✴️مكان أخر ✴️
عصمان: يلاه الآلة نزلي وصلتي على سلامتك
لوجين نزلات وتضحك
لوجين : عصمان شكرااا بزاف على هاااد العشيوة بصاارحة فرحت بزاف
سابين *عينيها مسدودين بنعاس*: بابا عفاااك خليني نعس عند خالتي لوجين هاد الليلة
عصمان : أشنو بغيتي تخليني نعس بوحدي هاد الليلة منبقاش فيك وزايدون بلاما تصدعي خالتك لوجين برااكة غير نهار كامل وهي حاصلة فيك بغيتي تزيديها حتا الليل
لوجين : راااك غاالط أسي عصمان هدي رااه نحيلة ديالي كيفاش بغيتيها تصدعني غير خليها تبات معايا هاد الليلة
سابين *تتنقز موراه*: عفااااك ابابا واافق وخليني نعس مع خالتي لوجين هاد الليلة بليز الله اخليك
عصمان : يلاه الآلة واااخا نعسي معها ولكن غير هاد الليلة صافي
سابين : هههه ياااس يااس شكرااا بزاف ابابا انا غدي نعس حداااك اخالتي لوجين *عنقاتها*
لوجين : هههه اااه غدي تنعسي حداايا الله احسن نعسة هي هدي يلاه ديري بابا باي باي خليه يمشي
عصمان تيضحك حط الكاسك على راسو ومشااا زاااف بقاااو تيشيرو ليه بيديهم حتا غبر عاد دخلو فهااد اللحضة كانت رااضية تتشوف فيهم من شرجم معجبهاش الحال
لوجين : سلام عليكم امي راضية جات عندك ضيفة
راضية نزلات عندها و باستها وغادية الكوزينة
لوجين : خالتي بلاما تسخني العشا رآه تعشينا فزنقة عاااد جينا
راضية :واااخااا لي بان ليك المهم تصبحو على خير غدي نمشي نحط عضامي
مشات راضية وبقات لوجين مبلوكيا حسات بلي كاينة شحاجة ماشي هي هديك دخلات سابين البيت ورجعات عند راضية
راضية : دخول
لوجين : خالتي وااش نعستي
راضية : يلاه نويت اش كاين ابنتي بغيتي شحاجة
لوجين *جات حداها*: خالتي واش مقلقة مني شوفي انا رااني تخلصت اليوم ها هما الفلوس قسمتهم على الثلاثة هدو ديال دارنا وهدو ديااالك وخاا نعاونكم غير فصالير ديال دار وهدو ديالي ولكن أنا هاد ساعة معندي ما ندير بيهم غدي نحيد غير المصروف ديال ترونسبور ولي بقا غدي نخبيه باش منين نطيح لقا شحاجة معايا خااالتي واخيرا احلامي بداو يتحققو انا فرحانة بزاف
راضية : غير خلي فلوسك عندك ا لوجين حنا مبغينا والو بغينا غير نشوفوك فرحانة
لوجين : وعلاش تنحس بيك مقلقة مني
راضية : حينت مبغيتش نشوفك بعيدة على ولدي انا بغيتك ترجعي ليه ياااك أريج و ولدها لي كان واقف فطريقكم هاهما مشاو اش مزال تتسناي رجعي لراااجلك هو تيبغيك وطلب منك سماحة ما مرة مااا جوج علاش قلبك تحجر من جيهتو ربي و تيسامح علاش نتي مبغيتيش تسامحي ليه ا لوجين علاش
أنت تقرأ
دمعة لوجين
Romanceقصة أقل ما يقال عنها رووووعة و مؤثرة بشكل كبيييير ، غدي تبقا مترصخة فعقل أي وحد قراااااها 💥 بغيت نشوف هنا غير ناس لي قلبهم قوي نتفاهمو من هنا بلاما نحرق الأحدات وخليوكم تقراااو وتحكمو بنفسكم.. #الأم حماية,حنان,وتدفئة.... #الأب دعامة,قوة,كفاح...
