دمعة لوجين

جزء 58

★بعد مرور 6 ايام ★
لوجين غير كملات صلاة العشاااا هي وسابين خشاتها فبلاصتها وتخشاات فجنبها باش تنعسها وبلاصت ما تحكي لها قصة كيف موالفة هي بدلات لها سيستيم كامل ديال حياتها وبدات تتقرا لها القران كانت حاطة المصحف بين يديها وتتجود بصوتها العدب لي خلا سابين ترتاااح وتغمض عينيها ونعسااات فسكينة بقات لوجين مستمتعة تتقرااا وقت طويل من بعد ما شافتها نعسات سدات المصحف وقرات دعاء الختم 

"اللَّهُمَّ ارْحَمْنِي بالقُرْأن وَاجْعَلهُ لِي إِمَاماً وَنُوراً وَهُدًى وَرَحْمَةً ،اللَّهُمَّ ذَكِّرْنِي مِنْهُ مَانَسِيتُ وَعَلِّمْنِي مِنْهُ مَاجَهِلْتُ وَارْزُقْنِي تِلاَوَتَهُ آنَاءَ اللَّيْلِ وَأَطْرَافَ النَّهَارِ وَاجْعَلْهُ لِي حُجَّةً يَارَبَّ العَالَمِينَ ، اللَّهُمَّ أَصْلِحْ لِي دِينِي الَّذِي هُوَ عِصْمَةُ أَمْرِي، وَأَصْلِحْ لِي دُنْيَايَ الَّتِي فِيهَا مَعَاشِي، وَأَصْلِحْ لِي آخِرَتِي الَّتِي فِيهَا مَعَادِي، وَاجْعَلِ الحَيَاةَ زِيَادَةً لِي فِي كُلِّ خَيْرٍ وَاجْعَلِ المَوْتَ رَاحَةً لِي مِنْ كُلِّ شَرٍّ ،اللَّهُمَّ اجْعَلْ خَيْرَ عُمْرِي آخِرَهُ وَخَيْرَ عَمَلِي خَوَاتِمَهُ وَخَيْرَ أَيَّامِي يَوْمَ أَلْقَاكَ فِيهِ "

مسحات بيديها على وجها بقول *امييين *
هزات رااس سابين من فوق حجرها بشوية وغطاتها وخرجات لقات راضية قدامها 

لوجين : بشوية اخالتي يلاه نعسات *تتشم شي ريحة مجهدة * اااش هاد ريحة الخانزة اخالتي *سدات نيفها*

راضية : ماااا تگوليش هكاك على دوا ابنتي هدااك راااه ليك تنتسنا غير يدخول خليل باش تشربيه وتنعسو *هزات كفوفها السما* ياااربي ياااااااربي الحبيب لمااا فرحنا وفك حزااام هاااد المسكينة يااااربي رااه حنا متايبين ليك

لوجين : اوووف أمي راضية واش مزال مبغيتي تعياي 

راضية : مغديش نعيا حتا نشوف وليداتكم محدكم مزال صغااار بنادم يجري ويجاري على راسو و ان شاء الله غير تزوج ليلى حتا هي تجرب هاد الوصفة تيعاودو عليها زوينة ودقة بلا مااا يضور عليك العام حتا تكوني بولدك ولا بنتك فيديك رااه تقديت گاااع العشوب لي گالو ليا 99 عشبة ودبااا راااه طبختهم نتما مخصرين والو شربوها وتخشاااو تحت المانطة ونعسو گاالو ليا وخا يحسو بسخفة ولعرق ميتخلعوش غير يكملو رااااه غير تتعطي مفعولها 

لوجين : وااخا أمي راضية واااخا 

راضية : الله يرضي عليك ابنتي المهم هاني مشيت نحط رااسي رآه طفيت عليه البوطة غير منين يجي خليل رجعي سخنيه تاني حينت خاصو يتشرب سخون باش يعطي المفعول ههههه

لوجين دخلات البيتها حيدات العباية وطلقات شعرها لبسات بيجامة نعاس ديال ستان فلون البيض وتخشات بلاصتها غير سمعات حس طوموبيل ديال خليل ...مشات تتجري شعلات عليه يسخن وحطات جبانيات فاااش تخوي ديك الخلطة سحرية ديال خالتها راضية وسااادة نيفها ريحة تتروع الخاااااطر ...
غير دخل خليل مع الباب تيسمع تقرقيب فالكوزينة صحابو مو حتااا لقاااا لي معدباه هي لي مزال تضور فأخر ليل بين الماعن شدها عنقها من اللور  ضهرها مقابل مع لصدرو .. تحنى وزاع قبلات في اااخر عنقها خلااها تبوورش ... و تجمع كتفها عينيها تيلمعو بالحب و وخدودها توهجوو