دمعة لوجين

الجزء 13

شدو طريق ديريكت العند دار لوجين مكاملة حتى ربوع ساعة حتا كانو قدام الباب جاو ديريكت مع باها وخوتها يلاه جاو من الخدمة شي مشا إطرف شي مشااااا إصلي المغرب فجامع ....

فؤاد : شكوووووون صبر هااااني جاااي غير حل الباب شااااف ختو شرع عينيه يلاه غادي يرمي يديه شدها ليه خليل لواها حتا بغاااات تقسم يلاه جعر بداااا فسبان خوها 

راضية : انت واحد ممربيش ولدي رااااه بوليسي ويلا مشديتيش داااااك الفم غادي إردمك فالحبس باش تربى

خليل *دفعو بجهد * : حنااااا مجيناش هناااا نتخاصمو جينا بااااش نتفاهمو يعني بلاما تصعبوها علينا وخلينا نهضرو هضرة رجااال 

فؤاد *تيصوت صدرو تيطلع أو ينزل * : مزيانة هادي اشنو الآلة لوجين جايبة لنا البوليس هااااه جايبة لنا لحنوشة وراااااااااااه يااااعباد الله حناااااااااا رجااااال متنخافوش غير منلي خلقنا والله وخا تجيبي ليا الملك ديال البلاد ماشي غير الكلاب ديالو لا شي واحد فكك مني ياااااا الكلبة

جاااي لها خليل فديك اللحضة متحكمش فراسو مزال بدون سابق انذار عطاه بونيااا للنيف مازال ما فاق منها ضربو بروصية تا داخ ..ككان غايطيح لولى الحيط لي وراه تسند عليه... ضرب يديه بالحيط حدا وجه فؤاد .. و جات لوجين تتجري عندو تتجر فيه من يديه .. 

لوجين ..صاافي عفاااااك حبس حبااااس صاافي باااراااكا هءهء.. هئء ..

خليل صدروو تيطلع و يهبط بالعصااااب و عروووقوو مطراسيين و منفخيييين فعنقو و جبهتو .. دور راسو لعندها ضرب فيها واحد موولاتي تخنزيرة خلعها ..و رجع شاااف فيييه و هو مزالو شانق عليه 

خليل: هااااد مرة دااااازت ليك ودزتي فوجها ولكن عرفتي مرة خرى نسمع حطيتي عليها يديك ولا گلتي شي كلمة جرحاتها نطحن مك عصاا هنا و ندووقك العذاااااب لي يخلييك تتندم على النهار لي زدتي فييه ..باش ترجل شوية وتدخول سوق رجال ومتبقاش تستقوى على العيالات اشماتة

دفعو حتى ردو الحيط ...

فاطمة *تضرب فخاضها*: اويلي وااااااش جااايبة البوليس لبااااااك وخوووك واااش بغيتي تخرجي علينا وتغرقيهم فالحبس هدشي علاااااااااش باااغية العنوان ياااااك ابنتي يااااااااك وماااا حراااااام عليك هااااه

راضية: ومااا حراااام عليكم انتما لي لحتوها فزنقة ولكن هي ماااشي مسخوطة تعاملكم بنفس المعاملة لي عملتوها انتما أما الحبس الا جيتو عليا انا هو سركم

لوجين : أمي *شدات فيديها*: انا بنتك بنتك لوجين كيفاش قدرتي تفكري أني ندير شحاجة بحال هكا انتما رااااكم عائلتي وأغلى حاجة عندي فهاااد دنيااااا 

عزيز دخل بشوية عليه وتيشوف فيهم من بعد ماااا وصلاتو الهضرة سخونة وصلها ليه ولدو حتال الجاااامع