اليوم .....الموالي ....
ليلى: كح كح كح *تتسوس* كح كح ناري ناري تقجيت اماما نفسي دنيا حلي شراجم خلي دنيا تهواااا وتحيد الغبرة كح كحكح
رمات دكشي لي هازة فيديها ومشات تتجري تحل شراجم
راضية: واش نتي حمقة تتشطبي ونت سادة شراااجم رآه هكا باش تتبدا اتتتتتششششي الحساسية وضيقة اتتتتتتتشييييييي الحمد لله ياربي ......
ليلى: الله يرحمك اماما
راضية : الله ياربي الله *: خشات راسها فشرجم تتنفس تخنقات * اجي اجي تشمي الهوى
ليلى: وااااخ ا ماما كون جيتي عليا انا كون غير خليتيهم اعيشو معاك لاش هاد العداب كامل
راضية: الله يهديك انا قادة براسي ما يسكن معايا حد خليهم هما مزال عرسان جداد خصهم يبقاو بوحدهم راااه هي حشومية وهو كثر منها إلا تشهاااا غير ابوسها شي نهار غير اشوفني اجمع دورة هههههههه لا لا خليهم حتا يشبعو من بعضياتهم مزيان اوا منين أجيو لوليدات ديك ساعة أجيو اعيشو معايا اعمرو عليا دنيا راااه لوليدات هما زينة الحياة ابنتي
ليلى تقرصاااات دغية جمعات ضحكة
راضية *بحال الا صرفقتيها*: سمح ليا مارديتش البال لهضرتي سيري الله افك حزامك أو يعطيك حتا نتي باش تفرحي
ليلى: امين اماما اجي فكرتيني الا لبست حتى انا الحجاب كيف غدي اجي فيا اماما
راضية: كيف غدي اجيك زوين بطبيعة الحال ولكن الحجاب ابنتي رااااه عندو قوامو ماشي بقات تغطي شعرك وصافي راااه خصك تبداي تصلي ابنتي اوا شوف شحال و أنا تنگولها ليك
ليلى: اوا الله يهدينا اماما لبسوه بعد ويكون خير كيف عجبني هو غدي نوالي حتا أنا نصلي كلشي ممكن بصارحة اماما عجباتني لوجين والحجاب لي لابسة زااادها نور على نور حتا يوسف عجباتو البنت الليل كامل وهو يشكر فيها
راضية: هههه گول هكاك عليها بغيتي ديري حجاب حينت سي يوسف لي عجبو
ليلى: اوا صافي اماما يلاه خلينا نجمعو دار راااه خصني مزال نمشي نوجد العشااا
راضية: وااااخا دبا شحال بقااا هاد روينة ضراتني فراسي مبغاتش تسالي
ليلى: مبقاش بزاف بقا بيت نعاس دغية نجمعو نتي جمعي هدشي لي هنا ونمشيو
مشات ليلى تتجمع فبيت خوها لقاتو حالة مرون والفراش طايح فالأرض امااا واحد الحمام ضربي ليه يشطح كل حاجة فين مرمية شوية جات عينيها على واااحد سترينگ مرمي جنب لاشاص فاللون الحمر خرجو عينيها هزاتو بقرون صباع يديها ومبعاده وسادة نيفها عايفة منو وغادية تتزرب بيه لعند مها
راضية: اويلي اش دكشي هازة فيديك
ليلى: لقيتو اماما فالحمام ههههه خويا غارق فالمنكر اماما درتي فيه خير
أنت تقرأ
دمعة لوجين
Romantikقصة أقل ما يقال عنها رووووعة و مؤثرة بشكل كبيييير ، غدي تبقا مترصخة فعقل أي وحد قراااااها 💥 بغيت نشوف هنا غير ناس لي قلبهم قوي نتفاهمو من هنا بلاما نحرق الأحدات وخليوكم تقراااو وتحكمو بنفسكم.. #الأم حماية,حنان,وتدفئة.... #الأب دعامة,قوة,كفاح...
