دمعة لوجين

جزء 41

دخلات لوجين لدار لقاتها مقربلة شداتها دوخة معرفات منين تبدا مشات ديريكت الكوزينة غسلات دوك الماعن لي فلاڤابو عاااد عجناااات أو حلات الثلاجة جبداات اللحم مع شوية الخضرة متنوعة حطاتهم فوق بوطاجي وبدات تقطع فيها باش ديرها فطاجين وعينيها مع المگانة خاص تضرب 12:30 اكون الغدا واجد باش سابين تجي تغدا وترجع المدرسة غير ردات الطاجين فوق البوطة بداات تتقاد فشلايض حطات الخيار الخص الليمون تتقطع بزربة وعينيها معلقة فساعة غير كملات دخلاتهم الثلاجة إبردو ضربات تجفيفة الكوزينة خلاتها تتشعل بنقاوة أو ديك رويحة ديال المساحيق تنضيف لي معطرة برائحة الورد طلعات تتجمع بيت لقطيطة من الباب وهي تتجمع لها فالألعاب ديالها كانو مشتتين وكل حاجة رجعاتها بلاصتها وجمعات لها الفراش وهزات ستائر باش البيت يتهوى جمعات حوايجها الموسخين فشبكة وخرجاتهم جات عينيها على بيت عصمان حطات يديها على البواني ودخلات وتتشوف كان البيت ديالو غالب عليه اللون اسود تيعكس شخصية ديالو كان كلو مشقلب كثر من مشاغبة بنتو مسحات الغبرا وبدلات الفراش ديال السرير باش يتصبن طرفت دنيا ودخلت لدوش لي كان بتصميم اوروبي غير كملات طلعات حوايج الصابون وخدمات الماكينة وخلاتهم تيدورو نزلات تتجري الكوزينة طل على طاجين جات معاه قد قد هزات غطا ديال طاجين لقاتو طاب غير حل الباب عصمان دخلات تتجري سابين عنقااات لوجين من اللور 

سابين : خاااالتي لوجيييين خااالتي لوجين

لوجين *هزاتها*: عيووون خااالتك لوجين موااااااااح 😘 شحاااال نحمااق عليك انا ااااا

عصمان : سلام عليكم 

لوجين : وعليكم السلام عصمان يلاه غسلو يديكم بااااش تغدااااو رآه طايب 

غير حطتها طلعات تتجري سابين لبيتها شوية وتبعها عصمان غااادي بخطوات تابتة طالع مع دروج دخل البيت ديالو تفاجئ اول مرة اكون مرتب بهاااد شكل دخل الحمام گفط كمامو وبدااا تيغسل فيديه أو وجهو كمل هز الفوطة تيمسح بها وجهو وغااادي خاااارج عند بنتو عيط لها ونزلو بزوج لقاو طبلة متشكلة بشلايض عاد داك طاجين لي متوسط الطبلة كان مزال تيبربر عراتوو باش يبرد قطعات الخبز وتجمعو كااملين كانت سابين فرحانة

عصمان : راااه سخووون ا سابين صبري نجيب ليك شي طبسيل باش يبرد

سابين: لا لا لا بغيت ناااكول معكم 

سابين قطعات شوية الخبز وغير حطات صبيعاتها فطاجين بدات تتغوات تحرقات عصمان وقف وتيغوت عليها لوجين دغية هزاتها ومشاااات بها روبيني وتتصوت على صبيعاتها وهي تتبكي مبقاتش بغات تسكوت ولا صبعها حمر 

عصمان *جاي جايب بوماضة*: شحال رااااسك قاااسح أ سابين 

سابين : عفاك ابابا غير بشوية راااه تتحرقني

عصمان *جامع حجبانو*: غيييير صبري 

بقااا تيحط لها بوماضة غير بشوية وهي فرحانة وعاجبها الحال حينت لوجين هزاها أو عصمان شاااد يديها هدشي لي كانت تتمنى غير تكون عندها عائلة مكتاملة بحال أي طفلة فعمرها 
غير كمل لها هزها وحطها فوق الكرسي بيناتهم وبداو تيبردو لها وي إوكلوها مرة عصمان مرة لوجين وهي فرحانة حتا شبعات طلعات تتجري باش توجد راسها المدرسة وبقا عصمان مع لوجين بدات تتجمع طبلة أو بدا إعاونها