دمعة لوجين

الجزء 6

طوموبيل من بعد ديك سرعة الكبيرة لي كانت غادية بها بشوي بشوي بدا تينقص سرعة أو لوجين تتستعد تنقز قبل ماااا إشوفها غير وقفات طوموبيل هي نقزااااات مجاتش فين تهرب حتا شدها وشنق عليها وتيقلب على مينوط بغاااا اركبو لها 

كان واقف ومطلع حواجبو وتيشوف فيها

خليل «عض على شفتو و هضر بصوت قوي وفنفس الوقت هادئ و هو تيشووف فيييها بتبااث »: اشنو زعمة كنتي ناوية تهربي اسلگوطة ولكن ماشي معايا امدام 

دغية دورها وزيرها مع الحيط بغااا اركب لها المينوط فيديها تتغوات وتبكي وتسب فيه 

........خليييل ........خليل...ولدي 

غير سمع صوت أمو دغية بعد عليها وتم غاااادي العندها كاانت جاية تتزرب وغادية نيشان عند لوجين لي كاااانت شاااادة فيديها يديه كانو بحال خباطات دخلو فعضامها خليل تحنا على يد راضية باسها ....

خليل: الواليدة مزال فايقة اش لي مخليك سهرانة حتال هاد الوقت

راضية مزال تتشوف فلوجين وتضحك مشات قربات لها وشدات وجها بيديها بزوج

راضية : كانت تنتسناك اولدي انت لي مسهرني مشاااااء الله وتبارك الله ملاك هدي ماشي بشار عفيريت رااااك تتعرف تخطاااار مرحبا ابنتي مرحبا زيدي دخلي متبقايش واقفة فالباب أو مديش على هاد الولد عندي رااااه والو بحال المرحوم ديال باه معندو مع رومانسية أو لكلام زوين لي تيعجبنا حنا العيالات عندو غير گود كيف تراااااان هههههه 

عنقاتها بجهد وتتبوس فيها لوجين تدور بعينيها ماااافهمة واالو أما خليل تيدوز يديه على شفايفو بتوتر عارف مو اش قاصدة هي يحساب لها لوجين هي البنت لي تيبغيها خليل ولي مصدعاااه باش إجيبها تشوفها وتعرف عليها قبل ما تمشي معااه يخطبها

راضية : دخلي ابنتي دخلي باااينة عياااانة اجي ترتاحي 

خليل *بالغوات* :الوااااليدة اااش تتخربقي حبسي 

راضية *هزات يديها * :شششش متگول والو انااااا عاااارفة اولدي عاااااارفة بالي تتبغيها وديك الهضرة لي گلت ليك كلها غير نساها حينت طلعات البنت زوينة وحسن من هاديك البنت لي شفت ليك داك نهار فسوق 

*غمزاتو * تتعرف تخطااار يالمسخوط هههه 

شدااات فيديها ودخلاتها وخلات خليل بغاااا يتفرگع فزنقة أو تيدوز يديه على شعرو تعصب وضرب برجليه طوموبيل غمض عينيه وحاول يتحكم فرااااسو ودخل تيجري يشرح لمو أش واااقع قبل ماااا تخرج عليه 

دخل تيقلب على مو لقااااها داخلة البيت وسادة عليها هي ولوجين وشابعة ضحك

راضية *من مورا الباب* :معندي فاااااااش نهضر معاااااك سير سير خليني انا وبنتي حتال غداا ونهضرو را عشاك فالكوزينة تعشا وسير تنعس رااااك فايق بكري 

خليل *تيردخ فالباب* :الحاجة بلاما تعصبي ديل مي حلي باااااااااااب *ضربو بجهد حتا قفزو بزوج *

راضية * بصوت باكي * :لاااااا عرفتي أشنو دخل خلي دااااار بوياااا گاع انت وااااش الهاد درجة مبغيتيش نفرح بعروستي علاش ديما تتنكدها عليا علاش 

خليل تعصب مشاااا وخلاها حتاا تحل الباب على خاطرها عاد إشد لوجين إدخلها لبنيقا مع خوتها ...

لوجين : خالتي عفاك خليني نمشي 

راضية : معندك فين تمشي غدي تبقاي معايا أنا رآه غير بوحدي تزوجات بنتي وبقيت وحدانية بغيت نيت لي إعمر عليا هاد دار دباااا رتااحي هدا بيت بنتي ليلى حسبيه بيتك من اليوم ديري لي بغيتي راااا الماريو فيه الحوايج بدلي عليك أو راااا الحمام دخلي كمدي عضاااامك وناااا نمشي نجيب ليك وااااحد شهيوة غدي تاكلي عليها صباااع يديك غير صبري هاااني جاية

مشات تتجري راضية وخلات لوجين مخربقة وقفااات أو تتشوف فداك البيت لي أقل ما يقال فحقو يااااخود العقل أو كل حاجة فبلاصتها مشات الماريو جبدات بيجامة قطنية أو فوطة ودخلات الدوش حيدات حوايجها كاملين ودخلات تحت رشاشة وطلقات الما كان دافئ تيدوز على لحمها تتحس برااحة هزات راااسها تيبانو لها بزاف البرودويات منوعين هزااات ديال شكلاط دوزاتو على لحمها طلعات رويحة زوينة لي خلاتها تفرح ليلة وحدة نعسات فزنقة حسات براسها بحال شي بركاسة وعرفات بحق تشرد أو حتا قلبها تيتقطع على دوك ناااس لي متشردين أو ضايعين معندهم بيت يحميهم ولا عائلة تخاف عليهم أو تحتضنهم ماشي ساااهل من بعد ماااا كملات دوش توضات أو لبسات حويجاتها أو توجهات القبلة تصلي. تطلب الله إعاونها بكااااات فسجودها أو طاااالت فصلاتها سلمات أو ختمات صلاتها بأية الكرسي...

راضية : الله يتقبل ابنتي اجي تاكلي شوية أو گولي ليا كيف جاااااك طيابي شوفي ويلا گاع متتعرفيش طيبي ماشي مشكل انا نعلمك ليه

تبسمات لوجين فرحات منين شافت هاااد سيدة وقلبها رتااااح لها وفكراتها غير فمها توحشات حضن دافئ احن فيها أو توحشات شهيوات من يديها غير مجرد متتفكر بالي صافي مستحيل تاني تشوف واليديها بلاما تشعر دموعها تيزردو من عينيها بحال شلال عنقاتها بجهد وتتبكي بين يديها بحال شي بنية صغيرة 

راضية *بعداتها* :مالكي ابنتي علاش تتبكي 

لوجين *شداتها فيديها* :خالتي أي وحدة فهاد دنيا تمنا تكون عندها شي عگوزة بحالك ضريفة وحنينة ولكن للأسف ماشي انا هي عروستك رااااك فهمتي الموضوع غالط *تصدمات* أنا عارفة بالي صدمتك بهاد الكلام ولكن هدشي لي كاين عفاك اخالتي انا محتاجة المساعدة ديالك انا بغيت نخرج فحالي من هنااا حينت ولدك بغاااا ادخلني الحبس وانا والله حتا بريئة *گعداتها قدامها * انا غدي نعاود ليك كلشي اخالتي 

بقات راضية غير تتشوف فيها أو تتسمع القصة لي تتقطع فالقلب...
____________________
شنو كتوقعو تكون التتمة ؟؟ واش راضية غترضا تفهم و تعاون لوجين و تكون الملجأ الوحييد ديالها ؟ و يترى شنو دور خليل فالقصة ؟؟؟
Vote et un petit commentaires SVP : JE VOUS AIME MES AMOURS💋💞💞