دمعة لوجين

الجزء 4

العائلة ديالها تيتسناو صباح العروس يمشيو فيه جرها من شعرها كان بحال شي حمق او تيغوات gاع جيران بداو اطالو عليهم ممصدقينش اش تيشوفو عينيهم العروسة هديك لي رجعات بديك الحالة ولا غير تيحلمو حل باااااها الباب ولاحها عليه وهي تتشهق بالبكاا بين يدو كان مصدوم

عبد الإله: واااش هدي هي شريفة العفيفة لي تتهضرو عليها هااااه وااااش يحساب لكم انا دمدومة بغيتو تحصلوها فياااا

الاب *دفعها ومشا ليه* : ااااش تتگول هاااه أشنو درتي لبنتي

عبد الإله *تيضحك* : گول أش دااارت بنتك ليااا سير حسبها هي وگول لها معامن ضيعات شرافها رااااه الموصونة صدقات مرااا ماشي بنت

خوتها كلهم واقفين على رااسها وعينيهم بركااان وحسو بشمتة مرضاااوش مولاي سلطان گال دوك جوج كلمات بحال سم بلي غدي إطلقها فاقرب وقت و خرج وخلاهم تيتبكااااو والعرس رجع مندبة هو مشا وهي بقات فالعداب خوها الكبير تيضرب فيها او خوتها لخرين تيشتفو عليها ولات كولها دمايات عند بالهم الا قتلوها غدي اغسلو شرافهم ، أمها طاحت عليها او بدات تتغوات على حر جهدها باش ابعدو على بنتها لي تتشوف فيها صافي غدي تموت بين يديهم وهما صعرو رجعو بحال الوحوش

الأم : هءهءهءهء بنتي بنتي تتموت ياااااا عباااد الله هاااااا العاااااار طلقووو بنتي طلقووها

جرااتها من بين رجليهم بحال شرويطة

الأب : تخرج تعطيني تيساااع وااش تتفهمي

الأم : هءهء هء خليوها غدي نخرجها مغديش مزال تبقاو تشوفوها مزال

نوضاتها بصعوبة ولاحت عليها وااحد جلابة بشال ديالها ستراتها بها ودفعاتها لزنقة تهرب قبل ما اشدوها خوتها اكملو عليها غادية وشادة فالحيط مقدراااش تتمشى وتتبكي و ناس كلهم تيشوفو فيها او تيقولو كلمة وحدة الحجاب او الفساد خنزتو الوقت ، كلام ناس كيف القرطاس حتا هدوك لي كانو تيغيرو منها من اخلاقها وتربيتها أو متيقدرو حتاااا إهضرو ولا إهزو عينيهم فيها هاهما اليوم تيضحكو فيها أو تيتشفاو
كانت لوجين بحال شي حمقة حاجة وحدة تدور فراسها كيفاش حتى فقدات البكرة ديالها يكما شي نهار درت شي طريقة ماشي هي هديك منين تتغسل الفرج ديالها بغات تحماق اسئلة كثيرة معندها عليها حتى جواب وفين غادية دبااا وفين غادي تعيش وااااش مخبية لها الأيام هاهي اليوم متشردة اول مرة تبات فزنقة ماشي فدااارهم كيفاش غدي تواجه هاد الحياة القاسية بوحدها

******* فقرة شعرية *******
حين نجد كل الطرق مقفلة وجميع الأبواب مغلقة

نقف وحيدون دون ملجأ يأوينا

دون حضن دافئ يغمرنا في لحظات الألم

تجد نفسك محاصرا بالظلمة والوحدة

فتكتشف أن كل شئ ضاع منك ولن يعود