دمعة لوجين

جزء 73

🌅أصبحنا و أصبح الملك الله 🌄
فااقت ليلى على لمساات راكان لي فااق قبل منهاا وكيبوس فحنيكااتهاا لموردين ويدو كيدوزهاا بحنية تخشاات فراكان بقاات معنقااه وتتشم فريحتو رجولية بقااو شوية على هاااد لحاال حتاا نطق راكان 

راكان : شفتك ستحليتي نعسة نوضي طيارة ديالنا من دبا ساعتين

ليلى : (شرعات عينيها ) اشمن طيارة اراكان 

نااض هزهاا بين يدو ملوية فاليزاار وهو لابس بوكسور وصدرو عرياان داارت يديهاا ورا عنقو

ليلى : صااافي اراكان نزلني وكولي اشمن طيارة متخلينيش هكاا

راكان :من بعد وتعرفي احياتي دبا خصنا ندوشو باش نصحصحو وشوفي ومن هنا نتفاهمو بلاما تبقاي تفشي عليا بحال البارح راه غير تكاايست عليك (ليلى تدور بعينيها )

دخلهاا لحمام حطها فجاكوزي وطلق المااا وتيخوي فالبرودوي او تخشااا جنبها كانو حنيكاتها بحال البندورة تتموت بالحشمة 

ليلى : راكان صافي غير خرج غدي نغسل لرااسي عفاك 

راكان : رصاااي لاش تتنقزي ومناااش حشمانة راااه كلشي شفتو البارح انحيلة ديالي*غمزها*

بدااو تيغسلو بجوج طبعاا مع تسخيناات صبااحية خرجاات ليلى وخلاتو مزال هو حاصل نشفاات لحمهاا وبدات تتلبس حوايجها صلات صلاتها او مشات الكوزينة وبدات كتصاوب فالفطور قدات بطبوطات و دهناتهوم بالزبدة و العسل شحرات اتاي قدات الومليط بالخليع حطات كرواصة شكولاطة العصير الليمون والمنجا و عصير الفريز وقهوة كحلة قاصحة كيف تتعجب راكان عمرات ليه طبلة بكل 
‏﴿مَا تَشتَهِيهِ الأَنفُسُ وَتَلَذُّ الأَعيُن﴾

غير كمل حتا هو دوش وخرج تينشف شعرو واااقف شحال قدام البلاكار تيخمم اش غدي يلبس واخيرا عرف اش بغااا جبدهم أو بدااا تيلبس من بعد سرح السجادة صلى صلاتو غير كمل مشاا الكوزينة لقااا طبلة الفطور قريبة دير روايض او تمشي بوحدها بكثرة شهيوات لي فيها فرح واخيرا تحققات احلامو كلها و لالة ليلى كاينة فدارو بدااا تينقب من هنااا وهنااا وليلى تتخاااسم عليه غير كملات جرها حطها فوق ركابيه تيوكلها وحتا هي تتوكل فيه فطرو بزوج فجو رومانسي غير كملو ناضو بزربة بداو تيجمعو فحوايجهم مشا عليهم الحااال توجهو المطااااار فرحانين او شادين فيدين بعضايتهم عصافير الحب 

★وجهة أخرى ★
إيليف تتلعب بختبار الحمل بين صباعها متوثرة او معرفاش كيفاش غدي تكون ردة فعلو منين يعرف بلي هي حاملة اما هي كانت اسعد وحدة غدي تجرب طعم الأمومة للمرة تانية من الإنسان لي تتعشقو وتتبغيه ...
خرجات تتسلت بحال شفار حطات يديها على بواني ديال الباب عندو ودخلات راسها تتقلب عليه بعينيها حتا تتسمع صوت رشاشة عرفاتو تيدوش حطات تيست فوق الكوافوز وبضبط حداااا البرفان ديالو شوية رجعات حطاتو فوق ناموسية رجعات حطاتو فوق المخدة تالفة تتقلب على شي بلاصة لي دغية تجي عينو عليه شافت حتا عياااات ورجعات حطاتها فوق الكوافوز وخرجات تتجري حينت سمعات الحس ديال المااا تحبس سدات الباب بشوية ورجعات تتجري البيتها