عينيها بعيد حتا تيبان لها خليل واااقف وعاااطيها بضهر تيشوف فالبحر أو هاااز واحد جوااان فيديه تيكمي كان لابس شوميز وسروال فالكحل وفيست گري مشااات تتجري عنقاانوو من اللور غير حس بها دغية رماا الگارو وعفط عليه برجليه ودورها العندو
خليل *بعصبية *: سااااعتين و أنااا منشور هنااا اش هاااااد تعطيلة كاااملة ندمتيني
لوجين تضحك وطالقة يديها السمااا ومخلياه تيخاااسم
كان الضو شموع عاااطي رونق خااص لوجين بلاما تشعر زردو دموعها معرفاتش مالها ولات حساسة كثر من القياس مشااات قربات لطبلة لقاتها عااامرة متنوعة ومشكلة بگااع جميع المأكولات لي تتشهى الأنفس
لوجين : حبيبة درتي هادشي كامل على قبلي نااااري وشحااال كنبغيييك انااا
خليل *قرب لها *: و أنااااا تنموووووت عليك
جرها وبداو تيشطحو معانقين فرحانين لوجين مرة مرة تتعفط على صباطو اول مرة تشطح عكسو هو لي محترف بقااا غير تيضحك عليها وهي مهبطة راسها حشمانة حيد لها الشال من فوق راسها وخشى راسو فعنقها وهي مخشية فصدرو شوية طلع لها راااسها وهزها طلعها لعندو أو دخل معها فقبلة فرنسية عنيفة لي خطفااات أنفاسها وحسات بخطرها تروع ضربات بيديها صدرو دغية نزلها وبعد عليها وهو مزال تيتلدد برحيقها فمو
لوجين: عارفتي اشنوو أجي ناكلو حيت لعشا غادي يبرد.. ووو أنا تيعجبني ناااكلو سخون
دغية جرات الكرسي جلسات وبقا خليل تيشوف فيها فهمها جر الكرسي وجلس قدامها حتااا هو تياكول وتيشوف فيها بدوك العوينات لي تيسحروه
أنت تقرأ
دمعة لوجين
Romanceقصة أقل ما يقال عنها رووووعة و مؤثرة بشكل كبيييير ، غدي تبقا مترصخة فعقل أي وحد قراااااها 💥 بغيت نشوف هنا غير ناس لي قلبهم قوي نتفاهمو من هنا بلاما نحرق الأحدات وخليوكم تقراااو وتحكمو بنفسكم.. #الأم حماية,حنان,وتدفئة.... #الأب دعامة,قوة,كفاح...
